Senda Del Arcediano

Senda del Arcedianu (Sotu Sajambre-La Conia-Amieva) Güey caneyamos dende'l pueblu lleones de Sotu Sajambre (925 m.), garrando un camin a la manzorga antes de cruciar el ponte; esti sube por encima el pueblu y debemos seguilu en dirección a Los Collaos (1399 m.) (entre el Jurcueto y la Peña Parcia); arrodiamos el Jurcueto pola manzorga hasta los Puertos de Beza, con bona fonte; a la manzorga vemos una portiella metalica –la Cruz de Tarabicu (1500 m.)- que separa Lleón de Asturies. Pa subir al picu La Conia, seguimos la muria, que pasando pela Peña La Silla, llevanos al abismal cumal de La Conia (1654 m.), con güeyaes impresionantes de Los Beyos y de les montañes que lu arrodien. Baxamos en dirección al mayau de Toneyu (1344 m.), frente al picu Valdepino, y garrando de nuevu la senda vamos atopar el mayau de Sabugo (1150 m.). A partir de equi el camin empedrau llevanos sin perdida hasta el mayau del Cuetu, atraviesando horizontalmente per arriba el Valle de Angón. Llegaos al collau del Cuetu o de Angón (815 m.), colamos pela manzorga pela pista hormigoná que dexanos nel güapu pueblu de Amieva (590 m.). Recorríu aproximáu : 17 Kms. Subida : 700 m. Baxada : 1050 m. (Datos aproximaos)