Tzo- Teizang Newsletter November 22

Teizang Newsletter Nosa 22, 2009

Senngam, Malaysia leh TZO Kamuhna Sen ngam pan hong tungsak ka hih manin Sen ngammite ut le deih dan tawm le Teizang Zomi Organization (TZO) su ka seih tawmkhat hong at nuam ingh. Senngam pen inn sang pipi le inn lian pipi lam ing a uk mamah mite ahih manin, Senngam na pai nak le Senmite hau sele cicih ing in inn dawl sawm nga, dawl sawm luk khuapi sim ah ki mu zihziah hi. A hau takpi mah hiam cih seih nangin innsaang mamah te sungah ai ki sem cih ka en leleu a, ahi zong innkhan ki zangh lo tampi om in, sumzuak zumbawlna ai mah nei lo uh ahih ban ah, a inn bek mah ding lenlan sosong ong tam veve hi. A pualam pan i muh ciang, mihau mamah ngam tawh ki bangin, leitungah hau bel taw i cih ing ol mamah hi. A hi zongin Sen ngam sungah na sem tatak leng hau tak ei i cih na zah in sasum nisum i khom ing hong ki pia zihziah ngeilo leleu in an neek ing le inn le lo, innkuan ki vaak na’ng zong cing zolo sei lai hi. A hauh mamah zah un a nasem te’ ung deihsakna imah zong neilo fial song uh hi. Tu banah nasep hong ki piak le pen sila bang in hong ki tuat a, a mau ut popoh in maan le maan ta o le hong pau ziah ziah sei lalai uh a lungsim na ngeungau in hong koih sei uh hi. Senmi te’n ngamdang mi pen semseih semmawh in sem sei uh a, ngamdangmi mihau pian te bang a sum uh a bei dong mai et in a neek tum seseih nang uh a palikte na ngawn un vaihawm pih ta zen uh hi. Tusa ni 13 ni zingsang in, Chengdu pan Kuala Lumpur (KL) ah vanleng tawh ka tunga, KL sung lut seih nangin visa on arrival kici ni 14 omkhuan hong pia in RM 330 hong piasak hi. Kuala Lumpur sung kong lut leleu ciangin, inn saang ahi khollo inn hoih nono tampi kimu leleu a, inn saang a om susunte i sungah sumzuak sumbawlna a dim in a om lam ka seih ciangin, a puasam bek hi lo in a tatak in a hau khuapi a hih lam ka mu kheh hi. Ngamdangmite zong sesem nuam lo zaw deuh uh cih zong ka mu hi. Kong tun fet in, TZO makaaite tawh TZO vai mah kikup masak belh in ka nei uh hi. Ngiak le khawl nang zong ong lem sei paih ahih man in ka lung dam a, tu ahih manin TZO pen supi ka sa mamah paih hi. A ki helsa Teizang Zomi sempoh banah Teizang suan le khak a kuama poh zong ki behlalap nuam in ka um hi. Kei muh dan in Sengam hau mamah ci a mitampi’ ngaihsut pen ki ukna a hoih loh man le ngamdangmi a sem seih uh manin, mi tampi in suplawh bailawh uh a, a nuntakna dongin a sup lawh zong om fhial song hi. A hi zongin, Kuala Lumpur bel inn le lo lamdan a hoih seih mamah banah, nasep zong mitampi pia zo uh a, a pua lam pan i muhna sangin a sung lam a na sepna le sumzuak sumbawlna tampi tak neizaw uh hi. A ngammite ing bek hi lo ngamdang mite na ngawnin ki fattuam pih banah nasep kicing takin hong pia sei zihziah lel uh hi. A kumpi dan uh zuizolo te ing na ngawn in UNHCR a zopseih nangin UN zum tuatuam te nangawn kicing tak le nawngkai leilo takin om sak seih nang in lungsim picing nei uh hi. Kuala Lumpur a om i hih na tawh kizui in, Teizang Zomi Organization a hi zong, TZO sunga kihelsa Teizang mite’n a hi zong, mailam ah ong ki hel behlap lai ing lawm le ngualte’n ahi zongin a puasam bek tawh kipawlna hisak lo a, a tatak a ki huai ki kepna, i mipihte’ i noptuam ngah tataknang kipawlna, TZO a suah nang in tavuan i neih tek lam ong fawksak hi. Teizang mi pawlkhat Kuala Lumpur ah a nasep zawh uh a kum sawm sim in pai ta a, inn le lo banah motor na ngawn a lamzo zong mi ki om ta ahih na tawh kizui in, Kuala Lumpur pen ei Teizang mite ing in zong a supi mamah na mun le ngam hi song hi. Tu ahih manin, puasam bek tawh hi lo in i sung lam pan veina le deihsakna tak tawh TZO sunga om khua kipawlna tuatuamte khat le khat kizom dimdiam tek a, TZO a picin sesem seih nangin sum le pai, hun le nai, sa le ngal cihte a ki sam babang in i piak zawh ing nang le kei i mawhpuak ahi hi! Prof. Dr. David Ngin Sian Pau Chief Editor Email: [email protected]

Dr. Suan Muan Thang te nupa Malaysia ah Australia pan in Dr. Muan Thang leh a lawmnu Soney Malaysia a om Zomite leh Zomi kipawlna tuatuamte nuntakzia, mapan seih ingh dan en in ong pai uh hi. ZAM bulfuh in Zomi te ingh panpih seih babang a sem ingh in ong kiapia kheh Siate nupa November 14, 2009 in Malaysia, Kuala Lumpur ong tung uh a, nipil kal (2) tam ingh soi uh hi. Zomi te kikhopna tuatuam, Zomi kipawlna tuatuamte lak ah vak kawkoi in ki lawmtatna ong nei kawikai sei hi. Sunday, Nov. 15 in zong ZCF-Canaan ah Pasian susoina leh hansotna nei in aza a ngai mi sempoh in sa kingah sei mamah hi. Siate nupa in UNHCR U liante, Australia ngam uk zumpite ah pai ingh ngeelna om a, Malaysia a om Zomite nuntak zia leh ki, khuasa zia en ingh in ong pai uh hi. Amau tawh akimu nuamte in ZAM makaite’ khiang ahih o leh, ama Phone: 016 319 4535 ah kihopih sei hi.

TZO min tawh Dr. Muan & Soney sun annekpihna leh holim khopna, su leh la kikupkhopna hun November 17 in KL ah noptak in kinei sei hi.

Tomkaihnate OPE Overseas Processing Entity IOM International Organization for Migration DHS Department of Homeland Security DS De-verification Status CDU Community Development Unit RSPF Refugee Social Protection Fund OPI Outreach Protection and Intervention BID Best Interest Determination RSD Refugee Status Determination UNHCR United Nations High Commissioner for Refugees UNO United Nations Organization UNDP United Nations Development Program UNICEF United Nations Children’s Fund WFP World Food Program WHO World Health Organization RST Resettlement... TZO Tawh kizopnang Teizang Zomi Organization tawh kizop nopna leh su leh la khat poh seih nopna a om leh 017 645 4741 [email protected] ah kizom sei hi.

Teizang Zomi Organizaton

Seih huai Su leh late

EBT Pau Sinna

TZO leh UNHCR Football Team Kilawmtakna November 21, 2009 in TZO Football Team leh UNHCR Team te ki lawmtatna bawlung (tukpeng) kisuihna nei uh a, TZO Team in goal 5 goal 1 tawh UNHCR Teamte zo uh hi. Hun masa sung in kung khat tuak kikhum uh a, hun nihna tiang in TZO Team in kung 4 khum beh leleu uh ahih man in TZO in a zo suak hi. Ahih hang in tukpeng kisuihna sungah a zo leh a lel supi hi masa lo zaw in, khat leh khat kiseihnang leh ki lawmtatna a supizaw ahihna tawh kizui in tukpeng sui mimal a kuamah poh leh TZO makai lam pan sapia a ong paisei sempoh tawh nuamtak in hun man seihna kinei hi.

Tukpeng kisuih khit tiang akisui sempoh Vaimim leh bawng sungkua, a vot khamteek in TZO min tawh nekpihna kinei hi. Sunday, November 22 in zong TZO sung a om team tuatuam teng zong kisui lai ingh hi. Teizang teng leh Sweet December

Sasiat pihna

TZO in Sweet December 2009, nopti tak in bawl ingh vaihawmna om hi. Tu pawipi ah, lungdambawl pawipi sung khat leh khat ki lawmtatna leh minam vai mailam khantoh nang ahi zong in, Teizang Zomi music siamte i makaihna tawh lasakna pawipi zong ki suah khawm paih ingh hi. Tu pawipi bawl nangin sum leh paai mah kisam ahih man in mimal tung pan in zong sum leh paai tawh ki piakhiatna kisam hi. TZO sung a om Khua kipawlna sempoh min tawh zong sumseh tan piakkhiatna om ingh hi. Akiting zaw in makaiten ong zasak to lai ungh uh hi. A mun ahih leh KL sung a om Chinese Assembly Hall kisawm in a ni leh a su leh la akiting zaw in ong ki dam zaksak to lai ingh hi. Lundam Pihna TZO tawh mapang khawm ing in, Prof.Dr.David Ngin Sian Pau KL hong tungsei ahih manin ki lungdam mamah hi.

San Lian Thawng (Bawi Hrin), Ngun Thawng Luai (Tun Tun), Bawi Nawl le Zaw Thet te’ Foo Chuan Seafood Restaurant, Klang, Malaysia a nasep khoppih Tg.Nang Suan Mung in 16th October, 2009 ni in mi’ suamlup na hangin ong nusia ahih man, TZO in ki sasiat pih mamah hi. A luanghawm November 21st, 2009 ni in Khristian ngeina tawh ki ngui hi. IT Su leh Late Leitung ah E-mail minsang mamah khat ahi Gmail sung ah e-mail min sung a om “dot” (.) te Gmail ah laimal in simlo ahih man in “.” a om leh omloh kibang lel hi. Tu ban ah Laimal a LIAN leh no zong famawhlo hi. A nuai a teng a vek in kibang in ki ngah kawikawi hi. [email protected] [email protected] [email protected] [email protected]

No. English

Bahasa Malaysia Teizang

1.

Why?

Mengapa

Aihang?

2.

Learn

Belajar

Sin

3.

I

Saya

Kei

4.

Speak

Bertutur

Pau

5.

Where

Di mana

Koi ah?

6.

Good morning!

Selamat pagi!

Zingfa!

7.

Good evening Selamat petang

Nitakfa!

8.

Thank you.

Lungdam!

9.

How are you? Apa khabar?

Terima Kasi

Dam maw?

10. Fine, thank you.

Khabar baik

Dam, lungdam.

11. How much?

Berapa?

Aizah man?

12. What’s your name?

Apa nama awah? Namin ai za?

13. My name’s Pauno

Nama saya Pauno.

Kei kamin Pauno

14

Bolehkah saya tolong kamu?

Ai hong huh ing ka?

Can I help you?

15. All right, Sir. Baik, tuan.

Hoih mah Sya.

16. What bus shall I take?

Bas apakah patut Ai bas tuang ing saya naik? ka?

17. Bus stop!

Perhentians!

Bas khawlpakna

18. Bus fare

Bas nya

Bas tuan man

19. Get down

Turun

Tuak

20. By/With

dengan

Tawh

21. Where do you Ke mana awah want to go? hennah pergi?

Kaw pai nuam?

22. Please stop here!

Hi tengah hong khawl o.

Tolong berhenti di sini.

Mailam ah hi pausinna sung ah hel nop, seih nop a om leh TZO makaite khat poh khiang, e-mail ahih o leh SMS tawh ahi zong in ong seisak un.

Norway Radio ah Zomi Lasiam Khat: Laangzang khuami JK Kam in a om na Norway a, Radio Station pan ama fuak la dawngkhat a hi, “Care The Living” tih Mangla hoih mamah khat sasei ahih manin ki angtan pih mamah hi. A la mal le a aw a ngai nuam a om leh a nuai a, URL pan ki ngai sei hi. http://www11.nrk.no/urort/Laater/jkkam1/default.aspx Siamsin Seminar III: November 24-29, 2009 sung teng Tedim Khuapi, Zogam ah Kawlngambup siamsin sangnaupangte kipawlna min tawh kum sim in a neih den uh ahi Siamsin Seminar, Siamsin Susoina kinei ingh hi. Simsinte pawipi sung a a nuai a teng in susoina nei ingh ingh uh hi. SIAMSIN SEMINAR III : POST 2010 Seminar (i) Post 2010: Social and Culture Advancement among Zogam (Prof. Dr. C. Thang Za Tuan) Seminar (ii) Post 2010: Sustainable Development Planning for Zogam (Pu Zozam Cin Pau) Seminar (iii) Development Programme of UN for Zogam ( Pa Piang Suan Mung) Seminar (iv) Post 2010: Political Awareness for Zogam (Sitni Pu Chin Sian Thang)

Teizang Newsletter Laihawm tawh kisai in sum leh paai, su leh la tawh panpihnopna a om leh a tawntung in ki sang den bek samlo in, nang leh kei I panpihna tawh a mapai suak ingh ahih man in su seihna leh I neihsate siitlo tak in I piakkhiat tek ingh ki tangsam hi. A tawm a tam omlo in RM 1 tung siah piak zawh zazah, mapan zawh zazah ki sang den hi.