Bases Concurso Pancartas Correlingua

BASES DO CONCURSO DE PANCARTAS “A CORUÑA MÓVESE CO GALEGO” CORRELINGUA A CORUÑA 2009 BASES DO CONCURSO DE PANCARTAS Colabora o Concello da Coruña, Concellaría de Normalización Lingüística “A CORUÑA MÓVESE CO GALEGO” 2ª EDICIÓN CORRELINGUA A CORUÑA 2009 1.Poden participar todos os alumnos e alumnas dos centros inscritos nos Correlingua 2009 na comarca da Coruña. 2. A participación no concurso será EN GRUPO. 3. As pancartas deben ter un tema que estea de acordo cos OBXECTIVOS xenéricos do Correlingua:: a. Propiciar a reflexión sobre a situación da lingua e a importancia de activar as accións en prol dela. b. Sensibilizar a sociedade, a través da mocidade, da importancia do uso da lingua. c. Asociar a reflexión lingüística a actividades colectivas, lúdicas e amenas e interdisciplinares. 4. As pancartas deben ter relación co lema da edición do Correlingua 2008: “En galego. Pásao”. 5. Valorarase a mensaxe, a orixinalidade e o deseño da pancarta. 6. Os centros deberán formalizar a inscrición neste concurso enviando un correo electrónico a [email protected] antes do 7 de maio. As inscricións deberán ter como mínimo os seguintes datos: Concurso de

pancartas Correlingua A Coruña 2009, centro e número dos integrantes do grupo. Se participan varias pancartas dun mesmo centro deberán ter un número que as diferencie claramente para facilitar a decisión do xurado.

7. O xurado estará composto pola Comisión Organizadora. A decisión do xurado será inapelábel. 8. O premio para a pancarta gañadora consistirá en 5 reprodutores MP4. O resto de pancartas recibirán agasallos da organización do correlingua: libros, mochilas, pins... Ademais, o centro gañador lerá o manifesto da seguinte edición do Correlingua na comarca da Coruña. (Lectura que será compartida con outro centro se resulta gañador do manifesto un instituto da comarca da Coruña). 9.- Os traballos premiados poderán ser reproducidos en campañas publicitarias e divulgativas do Correlingua. Para estes efectos os autores cederán os dereitos de reprodución á organización do Correlingua. 10. A participación neste concurso supón a aceptación das presentes bases.