Titorial Presentacion De Diapositivas

Creación dunha galería de imaxes con PowerPoint 1. Abre o PowerPoint. 2. Busca o menú Insertar  Imagen Nuevo álbum de fotografías. 3. Pulsa en Inserir imaxe de: Arquivo ou disco. Busca o cartafol onde teñas as fotos. Selecciónaas (se queres coller todas fai clic na primeira e clic na última coa tecla de maiúsculas pulsada. Se son varias podes ilas seleccionando coa tecla Ctrl pulsada). Pulsa en Inserir. 4. Selecciona o número de imaxes que vai haber en cada diapositiva (deseño da imaxe). Podemos marcar a casilla “Títulos debajo de TODAS las imágenes” se dimos nomes representativos ás fotografías. 5. Pulsa no botón “Crear”. 6. Na primeira diapositiva deseña un título para o traballo. Podes aproveitar os cadros de texto que deixa o programa ou eliminalos e crear unha portada con imaxes, wordart, cadros de texto… 7. Para diminuír o tamaño do arquivo convén comprimir as imaxes á resolución que pode mostrar a pantalla. Para elo temos que seleccionar calquera da fotografía e, na barra de ferramentas imaxe, buscamos a icona “Comprimir imaxes”. Temos que marcar “Todas las imágenes del documento” e unha resolución en web o pantalla (96 ppp).

8. Engade unha diapositiva ao final na que figure o teu nome e a data na que fixeches o traballo. Garda a presentación. 9. Podes facer que o paso de diapositivas sexa automático elixindo transición de diapositivas na pestana da parte superior do panel de tarefas da dereita (se non está activo ábreo co menú Ver  Panel de tareas). Podes poñer un efecto á transición, un tempo e pulsar no botón “Aplicar a todas las diapositivas”. 10.Garda a presentación. PowerPoint admite dúas formas de gardala: PPT (presentación con diapositivas) e PPS (presentación con diapositivas de PowerPoint. A diferenza entre elas é que as PPS execútanse a pantalla completa cando facemos clic-clic sobre a súa icona. Convén usar este formato cando temos a presentación rematada para facilitar a tarefa de utilizala na clase. 11.Podes subila a Internet mediante páxinas que almacenan presentacións convertidas ao formato flash como Slideshare (http://www.slideshare.net/), Slideboom (http://www.slideboom.com/) ou Scribd (http://www.pdfcoke.com/).