Responses To Fate

ပီဒီအက်ဖ်နှင့် ရယူရန် 

၁၉၈၈ အရေးတော်ပုံဆိုတာ မျိုးဆက်ပေါင်းစုံ ပူးပေါင်းလုပ်ဆောင်ခဲ့ကြတဲ့တိုက်ပွဲ ဖြစ်တယ်။ အဲ့ဒီကာလမှာ ကျောင်းတက်နေတဲ့ 

ကျောင်းသားတွေက တက္ကသိုလ်နယ်မြေတွေကနေ တက်တက်ကြွကြွ ဖောက်ခွဲလိုက်တယ်။ တပ်ဦးကနေ ချီတက်တယ်။ နှစ်ပေါင်းများစွာ  မြှုပ်နှံထားတဲ့ မျိုးဆက်ဟောင်းတွေက သက်ဆိုင်ရာနယ်မြေအသီးသီးမှာ မြေအောက်ကနေ စံနစ်တကျ ပြင်ဆင်ပေးထားတယ်။ လူထုကို  စည်းရုံးထားတယ်။ 

အရေးတော်ပုံတခုကို လူတယောက်ရဲ့မိန့်ခွန်း၊ အုပ်စုတစုရဲ့ ကြံစည်မှုတခုတည်းနဲ့ ဖေါ်ဆောင်လို့ မရပါ။ တတိုင်းပြည်လုံး ပြန့်နှံ့သွားအောင်  လုပ်လို့ မရပါ။ အုပ်စုတွေအားလုံး ကိုယ့်တာဝန် ကိုယ်ကျေမှသာ လူထုအရေးတော်ပုံတရပ် ပေါ်ပေါက်လာတတ်ပါတယ်။ 

ဂျွန်လကျောင်းသားလှုပ်ရှားမှု အရှိန်တက်နေတဲ့အချိန်မှာ နယ်က လာတက်တဲ့ အဆောင်ကျောင်းသူ၊ ကျောင်းသားတွေ မိမိရဲ့နယ်မြေ 

အသီးသီးကို ပြန်ခဲ့ကြရတယ်။ မပြန်ခင်မှာ ရွှေတိဂုံဘုရားပေါ်တက်ပြီး သစ္စာဆိုကြတယ်။ “တိုက်ပွဲကို ဆက်လက် သယ်ဆောင်သွားပါမယ်”  ဆိုတာမျိုးတွေ၊ နယ်အသီးသီးမှာ မြှုပ်နှံထားတဲ့ မြေအောက်လှုပ်ရှားမှုခေါင်းဆောင်တွေ၊ ကျောင်းသားတွေက ရန်ကုန်က ကျောင်းတက် 

ပြန်လာတဲ့ကျောင်းသားတွေကို တွေ့တယ်၊ ဆွေးနွေးတယ်။ လူထုတိုက်ပွဲကို ပြင်ဆင်ကြတယ်။ ရှစ်လေးလုံးအရေးတော်ပုံကြီးဖြစ်အောင်  တဘက်တလှမ်းကနေ ကျားကုပ်ကျားခဲ ကြိုးစားခဲ့ကြတဲ့ တချို့လူတွေဆိုရင် အနှစ် (၂၀) ကျော်နီးပါး နံမည်မျိုးစုံနဲ့ သူတို့ဘဝတွေကို 

စတေးမြှုပ်နှံနေခဲ့ကြတယ်။ သတင်းစာရှင်းလင်းပွဲ ပါတော့မှ ရပ်ကွက်က သူတို့ကို ယူဂျီမှန်း သိတော့တယ်။ (ဟုတ်တာတွေလည်း ရှိသလို၊ 

မတရားစွပ်စွဲ ပြောတဲ့အတုတွေလည်း ရှိနိုင်ပါတယ်)။ သူတို့က နာမည်ကြီးစေတဲ့အလုပ်တွေကို စိတ်မဝင်စားဘူး။ တိုင်းပြည်ပြောင်းလဲတာကို  မြင်ချင်နေတဲ့သူတွေဆိုတော့ သူတို့သမိုင်းတွေကို တိတ်တဆိတ် မြှုပ်နှံထားကြတယ် မို့လား။ 

အဓိက ပြောချင်တဲ့အချက်က အရေးတော်ပုံတရပ် ဖြစ်ချင်ရင် လူထုထဲမှာ မြှုပ်နှံထားတဲ့သူ၊ လူထုနဲ့တသားတည်းနေပြီး စည်းရုံးနိုင်တဲ့သူရှိမှ  ဖြစ်နိုင်တာပါ။ လူထုကို အထက်စီးကနေ မိန့်ခွန်းတွေပေးပြီး လှုံ့ဆော်ခဲ့လို့ ဖြစ်ပေါ်ခဲ့တဲ့အရေးတော်ပုံ တခုမှ မရှိပါ။ ဂျိန်းစ်ဘွန်းတွေကို  လူထုက မသိပါ။ နောက်ထပ် အရေးကြီးဆုံးတချက်ကတော့ အနှစ် (၂၀) ကျော်အတွင်းမှာ ရင်ဆိုင် ကြုံတွေ့နေရတဲ့ ကျောင်းသား 

အရေးတော်ပုံ၊ ပြည်သူလူထုရဲ့ နိုင်ငံရေးရေချိန်ဟာ ရှစ်လေးလုံးအရေးတော်ပုံတုံးကလို မဟုတ်တော့ပါ။ အခြေအနေတွေ၊ ပုံသဏ္ဍာန်တွေ  တိတိကျကျ ပြောင်းလဲနေပါတယ်။ အခက်အခဲတွေက ကျနော်တို့ ကြုံတွေ့ခဲ့ရတဲ့အခြေအနေထက် ဆိုးဝါးနေပါတယ်။ 

ကံကြမ္မာကို အမှတ်မထင် တုံ့ပြန်မှုများ  ကျောင်းသားလှုပ်ရှားမှုတုံးက အဖြစ်အပျက်တချို့ကို ပြောပြရင်း ဒီကနေ့ ဆွေးနွေးလှုံ့ဆော်နေကြတဲ့ အရေးတော်ပုံ အတက်အကျတွေကို  ဆွေးနွေးချင်ပါတယ်။ တကယ်တော့ ရှစ်လေးလုံးအရေးတော်ပုံအပြီး၊ ကျောင်းသားလှုပ်ရှားမှုအကြောင်းကို ပေါင်းပြီး ရေးကြဖို့ တိုက်တွန်း  နေခဲ့တာ ကြာခဲ့ပါပြီ။ 

ကျနော်တို့နဲ့အုပ်စု မတူတဲ့ ကျောင်းသားတွေ၊ မျိုးဆက်သစ်တွေဆီက လုပ်နည်းလုပ်ဟန်တွေကို ပြန်လည် လေ့လာကြည့်ချင်တယ်။ 

နောက် ­­ ၁၉၈၈ အရေးတော်ပုံအပြီး ကျောင်းသားလှုပ်ရှားမှု ( ၁၉၉၁ နိုဘယ်ငြိမ်းချမ်းရေးထောက်ခံဆန္ဒပြပွဲ၊ ၁၉၉၆၊ ၁၉၉၈ ၂၀၀၀  ကာလတွေရဲ့ နိုင်ငံရေး အခင်းအကျင်း အပြောင်းအလဲ၊ ၂၀၀၇ ရွှေဝါရောင်တော်လှန်ရေးရဲ့ အရှိန်နဲ့ အနာဂတ်ပြင်ဆင်မှု) စတဲ့­ 

ရေချိန်အနိမ့်အမြင့်တွေကို ပြန်လည် သုံးသပ်ကြမယ်။ ဂရပ်တွေကို စံနစ်တကျ ဆွဲကြည့်ချင်တယ်။ နှစ်အလိုက် ဖြစ်ခဲ့တဲ့တိုက်ပွဲတွေမှာ  ဘာတွေ အောင်မြင်ခဲ့ပြီး ဘာတွေ ပေးဆပ်ခဲ့ရသလဲ။ 

လုပ်နည်းလုပ်ဟန်အသစ်တွေနဲ့ အဟောင်းတွေကြားက ကွာခြားမှုဟာ ဘာတွေလဲ။ ဘာတွေက ပိုပြီး ရင်ခုန်စရာ ကောင်းသလဲ။ 

တချို့က ရင်ထဲမှာ ရှိနေပေမဲ့ မရေးဖြစ်ခဲ့ကြဘူး။ တချို့က စာရေးဖို့ အချိန်မရကြဘူး။ တချို့က လက်ရှိ ပြည်တွင်းမှာ လုပ်ကိုင်နေတဲ့ 

ရဲဘော်တွေ ကျန်နေသေးတာကြောင့် သူတို့ကို ထိခိုက်စေမဲ့ အချက်အလက်တွေကို သိုသိုဝှက်ဝှက် ထိန်းထားချင်တယ်။ တတ်နိုင်သမျှ  ပြောလို့ရမဲ့ အသံတွေကို ပေါင်းကြည့်လိုက်တယ်။ ကျနော်တို့ရဲ့အမြင်တွေကို ဆွေးနွေးကြည့်ချင်ပါတယ်။

pmrsufESm - 1

rlydkif - ,ae@jrefrm

“နေရာ၊ အချိန် ကြိုတင် သတ်မှတ်ခြင်း ” နှင့် “မတရားတဲ့ အမိန့်အာဏာဟူသမျှ ဖီဆန်ကြ”  ၁၉၈၈ အရေးတော်ပုံအပြီးမှာ အချိန်နဲ့နေရာကို ကြိုတင်သတ်မှတ်ပြီး တိုက်ပွဲဝင်ဖို့ ကြိုးစားခဲ့တဲ့လှုပ်ရှားမှုတိုင်းဟာ ကြီးမားတဲ့ အောင်မြင်မှုကို  မသယ်ဆောင်နိုင်ခဲ့ပါ။ တချို့ဖြစ်ရပ်တွေမှာဆိုရင် ဘာမှ မစခင်ကတည်းက ခြေမှုန်းခံရတတ်ပါတယ်။စစ်အုပ်စုဟာ ၁၉၈၈ အရေးတော်ပုံကို  သင်ခန်းစာ ယူပါတယ်။ ရှစ်လေးလုံးအရေးတော်ပုံကို သြဂတ် (၈) ရက်မှာ တနိုင်ငံလုံးတိုက်ပွဲဝင်ကြဖို့ ဘီဘီစီအသံလွှင့်ဌာနကို 

အသုံးချခဲ့တယ်။ မြေအောက်လှုပ်ရှားမှုမှာ ဦးဆောင်လုပ်ကိုင်နေသူတွေက ပြည်သူတွေကြားမှာ ဝါဒဖြန့်လှုံ့ဆော်ခဲ့ကြတယ်။ ဒီလို 

တိုင်ပင်ကိုက် လှုပ်ရှားမှုမျိုးကို ပြန်လည်ရဖို့အတွက် စစ်အုပ်စုက အခွင့်အရေးမပေးတော့ပါ။လက်ဦးမှုယူ ဖြိုခွဲပါတယ်။ ၁၉၉၀ နှောင်းပိုင်းမှာ  တက္ကသိုလ်ကျောင်းတွေကို ပြန်လည်ဖွင့်ခဲ့တယ်။ ဂျူလိုင် (၇) ရက်၊ မတ်လ (၁၃) ရက်၊ သြဂတ်လ (၈) ရက်နေ့တွေမှာ လှုပ်ရှားဖို့ 

ကြိုးစားပေမဲ့ လှုပ်လို့ မရပါဘူး။ စစ်တပ်က လုံခြုံရေးကို တင်းကြပ် ချုပ်ကိုင်ထားလိုက်ပါတယ်။ နာမည်ကြီး အထင်ကရ နေ့စွဲတွေ၊ 

စစ်အုပ်စုက သတိထား စောင့်ကြည့်နေတဲ့ နေရာတွေမှာ သွားလုပ်ရင် အကျအဆုံးများပါတယ်။ အရင်းအနှီးကြီးကြီး ပေးရတတ်ပြီး 

ဦးချိုးခံရတတ်ပါတယ်။ ကိုးလေးလုံးအရေးတော်ပုံ နဲ့ ဒီမို ၂၀၀၆ ဟာ မအောင်မြင်တဲ့ လှုံ့ဆော်မှုတွေ ဖြစ်ခဲ့တယ်။ ဒီ အဆိုပြုချက်အတွက်  ကျောင်းသားလှုပ်ရှားမှု တခုကို ဥပမာပေးချင်ပါတယ်။ 

၁၉၈၉ ဂျွန်လမှာ ဒေါ်အောင်ဆန်းစုကြည် နဲ့ ကျနော်တို့ ဗ.က.သများအဖွဲ့ချုပ် (အထက်ဗမာပြည်) က ခေါင်းဆောင်တွေ ရန်ကုန်မှာ  တွေ့ဆုံဆွေးနွေးခဲ့ကြတယ်။ “မတရားတဲ့အမိန့်အာဏာဟူသမျှ 

ဖီဆန်ကြ” ဆိုတဲ့ ကြွေးကြော်သံအောက်မှာ လူထုတိုက်ပွဲတွေ 

မြို့အသီးသီးမှာ တိုက်ပွဲဝင်ဖို့ ပြင်ဆင်ကြတယ်။ ကျနော်တို့ မဟာမြတ်မုနိဘုရား ရင်ပြင်တော် (ဘုရားကြီး) ကနေ စထွက်မယ်ဆိုပြီး 

စုရပ်နေရာကို (၄) ရက်လောက်ကတည်းက ကြိုတင် ကြေငြာထားတယ်။ ၁၉၈၉ ဂျွန်လ (၂၄) ရက်မှာ မဟာမြတ်မုနိရင်ပြင်တော်ပေါ်ကနေ  ကျောင်းသားဆန္ဒပြပွဲကို စတင် လုပ်ဆောင်ဖို့ စုစည်းလိုက်ကြတယ်။ ရန်သူက သူ့ရဲ့စစ်တပ်ကို အရိပ်အယောင်တခုမှ မပြပါ။ ဘုရား 

သန့်ရှင်းရေးလုပ်နေတဲ့ လုပ်အားပေးတွေသာ ရှိပါတယ်။ ကျနော်တို့ ဘုရားပေါ် ရောက်သွားတဲ့အခါ၊ အရပ်ဝတ် အရပ်စား လူတချို့က  ဘုရားဖူးတချို့ကို တိတ်တဆိတ် နှင်ထုတ်နေတာကို တွေ့လိုက်ရမှ သူတို့ဘက်က တစုံတရာ ကြံစည်နေပြီဆိုတာသိလိုက်ရတယ်။ 

စစ်အုပ်စုက သူ့ရဲ့လက်နက်တွေအားလုံးကို ထောင့်တနေရာမှာ သိမ်းဆည်းထားပြီး သန့်ရှင်းရေးလုပ်ချင်ယောင်ဆောင် နေကြတယ်။ 

ကျောင်းသားအားလုံး ဝင်လာပြီးဆိုမှ ဘုရားဝင်းတံခါးတွေကို ပိတ်ဖို့ ကြိုးစားလိုက်တယ်။ ကျနော်တို့ လူခွဲပြီးအပြင်ကို ထွက်ဖို့ ကြိုးစားပေမဲ့  အထက်တန်းကျောင်းသားတွေက အလံထောင်ပြီးနေပြီ။ သူတို့က ထိပ်တိုက်ရင်ဆိုင်တိုးထွက်ဖို့ လုပ်တယ်။ မအောင်မြင်ပါဘူး။ 

ကျနော်တို့အားလုံး အပြင်ကို လွတ်အောင်ထွက်ဖို့ဆိုတာ အရမ်းနောက်ကျသွားတယ်။ စစ်သားတွေက အားလုံးရဲ့နားထင်ကို သေနတ်တွေနဲ့  ထိုးချိန်လိုက်ကြတယ်။ ငြိမ်းချမ်းရေးဆရာတော် ဦးကဝိန္ဒ အပါအဝင်၊ ဗ.က.သ ကျောင်းသား (၃၃) ယောက်အဖမ်းခံလိုက်ရတယ်။  အကျိုးဆက်ကတော့ စစ်ကြောရေးစခန်းမှာ ကျောင်းသားလှုပ်ရှားမှုနဲ့ မြေအောက်လှုပ်ရှားမှု ဆက်စပ်နေသူတွေရဲ့စာရင်းတွေ၊ 

ကောက်ကြောင်းတွေကို စစ်ထောက်လှမ်းရေးတွေက ရရှိသွားတယ်။ ငြိမ်းချမ်းရေးဆရာတော်လည်း အဲ့ဒီကတည်းက အဖမ်းခံလိုက်ရပြီး 

ပြန်လွတ်လာတော့ မစိုးရိမ်ကျောင်းတိုက်မှာ နေခွင့်မရတော့ပဲ ရွှေကျင်ကို ပြန်သွားရတယ်။ အဲ့ဒီမြို့ကလေးမှာပဲ ပျံလွန်တော်မူသွားခဲ့တယ်။  တကယ်တော့ “၁၉၈၉ မတရားတဲ့အမိန့်အာဏာဟူသမျှဖီဆန်ကြ” တိုက်ပွဲဟာအရှိန်ပြင်းပါတယ်။ ပေးဆပ်မှု့လည်းအရမ်းကြီးပါတယ်။ 

ဒီတိုက်ပွဲထဲမှာ ရခဲ့တဲ့သင်ခန်းစာကတော့ ဆန္ဒပြပွဲလုပ်မဲ့နေရာ၊ အချိန်တွေကို ဘယ်တော့မှ ကြိုတင် ကြေငြာမထားပါနဲ့။ အတွင်းစည်းထဲ 

ကနေ ကြိတ်ပြီး ပြင်ဆင်ရမဲ့အရာ ဖြစ်ပါတယ် ဆိုတဲ့အချက်ပဲ ဖြစ်တယ်။ အဖြူရောင်လှုပ်ရှားမှုကာလအတွင်းတုံးက ကုန်ဈေးနှုန်းကျဆင်းရေး  ဦးဆောင်လှုပ်ရှားသူတဦးဖြစ်တဲ့ ကိုထင်ကျော်ရဲ့အဖြစ်ကိုလည်း ပူပူနွေးနွေး သင်ခန်းစာယူနိုင်ပါတယ်။  ဒါကြောင့် ဒီကနေ့ အော်ဟစ်လှုံ့ဆော်နေတဲ့ “ အင်းစိန်ထောင်ရှေ့ကိုချီတက်ကြ” ဘာညာ ဆိုတဲ့ တိုက်တွန်းမိန့်ခွန်းတွေကို ကျနော်တို့က 

သဘောမတူပါဘူး။ ရန်သူက ကျနော်တို့ကို ထောင်ဖမ်းခဲ့တဲ့ ၁၉၈၉ ဂျွန် (၂၄) ရက်လှုပ်ရှားမှုလို အဖြစ်အပျက်မျိုးလို ကြုံတွေ့နိုင်ပါတယ်။  ဒါဖြင့် မေးခွန်းတခုတော့ ရှိပါတယ်။ ကြိုတင်သိရှိမထားပဲနဲ့ လှုပ်ရှားချင်တဲ့သူတွေက ဘယ်လိုပါလာမှာလဲ ဆိုတဲ့အချက် ပါ။  ဒီအချက်ကို ၁၉၉၆ ကျောင်းသားလှုပ်ရှားမှုကာလတုံးက အဖြစ်အပျက်နဲ့ ဥပမာပေးချင်ပါတယ်။

pmrsufESm - 2

rlydkif - ,ae@jrefrm

အင်းစိန်ရဲစခန်း နှင့် ကြို့ကုန်းဆောင် ညနေခင်းများ  ၁၉၉၆ ကျောင်းသားလှုပ်ရှားမှုအကြောင်းကို ပြောတဲ့အခါ နှစ်ပိုင်းခွဲပြီး ပြောရပါလိမ့်မယ်။ ပထမတပိုင်းက ၁၉၉၆ အောက်တိုဘာ (၂၀၊ ၂၁၊ 

၂၂) မှာ ဖြစ်ခဲ့တဲ့ လှုပ်ရှားမှု၊ ဒုတိယအပိုင်းကတော့ ဒီဇင်ဘာ (၃၊ ၄၊ ၅) အပါအဝင် မြို့လယ် ဗိုလ်ချုပ်ဈေးနားတဝိုက်က ပြောက်ကျားတိုက်ပွဲ  အကြောင်း ဖြစ်ပါတယ်။ ပထမတပိုင်းရဲ့နည်းဗျူဟာတွေကို ဆွေးနွေးသွားပါ့မယ်။ 

ပထမဖြစ်ရပ်ဟာ ရန်ကုန်စက်မှုတက္ကသိုလ် ကျောင်းသား (၃) ယောက်ကို စော်ဘွားကြီးကုန်းကားဂိတ်မှာရှိတဲ့ စည်ပင်ရဲတွေက  ရိုက်နှက်မှုကြောင့် ဖြစ်ပေါ်ခဲ့တဲ့လှုပ်ရှားမှု ဖြစ်တယ်။  ၁၉၉၆ ဆိုတာ ဗိုလ်ချုပ်ခင်ညွှန့်အတွက် ရွှေရောင်တောက်နေတဲ့ကာလတွေ ပါ။ ရန်ကုန်တက္ကသိုလ်ထဲက စစ်ကိုင်းဆောင်၊ အင်းဝ၊ ပင်းယ၊  ရွှေဘိုဆောင်တွေမှာ မျိုးဆက်ဟောင်းနဲ့ မျိုးဆက်သစ်ကျောင်းသားများရဲ့မိတ်ဆုံစားပွဲတွေကို ခြိမ့်ခြိမ့်သဲ ကျင်းပနေတဲ့အချိန် ဖြစ်တယ်။ 

(၁) ၁၉၉၆ မှာကျောင်းတက်နေဆဲ ရှစ်လေးလုံးမျိုးဆက်တွေကျောင်းပြီးသွားရင် ကျောင်းသားလှုပ်ရှားမှု ငြိမ်သက်သွားနိုင်တယ်လို့ သူက 

တွက်ဆထားပုံရတာကြောင့် ကျောင်းသားထုကြားကို ဂရုတစိုက် စောင့်ကြပ်ကြည့်နေတဲ့အချိန် ဖြစ်တယ်။ 

(၂) တဘက်မှာ­­ တက္ကသိုလ်ကျောင်းသားတွေနဲ့ ရပ်ကွက်ထဲက လူမိုက်တချို့ရဲ့ရန်ပွဲတွေ ပိုမို များပြားနေခဲ့တယ်။ 

(၃) စစ်ထောက်လှမ်းရေးက ကြို့ကုန်းဆောင်အတွင်းမှာ နံပါတ်ဖိုးရောင်းဝယ်ရေးကို ကျယ်ကျယ်ပြန့်ပြန့် လုပ်လာတယ်။ 

(၄) နိုင်ငံရေးလုပ်တာကလွဲလို့ ကျန်တဲ့ မကောင်းတဲ့အရာတွေလုပ်ခွင့်ကို လွှတ်ပေးထားတယ်။ အဆောင်တွင်းမှာ စစ်ထောက်လှမ်းရေးက  လွှတ်ထားတဲ့ကျောင်းသားတွေ အုပ်စုလိုက် လာရောက်နေထိုင်နေတဲ့ကာလ ဖြစ်တယ်။ 

ဒါကြောင့် ဘာပဲလုပ်လုပ် သတင်းပေါက်ဖို့ များတယ်။ ဒါပေမဲ့ ကျောင်းသားထုရဲ့ ၁၉၉၆ မတ်လ (၁၃) လှုပ်ရှားမှုကို ကြည့်ခြင်းအားဖြင့်  လှုပ်ရှားမှုတခုကို ပြန်စလို့ ရနေတယ် ဆိုတာကိုလည်း သဘောပေါက်နေကြတယ်။ ရန်ကုန်စက်မှုတက္ကသိုလ်ကျောင်းသားတွေကို ရိုက်နှက်ပြီး  အင်းစိန်ရဲစခန်းကို ခေါ်သွားတယ် ဆိုတဲ့အကြောင်းကို ဖြစ်စဉ်တခုလုံးမှာ ပါဝင်ခဲ့တဲ့ ကျောင်းသားတယောက်က ပြန် ရင်ဖွင့်တယ်။ 

ဝရုန်းသုန်းကား မပေါက်ကွဲအောင် သူ့ကိုကျောင်းသားတချို့က အခန်းတခုထဲမှာ ဖွက်ထားတယ်။ နောက်မျိုးဆက်တွေက ရှစ်လေးလုံးမှာ  ပါဝင်ခဲ့တဲ့ ကျောင်းသားကြီးတွေကို ဘာလုပ်မလဲဆိုတာ အားကိုးတကြီး မေးကြတယ်။ အဆောင်မှူးတွေက အဆောင်အခန်းတိုင်းကို 

လူလိုက်စစ်တယ်။ အဆောင်ကင်န်တင်းတွေမှာ အဆောင်က ဆရာပေါက်စလေးတွေက ကျောင်းသားတွေ စုရုံး စကားပြောနေပြီဆိုရင်  အတင်းဝင်ထိုင်တယ်။“အစည်းအဝေး ထိုင်နေကြသလား။ ရိုက်ပွဲကို ဘယ်လို တုံ့ပြန်ကြမလဲ။ ဘာ လုပ်ကြမှာလဲ။” စပ်စုတဲ့မေးခွန်းတွေ  တသီကြီး အငမ်းမရ မေးတယ်။ ထောက်လှမ်းရေးသတင်းပေးတွေကလည်း ကျောင်းထဲမှာအပြည့်။ ကျနော်တို့ကျောင်းသားတွေက 

အေးအေးဆေးဆေး ပဲ။ စိတ်ဝင်စားတဲ့ပုံစံတောင် မပြပဲ ဆရာတွေကို ပြန် မေးကြည့်ကြတယ်။ ဘယ်လို ဖြစ်တာလဲ၊ ဆရာတို့ကရောဘယ်လို  ကိုင်တွယ်မှာလဲ လို့။ 

တကယ်တော့ ­ သူတို့ ထင်မထားတဲ့နေရာမှာ အစည်းအဝေး ဆုံးဖြတ်ချက် ကျသွားလိမ့်မယ်ဆိုတာ သူတို့ မျှော်လင့်ထားပုံ မရဘူး။  အဆောင်ထမင်းကို ညနေ ၅ နာရီမှာ စားကြဖို့ ကျောင်းသားတွေကို ချိန်းလိုက်ကြတယ်။ ဖြစ်ချင်တော့ အဲ့ဒီနေ့မှာ Special Dinner လို့ခေါ်တဲ့  အထူးညနေစာ ကျွေးတဲ့နေ့။ ဆရာတွေကလည်း ညနေစာ ကောင်းကောင်း ကျွေးတဲ့နေ့မို့ ကျောင်းသားတွေ စုဆုံ စားကြတယ်ပဲ ထင်နေတာ။  (ပုံမှန်ဆို အဆောင်ထမင်းဟင်းက ထောင်မှာ ကျွေးတဲ့ထမင်းထက် ဆိုးတယ်။ စာမေးပွဲ နီးလာရင်တော့ တပတ်တခါ၊ နှစ်ခါ၊ အထူးညနေစာ 

ကျွေးပြီ ဆိုရင်တော့ ကြက်သားရင်အုပ်လို အသားတုံးကြီးကြီးတွေ ပါတတ်တယ်။) ညနေစာ စားသောက်နေရင်းကနေ “တိုက်ပွဲကို ညဦးမှာ  စမယ်။ အင်းစိန်ရဲစခန်းကို ဝိုင်းမယ်။ပြဿနာက တညလုံးဖြစ်ရင် ဖြစ်သွားလိမ့်မယ်။ အစားကောင်းကောင်း စားထားကြဖို့” အချင်းချင်း 

သတင်းပို့လိုက်တယ်။ ထမင်းစားပြီးတော့ ကျောင်းရှေ့မှတ်တိုင်ကို ကိုယ့်နည်းကိုယ့်ဟန်နဲ့ ခါတိုင်းလိုပဲ ထွက်ကြတယ်။ ကွမ်း ဝါးတယ်။  လက်ဖက်ရည်ဆိုင် ထိုင်တယ်။ ပြီးမှာ အချင်းချင်း အချက်ပြပြီး၊ အင်းစိန်ဘက်ကို ထွက်တဲ့ လိုင်းကားတွေပေါ် လူုခွဲတက်ကြတယ်။  အင်းစိန်ဈေးမှတ်တိုင်မှာ ဆင်းကြမယ်ဆိုတာ ကျောင်းသားတိုင်း သိနေကြတယ်။

pmrsufESm - 3

rlydkif - ,ae@jrefrm

တကယ်တော့ လှုပ်ရှားမှုတခုလုံးက ဘာ အစည်းအဝေးမှ မလုပ်လိုက်ရပေမဲ့ အချင်းချင်း မျက်ရိပ်ပြရင် နားလည်နေကြတယ်။ 

အင်းစိန်ရဲစခန်းကို ဝိုင်းလိုက်တဲ့အချိန်မှာ ကျောင်းသားဦးရေက ၁၅၀­ ၁၇၀ လောက် ရှိနေပြီ။ (သတင်းစာရှင်းလင်းပွဲမှာတော့ အင်အား ၅၀  လောက်လို့ ဆိုတယ်)။ နောက်မှာလည်း တဖွဲဖွဲ လိုက်လာနေကြပြီ။ ရဲစခန်းက ဖုံးဆက်တော့မှ အဆောင်မှူးတွေ၊ သူ့ရဲ့ကျောင်းသားတွေ 

အင်းစိန်ရဲစခန်းကို ဝိုင်းနေပြီဆိုတာ သိလိုက်ကြတယ်။ အင်းစိန်ရဲစခန်းတခုလုံး မီးတွေကို အမှောင်ချလိုက်တယ်။ သေနတ်မောင်းတင်သံတွေ  အမှောင်ထဲမှာ ကျယ်ကျယ်လောင်လောင် ကြားနေရတယ်။ ကျောင်းသားအုပ်စုကို ဦးဆောင်သူတွေက တည်တည်ငြိမ်ငြိမ်ပါ ပဲ။ 

ရဲစခန်းတခါးကို ဖွင့်ဝင်လိုက်ကြတယ်။ စခန်းမှူးက မီးပြန်ဖွင့်ပြီး စတင် စကားပြောတယ်။ “သူတို့ဆီမှာ ဖမ်းဆီးထားတဲ့ ကျောင်းသားတွေ  မရိ်ှပါဘူး၊ စော်ဘွားကြီးကုန်းက စည်ပင်ရဲတွေဆီမှာပဲ ရှိပါတယ်” တဲ့။ သေနတ်ကိုင်ထားပြီး အသံတွေ တုန်၊ ဇောချွေး ပြန်နေတဲ့  ရဲမှူးတွေရဲ့အဖြစ်အပျက်ကို ကျနော်တို့ မှတ်မိနေဆဲပဲ။ 

ဆရာတွေ ရောက်လာတယ်။ ကျောင်းသားတွေကို ဆွဲဖက်တယ်။ သူတို့ကားတွေပေါ်တင်ဖို့ လုပ်တယ်။ ကျောင်းသားအုပ်က သွေးပူစပြုနေပြီ။  အင်းစိန်ရဲစခန်းက ရဲတွေရဲ့အဖြစ်အပျက်ကိုကြည့်ပြီး သဘောကျနေကြတယ်။ ကိုယ့်ရဲ့တိုက်ပွဲကိုလည်း ပိုပြီး ယုံလာခဲ့ကြတယ်။  လိုင်းကားတွေကို ဖြတ်တားလိုက်တယ်။ ကားပေါ်ရောက်မှာ ဦးဆောင်မဲ့သူအသီးသီးကို ရွေးလိုက်ကြတယ်။ ဆရာတွေက  ဘယ်သွားမယ်ဆိုတာ မသိဘူး။ စော်ဘွားကြီးကုန်းက အဝေးပြေးကားဂိတ်ရှိရာကို ဦးတည်လိုက်ကြတယ်။ 

တွေ့ဆုံဆွေးနွေးမှုရဲ့ နောက်ကွယ်မှာ  စော်ဘွားကြီးကုန်း ကားဂိတ်က စည်ပင်ရဲတွေနေတဲ့ ရုံးခန်းဆီရောက်တာနဲ့ ပြတင်းမှန်တွေကို ရိုက်ခွဲပြီး စတင်တောင်းဆိုလိုက်တယ်။ 

“မင်းတို့ထဲက ကျောင်းသားကိုရိုက်တဲ့ကောင် ထုတ်ပေးစမ်း” လို့။ တကယ်တော့ စော်ဘွားကြီးကုန်း စည်ပင်သာယာကရဲတွေက အခု ကြံ့ဖွံ့နဲ့  စွမ်းအားရှင်တွေလိုပဲ။ အရိုက်ခံရတဲ့ကျောင်းသားက “ကျနော်တို့ ရန်ကုန်စက်မှုတက္ကသိုလ်က ကျောင်းသားတွေ ပါ” လို့ ပြောတာကို “ 

မင်းလားကွ ကျောင်းသား၊ ငါတို့ကလည်း ကျောင်းသားဆို ပို ရိုက်ချင်နေတာကွ” ဆိုပြီး မနားတမ်း ရိုက်တော့တယ်လို့ ထွက်ပြေးလာတဲ့  ကျောင်းသားတယောက်က ပြန် ပြောပြတော့ ကျောင်းသားတွေရဲ့မှန်ပြတင်းတံခါးကိုရိုက်ခွဲပြီး အကြမ်းပတမ်း စတင်လိုက်တာဟာ  သိတ်မလွန်တော့ဘူး။ စည်ပင်ရဲတွေ ထွက်ပြေးကြတယ်။ 

ကျနော်တို့က သူတို့ရဲ့ရုံးခန်းကို သိမ်းယူထားပြီး အာဏာပိုင်တွေကို စောင့်နေတယ်။ သိတ် မကြာဘူး။ ခရိုင် စစ်ထောက်လှမ်းရေး အပါအဝင်၊  တပ်မမှူးတချို့ ရောက်လာတယ်။ ကျနော်တို့ဘက်က ကျောင်းသား(၅) ယောက်ကို ကိုယ်စားပြု ဆွေးနွေးဖို့ ဖိတ်ခေါ်လိုက်တယ်။ 

ကျောင်းသားတွေက ရုံးခန်းကို ဝိုင်းထားတယ်။ ကျနော်တို့ကျောင်းသားတွေဘက်ကလည်း သူတို့ရဲ့ကလိမ်ကကျစ်တွေကို မယုံတာကြောင့် 

ဆွေးနွေးချိန် သတ်မှတ်ပေးလိုက်တယ်။ ည ၁၀ နာရီ ထိုးတာနဲ့ အဖြေတစုံတရာ မရရင် ဆွေးနွေးပွဲကို ရပ်မယ် လို့။ တကယ်တော့ ကျနော်တို့  အကြမ်းဖျင်း တောင်းဆိုတဲ့အချက်က သိတ် မများပါဘူး။ ဖမ်းဆီးထားတဲ့ ကျောင်းသားတွေကို လွှတ်ပေးရမယ်။ ကျောင်းသားကို  မတရားသဖြင့် ရိုက်နှက်တဲ့ သက်ဆိုင်ရာစည်ပင်ရဲတွေကို (၂၄) နာရီအတွင်း ဖမ်းဆီး အရေးယူရမယ် လို့ တောင်းဆိုတယ်။ 

စစ်ထောက်လှမ်းရေးတွေနဲ့ အရာရှိတွေက ကျနော်တို့ကို အချိန်ဆွဲထားပြီး တောင်ပြောမြောက်ပြော လျှောက်ပြောနေတယ်။  စည်ပင်ရဲတွေကို ဘယ်မှာရှာရမှန်း မသိဘူးဆိုတော့ ကျောင်းသားတယောက်က ပြန်ပက်တယ်။ “ခင်ဗျားတို့ ကျနော်တို့ ဒီမိုကရေစီရေး 

လုပ်တဲ့သူတွေကို မမိတဲ့အခါ၊ သက်ဆိုင်ရာမိသားစုတွေကို ဖမ်းဆီးတယ်။ အခု စည်ပင်ရဲတွေရဲ့မိသားစုဝင်တယောက်ယောက်ကို ဖမ်းပြီး  လူလာ လဲခိုင်းလိုက်ပေါ့” တဲ့။ တကယ်တော့ စစ်ထောက်လှမ်းရေးတွေက ကျောင်းသားတွေကို ဖမ်းဖို့ ပြင်ဆင်ထားပြီးပြီ။ 

စော်ဘွားကြီးကုန်း ကားဂိတ်နားက အမှောင်ရိပ်တွေမှာ စစ်ကားတွေက လျို့ဝှက် နေရာယူလိုက်ကြတယ်။ အဝေးပြေးကားဂိတ်ထဲက  ခရီးစဉ်တွေအားလုံးကို ဖျက်သိမ်းလိုက်ပြီး ကားတွေအားလုံးကို နှင်ထုတ်လိုက်တယ်။ 

ည ၁၀ နာရီ ထိုးရင် ကျနော်တို့ ကျောင်းသားအုပ်စု အမှောင်ထဲမှာ ဘယ်သူမှ လူမသိသူမသိ အဖမ်းခံရတော့မယ်။ အဖမ်းခံရမဲ့အတူတူတော့  ပြည်သူတွေသိအောင်လုပ်တာ အကောင်းဆုံးဖြစ်တယ်လို့ ဆုံးဖြတ်လိုက်တယ်။

pmrsufESm - 4

rlydkif - ,ae@jrefrm

တချို့ကျောင်းသားတွေက အပြင်မှာ ခေါင်းချင်းဆိုင်လိုက်တယ်။ အဆောင်ကိုပြန်ပြီး ကျောင်းသားတွေကို ထပ်ခေါ်ဖို့ ကြံစည်လိုက်တယ်။  ဆရာတွေက အဆောင်ကိုပြန်သွားကြမယ်ပဲ ထင်နေခဲ့တယ်။ တကယ်တော့ ကျောင်းသားအုပ်စုက ည ၁၀ နာရီ မထိုးခင်မှာ အုပ်စုနှစ်စု 

ခွဲလိုက်တယ်။ အုပ်စုတစုက အဝေးပြေးကားဂိတ်ဆီကို ဝင်လာတဲ့ ပြည်က ခရီးသည်တင်ကားကို ချောဆွဲလိုက်ကြပြီး၊ လှည်းတန်းလမ်းဆုံ  ဆီကို မောင်းခိုင်းလိုက်ကြတယ်။ ကျနော်တို့တောင်းဆိုချက်တွေ၊ မရမချင်း လှည်းတမ်းလမ်းဆုံမှာ တညလုံး သပိတ်စခန်းဖွင့်မယ်လို့ 

ကြေငြာလိုက်တယ်။ (အဆောင်မှာပြန်ပြီး ဆန္ဒပြမယ်ဆိုရင် ကျနော်တို့ တိတ်တဆိတ် အဖမ်းခံရမယ်) မော်ကွန်းထိန်း ဦးစိန်ဌေးတို့အုပ်စုက  သူတို့ကားနဲ့ ဖြတ်တားဖို့ လုပ်တယ်။ ကျောင်းသားတွေက ပြင်းပြင်းထန်ထန် သတိပေးတယ်။ ဆရာတို့ နောက်တခါ ကိုးလို့ကန့်လန့်လုပ်ရင်  ကျနော်တို့က ဖြတ်တိုက်ပစ်မယ်လို့ ပြောလိုက်တော့မှ နောက်ကနေ တိတ်တိတ်လေး လိုက်လာတယ်။ ၁၉၉၆ အောက်တိုဘာတိုက်ပွဲ  ရည်မှန်းချက်ဟာ အောင်မြင်ခဲ့တယ်။ လှည်းတမ်းလမ်းဆုံကို ကျောင်းသားတွေ ဆန္ဒပြပွဲ ကျင်းပလိုက်ပြီး နာရီပိုင်းအတွင်းမှာပဲ 

စစ်ထောက်လှမ်းရေးတွေနဲ့ပါမောက္ခတွေ ရောက်လာကြတယ်။ စည်ပင်ရဲတွေကို ဖမ်းဆီးလာပြီး၊ ကျနော်တို့ကျောင်းသားတွေကို 

ကန်တော့ခိုင်းတယ်။ ကျနော်တို့ကို စည်ပင်ရဲတွေရဲ့အမည်တွေကိုသာ မှတ်ပြီး ကန်တော့တာကို ငြင်းဆန်ခဲ့ပါတယ်။ ကိုယ့်ထက်  အသက်ကြီးတဲ့သူတွေက ကန်တော့တာဟာ သင့်တော်တဲ့အရာတခုမဟုတ်ဘူးဆိုတာ လူတိုင်း နားလည်နေလို့ပါ။ 

တိုက်ပွဲဆိုတာ အကန့်အသတ် ထားရပါတယ်။ တောင်းဆိုချက် နှစ်ခုရပြီဆိုရင် လတ်တလောတိုက်ပွဲရဲ့ရည်မှန်းချက် အောင်မြင်တယ်။  ဒါကြောင့် ကျနော်တို့အဆောင်ကို ပြန်ရမယ်။ (တချို့ကျောင်းသားတွေက တတိုင်းပြည်လုံး အထွေထွေသပိတ်ဆင်နွှဲဖို့ လှည်းတန်း  လမ်းဆုံတဝိုက်နဲ့ ရန်ကုန်တက္ကသိုလ်ထဲမှာ ဆက်ပြီး နေချင်ပုံရပါတယ်။) ကျနော်တို့က အထွေထွေသပိတ်အထိ သွားဖို့အတွက် 

အသင့်မဖြစ်သေးဘူးလို့ ယူဆခဲ့တယ်။ ဒါကြောင့် ဆန္ဒပြပွဲကို ရုတ်သိမ်းခဲ့တယ်။ ၁၉၉၆ အောက်တိုဘာ ကျောင်းသားလှုပ်ရှားမှုရဲ့  အဓိကအနှစ်သာရကတော့ စစ်အာဏာပိုင်တွေ၊ တက္ကသိုလ်ကျောင်းအာဏာပိုင်တွေ၊ မျှော်လင့်မထားတဲ့နေရာတွေကို ဖြတ်ကနဲ 

ရွေးချယ်တယ်။ တိုက်ပွဲကို လူထု မြင်နိုင်အောင်၊ လူထုက ပူးပေါင်းပါဝင်လာနိုင်အောင် ပြုလုပ်နိုင်ခဲ့ခြင်း ဖြစ်တယ်။ ဒါကြောင့် “ရန်သူကို 

မထင်မှတ်ထားတဲ့နေရာကနေ တိုက်ပါ။ ရန်သူ ပြင်ဆင်ချိန်မရခင်မှာ လူထုဆီကို ဝင်ပါ” ဆိုတဲ့အတွေးအခေါ်ဟာ ခေတ်မှီနေဆဲ ဖြစ်တယ်။ 

၁၉၉၆ ဒီဇင်ဘာ ကျောင်းသား လှုပ်ရှားမှု  ဒီဇင်ဘာကျောင်းသားလှုပ်ရှားမှုက ၁၉၉၆ ကျောင်းသားလှုပ်ရှားမှုရဲ့ဒုတိယပိုင်း ဖြစ်ပါတယ်။ အောက်တိုဘာတိုက်ပွဲအပြီးမှာ ကျောင်းသား 

လှုပ်ရှားမှုကို ဦးဆောင်ခဲ့တဲ့ ကျောင်းသားတွေကို မိမိရဲ့နယ်အသီးသီးကို ပြန်ခိုင်းပါတယ်။ အကြံအစည်က ကျောင်းသားတွေကို သက်ဆိုင်ရာ  နယ်အသီးသီးမှာ ဖမ်းဆီးဖို့ပါ။ ဒါပေမဲ့ အတွေ့အကြုံရှိနေတဲ့ကျောင်းသားတွေဟာ နယ်ကို မပြန်ကြပါဘူး။ တွက်ချက်ထားတဲ့အတိုင်းပါပဲ။  မိဘတွေကို ခြိမ်းခြောက်တယ်။ ကျောင်းသားခေါင်းဆောင်တွေကို မော်ကွန်းထိန်းရုံးခန်းတွေမှာခေါ်ပြီး လက်မှတ်ထိုးခိုင်းတယ်။ 

မော်ကွန်းထိန်းရုံးခန်းတွေဆိုတာ စစ်ထောက်လှမ်းရေးတွေ နေရာယူ ကြီးစိုးထားတဲ့နေရာတွေ ဖြစ်တယ်။ ကျောင်းသားတယောက်  ရုံးခန်းထဲဝင်သွားပြီဆိုရင် ကျန်တဲ့ကျောင်းသား (၄၀­၅၀) လောက်က ရုံးခန်းကို ဝိုင်းထားပါတယ်။ အောက်တိုဘာလှုပ်ရှားမှုကို  ဦးဆောင်ခဲ့တဲ့ကျောင်းသားတွေကို စစ်ထောက်လှမ်းရေးက ဖမ်းလို့မရတဲ့အချက်တချက်က အဲ့ဒါကြောင့် ပါ။ 

ကျောင်းသားကို ဖမ်းမရတော့ စစ်အာဏာပိုင်တွေရဲ့ လက်ကိုင်တုတ်တွေဟာ အင်မတန် အောက်တန်းကျတဲ့လုပ်ရပ်တခုကို စတင် 

လုပ်ဆောင်ပါတော့တယ်။ အဲ့ဒါကတော့ ရန်ကုန်စက်မှုတက္ကသိုလ်တံဆိပ်တုံး ရိုက်နှိပ်ထားတဲ့ စာရွက်စာတမ်းတွေကို ကျောင်းအနီးတဝိုက်မှာ  ဖြန့်ဝေလိုက်ပါတယ်။ (ရပ်ကွက်ထဲနဲ့တချို့တက္ကသိုလ်တွေမှာတော့ မျိုးချစ်လူငယ်များအမည်ခံ၊ အခြားအမည်ခံပြီးဖြန့်ပါတယ်) စာမှာပါတဲ့  အကြောင်းအရာတွေကတော့ ကျောင်းသားတွေဟာ သိက္ခာမရှိတော့ကြောင်း။ ဘတ်(စ်)ကားစီးရင်လည်း ကားခမပေးပဲ စပယ်ယာနဲ့ 

ရန်ဖြစ်လို ဖြစ်၊ ရန်ကွက်ထဲမှာလည်း ရန်ဖြစ်လို ဖြစ်­­­­­ စတဲ့ကျောင်းသားထုကို သိက္ခာချ ပုတ်ခတ်တဲ့ အကြောင်းအရာတွေ ပါဝင်တယ်။ 

ရန်ကုန် စက်မှုတက္ကသိုလ်ကျောင်းသားတွေက ဒေါသထွက်ခဲ့ကြတယ်။ ပါမောက္ခချုပ်ရဲ့ရုံးခန်းကို သွားရောက် ဝိုင်းရံကြတယ်။ ပါမောက္ခချုပ်  ဦးကြင်စိုးကို အခု ဖြန့်ဝေနေတဲ့စာဟာ ရန်ကုန်စက်မှုတက္ကသိုလ်က ထုတ်ဝေတာ မဟုတ်ဘူးဆိုတာကို ဦးကြင်စိုး လက်မှတ်နဲ့ ထုတ်ပြန်  ကြေငြာပေးဖို့ တောင်းဆိုကြတယ်။ ပါမောက္ခချုပ်က ထုတ်ပြန်ပေးမယ်လို့ ဂတိပေးခဲ့ပါတယ်။ ဒါပေမဲ့ နောက်တနေ့ မနက် ၉ နာရီမှာ  ပါမောက္ခချုပ်ရုံးခန်းကို ရောက်သွားကြတဲ့အခါ၊ ဦးကြင်စိုးက ရှင်းလင်းတဲ့စာကို ထုတ်ပြန်ပေးဖို့ နေနေသာသာ ကျောင်းသားထုကို 

ရှောင်နေခဲ့တယ်။ အတွေ့မခံခဲ့ဘူး။ မကျေမနပ် ဖြစ်နေတဲ့ကျောင်းသားတွေက ညနေပိုင်းမှာ လှည်းတန်းလမ်းဆုံမှာစုပြီး ဆန္ဒပြပွဲ ကျင်းပဖို့

pmrsufESm - 5

rlydkif - ,ae@jrefrm

စတင်လိုက်တယ်။ နိုဝင်ဘာ တလလုံး ကျောင်းသားတွေကို နည်းအမျိုးမျိုးနဲ့ ဖမ်းဆီးဖို့ ကြိုးစား၊ သိက္ခာချဖို့ ကြိုးစားခဲ့တဲ့ စစ်အုပ်စုဟာ  နောက်ထပ် ကျောင်းသားဆန္ဒပြပွဲတခုကိုသာ ရင်ဆိုင်လိုက်ရတော့တယ်။ 

ဒီကနေ့ ဒေါ်အောင်ဆန်းစုကြည်ကို အောက်တန်းကျတဲ့နည်းနဲ့ သိက္ခာချ၊ ထောင်ချဖို့ ကြိုးစားနေတဲ့ စစ်အုပ်စုဟာ ၁၉၉၆ ဒီဇင်ဘာလတုံးက 

ကျောင်းသားထုကို သိက္ခာချဖို့ ကြံစည်ခဲ့တုံးကလိုပဲ ကိုယ့်ရှူးကိုယ်ပတ် ဖြစ်နေတယ်။ ဒေါ်အောင်ဆန်းစုကြည်က သိက္ခာကျ မသွားပဲ၊ လူထုရဲ့  စာနာနားလည်ထောက်ခံမှုက မြင့်တက်လာတယ်။ နိုင်ငံတကာရဲ့ စိုးရိမ်မှုက ၂၀၁၀ ရွေးကောက်ပွဲရဲ့ ကြိုတင် ကြံစည်ယုတ်မာမှုကို 

မျက်ဝါးထင်ထင် မြင်နေရတယ်။ ဒေါ်အောင်ဆန်းစုကြည်ရဲ့ သဘောထားကြီးမှုကို နိုင်ငံတကာအသိုင်းအသိုင်းအဝိုင်းက တွေ့မြင်နေရတယ်။  တခုတော့ ရှိတယ်။ အတားအဆီးတိုင်းမှာ ကြုံတွေ့နေရတဲ့အရာတခုကို ရှင်းပစ်ဖို့ လိုပါလိမ့်မယ်။ စည်ပင်ရဲတွေလို၊ စွမ်းအားရှင် ကြံ့ဖွံ့တွေလို၊  အလိုတော်ရိတွေဆိုတာ လူလို ပြောလို့ မရတတ်ဘူး။ တခါတလေ ခပ်ကြမ်းကြမ်းလေး တုံ့ပြန်ပေးပြီး ကိုင်တွယ်ပေးပြီးမှ နောက်တဆင့်ကို  တက်လှမ်းလို့ရတာ မို့လား။ ၁၉၉၆ ကျောင်းသားလှုပ်ရှားမှုတုံးက စည်ပင်သာယာရုံးကို အဲ့သလို လုပ်ပစ်ခဲ့ကြတယ်။ 

၁၉၉၆ ဒီဇင်ဘာလှုပ်ရှားမှုကို လှည်းတန်းလမ်းဆုံကနေ မြို့ထဲကို ချီတက်တဲ့အခါ လမ်းကြောင်းရွေးချယ်မှု မှားခဲ့တယ်။ စစ်တပ်က ညှပ်ပိတ်  ဖမ်းလို့ရမဲ့ ဦးထောင်ဘိုလမ်းလို နေရာကို ဦးတည်ခဲ့ကြတယ်။(တကယ်တော့ အဲ့ဒီင်္အဖြစ်အပျက်ကို သံသယရှိလွန်းလို့ လူစစ်ခိုင်းခဲ့တယ်။ 

ဆိုက်ကားပေါ်က အချက်ပြခဲ့တဲ့သူဟာ ကျောင်းသားထုကြားထဲက ဦးဆောင်သူတယောက်နဲ့ ဘယ်လို ပတ်သက်နေသလဲဆိုတာကို စုံစမ်းဖို့  တိုက်တွန်းခဲ့ဘူးတယ်။ ဦးဆောင်သူအားလုံးကလည်း ကိုယ့်အုပ်စုနဲ့ကိုယ်ဆိုတော့ အဆက်အသွယ် ခက်သလို၊ ပြန်လည်သုံးသပ်မှုလည်း  မလုပ်ခဲ့ကြဘူး) 

ရန်ကုန်စက်မှုတက္ကသိုလ် ကျောင်းဆောင်တွေမှာ ကျောင်းသားခေါင်းဆောင်တွေကို ပိတ်ဖမ်းဖို့ လုပ်တယ်။ ကျောင်းတွေကို (၂) ပတ်လောက်  လျှို့ဝှက်ပြီး ပိတ်လိုက်တယ်။ ကျနော်တို့ အဆောင်တွေကနေ ခွာခဲ့ကြတယ်။ တချို့က ပဲခူးကောလိပ်က ကျောင်းသားတွေနဲ့ ချိတ်ဆက် 

လုပ်ကိုင်ဖို့ ထွက်ခဲ့ကြတယ်။ ပြောက်ကျားဆန္ဒပြပွဲတွေ ပြန်လုပ်ဖို့ ကြိုးစားပေမဲ့ ရန်ကုန်မြို့ရဲ့အနေအထားက အခြေအနေ မပေးတော့ဘူး။  ရန်သူက ပိုက်စိတ်တိုက် ရှာနေပြီ။ ကျနော်တို့ ပုန်းအောင်းစရာ နေရာတခုရရေးဟာ အဓိက ဖြစ်လာခဲ့တယ်။ 

နိဂုံး  ရန်သူ မျှော်လင့်မထားတဲ့နေရာကကနေ အမှတ်မထင် တိုက်ခိုက်ပါ။ ရန်သူစစ်တပ်က ချေမှုန်းလို့ မရနိုင်တဲ့ အခြေခံစခန်းတခုကို ရှာထားပါ၊  မိမိရဲ့နောက်လိုက်တွေကို လုံလောက်တဲ့ လေ့ကျင့်မှုတွေ ပြုလုပ်ပေးထားပါ” ဆိုတာ လွန်ခဲ့တဲ့ နှစ်ပေါင်းထောင်ချီလောက်ကတည်းက  ဇွန်ဇူးရဲ့ “စစ်ပွဲအနုပညာ” စာအုပ်မှာ လမ်းညွှန်ထားပြီးသား အချက်တွေ ပါ။ သူက စစ်ပွဲတွေအကြောင်း အကြံပေးထားတာဖြစ်ပေမဲ့  လူထုလှုပ်ရှားမှုတွေအတွက်လည်း အသုံးဝင်နေဆဲပါ ပဲ။ 

ပြောသာ ပြောရတာပါ။ ကိုယ်က ကျည်ဆံ၊ နံပါတ်တုတ်၊ အကျဉ်းထောင်တွေနဲ့ဝေးတဲ့ လွတ်မြောက်ဒေသမှာ ရောက်နေပြီး အားအားရှိ  တော်လှန်ရေးမိန့်ခွန်းတွေ ထ ပြောမနေချင်ပါဘူး။ ကြုံခဲ့ဘူးတဲ့အရာတွေကို သတိပေး ယုံလောက်သာ အကြံပြုပြီး အထဲကလူထုက 

ကိုယ့်ရဲ့ကံကြမ္မာကိုကိုယ့်ဘာသာ ရွေးချယ် ဆုံးဖြတ်တာက အကောင်းဆုံးပါ။ ကျနော်တို့ ကြုံတွေ့ခဲ့ဘူးတဲ့ ရှစ်ဆယ့်ရှစ်အရေးတော်ပုံကနေ  ၁၉၉၆ ကျောင်းသားလှုပ်ရှားမှုကာလတွေထက် ဒီကနေ့ဗမာပြည်ကလူထုဟာ ပိုမိုကောက်ကျစ်ယုတ်မာတဲ့ အန္တရာယ်တွေကြားမှာ နေ 

နေကြရတယ်။ လှုပ်ရှားမှုမှာ အခက်အခဲမျိုးစုံကို ရင်ဆိုင်နေကြရတယ်။ ဒါပေမဲ့ လူထုနိုင်ငံရေးရေချိန်က မြင့်မားနေတာကို တွေ့ရတယ်။  ခေါင်းဆောင်ဖြစ်ချင်တဲ့သူတွေက လူထုရဲ့ရေချိန်နောက်မှာ ကျန်မနေရစ်ဖို့ပဲ လိုတာပါ။  အောင်မိုးဝင်း  လူထုက နိုင်ငံရေးရေချိန် မြင့်နေတယ်ဆိုတာ စစ်အာဏာပိုင်တွေရဲ့လိမ်လည်ယုတ်မာမှုတွေအားလုံးကို သိနေသလို၊ ပြည်ပက အတိုက်အခံ  တွေရဲ့ ဇွတ်အတင်း ညာသံပေး တောခြောက်နေတဲ့ မိန့်ခွန်းတွေကိုလည်း ရင်ခုန်မှာ မဟုတ်ဘူးဆိုတာကို ဆိုလိုခြင်း ဖြစ်ပါတယ်။

pmrsufESm - 6

rlydkif - ,ae@jrefrm