Mantiq Mardha.pdf

1. Dewi keadilan tu Kedua matnya ditutup dengan kain artinya dalam mnuntut ilmu kita harus bujur2 basarah lwan peguruan, bila jer guru ini gawi ae langsung ngrannya kita kda mliat maulah kita yg bebisa2... 2. Dewi keadilan tu inya mingkuti timbangan yg sama beratnya artinya dalam kehidupan ni baik kah buruk kah, hinaan kau atau pujian kah semuanya sama aja.. kdd bedanya.. tergantung yg menyikapinya aja lgi... 3. Dewi keadilan itu mingkuti pedang yg menunjuk kebawah kalo dalam hukum tu artinya tajam kebawah tumpul keatas ... Artinya bila kita kda kenal lwan Allah brrti sama ae binatang, jdi apapun yg digawi ttap ae dosa akhirnya kena ttap ae dihukum jua, tpi amun org sudah mengenal tu barang ae apakah lgi yg dgwinya kda ppa ae, inya sudah kenal jua.. makanya am kdd hukuman lgi gsan inya. 4. Dalam hukum tu ada jua lambang nya gambar palu artinya bila ujar guru kya ini dan kya itu, itu sdah jdi ketetapan.. mau kda mau kita harus tetap meumpati karena itu yg sudah berlaku. 5. Hukum itu ada yang ngarannya hukum adat, hukum yg berasal dari kebiasaan artinya harusnya kya itu jua diri bila beamaliyah tu, gawi haja trus smpai istiqomah, kena bila sdah istiqomah amun kda tegawi tu pasti diri merasa ada yg kurang..smpai akhirnya amaliyah tu jdi ssuatu yg kda boleh dtinggal seakan2 itu sudah kewajiban bagi diri. 6. Dalam hukum tu kda kwa sembarangan org asal menangkap amun kdd sengketanya misalnya sengketanya tu karena ada yg ingkar janji... Nah kya itu jua guru lwan murid tu. Amun murid tu patuh lwn guru, menuruti trus apa jer guru, kda mngkin pang guru tu model mngalihi muridnya mcam2..ni murid jua yg kda patuh jdi wajar ae bila guru kya itu. 7. Dalam hukum tu ada yg digugat dan ada yg tergugat.. kda mau am tepisah bedua tu. Kya itu jua Allah dan Muhammad tu. 8. Bila ada hak pasti ada kewajiban, bila ada kewajiban pasti ada hak artinya bila ada sifat pasti ada dzat, kya itu jua sebaliknya.

9. Dalam hukum tu ada jua kitabnya.. KUHPidana, KUHPerdata, kena ada lgi pembagian nya macam2 yg lbih khusus. Nah kya itu jua dalam agama ni, ada Al-qur'an dan ada hadist, kena yg lbih rincinya dalam ijtima' dan qiyas. 10. Polpen tu bila tesalah dihapus pakai tip ex .. bujur ae hilang tpi ttap ae masih kthuan bekas tip ex nya tu kya itu jua hati tu bila sdah rusak, ttap ae kthuan bekasnya mskipun sdah taubat. 11. Bila bacermin tu baik bacermin yg ganal sekalian spya kliatan awak seikungan artinya tu bila ngoreksi diri tu jgn alang2 ... Kena yg bagusnya inggan mana yg dikoreksi aja. 12. Bacermin tu di kaca jgn di banyu yg karuh kena bila dbanyu karuh kda kliatan artinya tu bila hndak baik bujur2 liati diri, koreksi spya nmpak kesalahan diri ni dimana, yg salahnya apa. 13. Jgn terlalu banyk makan kena meulah mata mengantuk, amun mengantuk kena tguring ae lgi bisa kebablasan ha pulang bangungnya artinya kya itu jua lwan dunia ni, jgn terlalu dihimati kena merasa nikmat itu am yg meulah lalai jdinya lwan akhirat. 14. Jgn mliat buku tu dari judul atau covernya aja karena siapa tau didalamnya tu malah lbih bermutu isinya kya itu jua diri ni, bila mliat org. Jgn memandang dri fisiknya aja tpi dri hatinya. 15. Jadilah banyu putih meskipun kda berasa apa2, dliat aja gen biasa tpi am sebarataan org memerlukan nya. Artinya kya itu jua diri, biar aja dlihat org biasa2, asal bermanfaat aja gasan org lain. 16. Balon tu bila ditiup di isii angin semakin ringan, semakin inya naik keatas. Kya itu jua diri. Bila semakin beilmu tu harusnya semakin merasa diri ni hina, smkin merasa hina tu sebenarnya semakin mulia. 17. Bila piring tu ganal tebanyak jua muatan nasinya kya itu jua diri ni, bila hati tu terbuka lebar gasan menuntut ilmu maka ilmu tu bnyk jua yg masuknya. 18. Org memakai topeng tu spya kda kliatan siapa inya sebenarnya artinya sama kaya waliallah tu bgian sidin ktju menyelimuri diri spya org kd tau bahwa sbnarnya sdin waliaallah.

19. Dlm pmain sinetron tu ada ngarannya pemain antagonis (jahat) tpi itu lain khndak inya karena si sutrada yg mnyuruh artinya kya itu jua iblis tu, lain inya pang yg berkehndak hndak mngganggui manusia tpi inya mnggawi tu atas perintah Allah jua. 20. Bila kuku panjang di potong kukunya spya jgn rigat artinya bila tau kesalahan diri lakasi dperbaiki jgn smpai dilambat2 e mmbaiki nya kena sawat hati rusak. 21. Bila membawa bakul tu bawa bakul yg kuat spya jgn tececer isinya jdi bila smpai kerumah kwa dmakan isinya artinya kya itu jua menuntut ilmu tu, bujur2 dijaga dan dijalankan apa yg sudah dipelajari, spya kena tedapat hasilnya. 22. Banyu tu selalu meumpati dimana alurnya atau kya apa wadahnya artinya murid tu harusnya selalu meumpati apa jer guru. 23. Ada kata2 jernya "air yg mengalir jernih akan keruh jika menggenang" artinya tu bila mnuntut ilmu jgn hanya brdiam diri dkmpung sorngn aja, tpi dbwa merantau spya kda itu2 aja yg dliat, spya ada pngetahuan dan pengalaman jua yg bertambah. 24. Yg ngarannya intan tu biar dibawah tanah, dipadang lumpur ttap ae inya berharga artinya tu biar kya apa pun orang tu menyelimurnya yg ngarannya org beilmu ttap ae kthuan jua pada beilmu. 25. luka sdkit sdah hndak mngeluh, padahal ada lbih parah lgi lukanya tpi inya bdiam aja artinya tu bila ada ujian tu jgn langsung mmvonis sorng yg paling sakit, coba liati kisah hidup org lain, lihati perjalann org yg lbih diatas pada sorang, ujiannya pdahal kdd bandingannya apa2 lwan sorng. 26. Sendal tu ada kiri dan kanan , bilanya bjlan batis yg kanan bedahulu brrti yg kiri bedudi artinya tu dunia dan akhirat tu kya itu jua kda mau sejajar. 27. Bayangan tu bila dikejar semakin jauh, tpi bila dlihati aja inya bagana aja artinya tu dunia tu kda perlu dikejar, biarkan aja inya, biar dunia itu sorngn yg memaraki sorang. 28. Bintang tu jauh, tpi ttap ae kliatan cahayanya artinya tu kya itu jua org beilmu tu ttap ae ktahuan nmpak mana yg beilmu dan yg kda.

29. Piring tu bila sdah bersih hnyr kawa di andaki mkann apa kah terserah ae artinya kya itu jua diri bila bersih dri pnyakit hati nyman am jua ilmu tu masukan. 30. Buaya tu kda begigi makanya am bila mkan tu kda dikunyah nya langsung ditaguk nya bulat2 artinya bila dapat ilmu tu harus nya dihalusi lgi spya bujur2 paham. Jgn paham kasar aja, kena klo tesalah. 31. Tasbih tu bila pagat kda kwa am lgi dpakai artinya tu sama ae ilmu jua, amun kda bersambung dri guru ke guru smpai ke rasulullah jgn dipakai, kena kda jdi apa2 jua. 32. Akar dalam tanah tu banyak, becabang2.. tpi pohonnya ttap ae satu jua. Artinya bisa aja jalannya beda, caranya beda tpi tujuan nya ttap ae satu Allah jua. 33. Bila jalan tu beaspal ktju banar mnjalaninya biar aja jauh kda ppa ttap ae hakun. Pdahal meulah sorng lmbat smpai ketujuan kya itu jua diri ni, hndak nyaman trus pdahal sdah tau dari rasa nyaman tu am yg meulah lalai tpi ttap aja dijalani. Kda sadar2. 34. Ada jalan yg tacepat smpainya tpi tesakit pang kda kya jalann aspal mulus artinya tu kda ppa besakit stumt dalam mnuntut ilmu tu, karena dari sakit tu am sorang bisa merasakan bujur2 kya apa perjuangan dan pengorbanan tu dan hasilnya pun pasti memuaskan jua. 35. Jgan jdi hantu yg bisanya menakutani org aja artinya kya itu jua dalam mnuntut ilmu tu jgn hnya pander aja. 36. Jdilah udara yg kda telihat tpi selalu diperlukan artinya bila berbuat baik tu kda perlu betampai, ckup sorng aja yg tau. 37. Bila gatal garu, karena disitulah nikmat tu akan terasa artinya gawi apa yg Sorang khndak, kda usah mnunggu org lain krena org kda merasa apa yg sorang rasa. 38. Lilin tu benyala karena ada sumbunya ditengah tu artinya murid tu kda mau jua bermanfaat ilmunya amun kda berkat guru nya jua. 39. Kompor gas itu bila hbis gas nya kda mau jua hidup kompor gas nya kya itu jua diri ni, bila kda beilmu tu kda kwa jua hidup hatinya. Karena kda tuntunannya iya ilmu tdi.

40. Nyaman mkan itu terasa setelah kita memakannya sorang kya itu jua ilmu tu bila sorng blum mnjalni nya kda tau jua kya apa rasanya perjalann mnuntutnya. 41. Bila kaca tu pecah kda kwa lgi di lem ataupun disambung2 artinya kya itu jua kepercyaan guru tu lwan murid, bila murid mnyia2 kan nya maka hilnglah kepercyaan gurunya, jdinya am kda jdi apa2 jua si murid tdi. 42. Bila baterai hp hbis langsung di charge spya jgn smpai mati artinya kya itu jua diri stiap hari perlu ilmu spya jgn smpai hati mati krena kdd ilmu yg diperoleh. 43. Jdilah resleting yg bisa gsan di buka dan di tutup artnya kya itu jua hati, bila tau itu kebaikan dibuka hati tu bujur2, dan bila itu keburukan ditutup hati tu. 44. Foto tu hnya gmbaran aja, tpi inya kda lain jua lwan org yg sebujurnya kya itu jua kita ni kenyataan Allah sdah jdi beapa lgi mncri2 bejauh2. 45. Bila ada api ada jua panas, bila ada ombak ada jua laut kya itu jua bila ada yg mensifati berrti ada jua dzatnya, inya kda mau terpisah. 46. Jam tu diperhtikan kda diperhtikan ttap ae inya berputar sorngn artinya jgn memperdulikan kwanan kiri kanan, gawi pun sorang aja. Hinaan dan pujian tu lewat aja. 47. Bila sendok tu gsan makan, bila wancuh tu gsan mngaut nasi atau mengaut gangan kya itu jua ilmu tu disesuaikan, bila org syariat sorng syariat jua, bila org hakikat sorang hakikat jua. 48. Piring tu macam2, ada yg bemotif bunga disamping nya, ada yg begambar penganten dll ae tpi intinya ttap ae piring jua artinya diri kita ni sama aja berataan yg mmbedakan tu jasad nya aja. 49. Bila kita tu behingusan maka nglih jua behinak kcuali hingus nya dipaus dhulu nah kya itu jua menuntut ilmu tu bila ada yg rigat2 dalam diri tu dibersihi dlu sekira nya ilmu tu nyaman jua masuknya. 50. Kuda tu spya jgn lepas harus ada pengikatnya, itu gen harus kuat artinya dalam mnuntut ilmu tu spya ilmu nya jgn cepat hilang ingatannya makanya ditulis spya ada trus.

51. Org memotong kuku tu bisa pakai silet, pakai gunting atau pakai jepitan kuku artinya dalam menuntut ilmu tu jalannya banyak jdi bila meliat org belain pada sorang jgn hndak mnyalahkan org. Karena tujuannya sama aja jua. 52. Pakai silet tu motong kuku lebih cepat tpi am resiko lukanya teganal jua kya itu jua perjalann menuntut ilmu tu kdd yg nyamannya. Pasti ada ujiannya. 53. Pisau tu bila tajam nyaman jua betatak, ngapakah kawa haja ditataknya kya itu jua diri bila sdah mulai paham lwan ilmu tu nyaman haja lgi memaham mskipun awalnya tu hanya paham kasar haja dhulu kena bisa ae sorng mehalusinya lgi. 54. Bila pisau tumpul ni nglih am. Tadas bilanya hndak betatak makanya diasah dlu pisaunya spya tajam artinya kya tu jua dalam mnuntut ilmu ni, dilatih trus diri ni spya kena nyaman memaham apa yg dismpaikan guru tu. 55. Nyiur tu dari biji smpai ke biji pulang ttp ae semuanya bermanfaat, tu inya memantiqi gsan diri sorang spya jgn smpai sorng kda bermanfaat, amun sorng kda bermanfaat kalah am brrti dari nyiur. 56. Kupu kupu tu bila dikejar inya terbang, tpi bila dliatkan aja inya bisa dtng sorangn an artinya kya itu jua dunia, bila dikejar smkin bejauh mksudnya sorng ni smkin merasa kda puas. Tpi bila kda dikejar dunia ni inya bisa aja mndtangi sorng. 57. Bila baju tu kda nyaman dipakai langsung ae ganti jgn ttap aja dipakai amun sorng merasa kda nyaman di awak artinya tu bila beamaliyah tu gawi yg mana hati ringan menggawinya jgn dipksakan drpda terpksa sorng jua yg merasa kda nyaman nya. 58. Gayung tu gsan becibuk mandi spya banyu tu smpai ke awak artinya gayung tu guru, banyu tu ilmu, dan yg mandi tu murid. Jdi kya itu jua amun kdd guru kya apa jua murid tu hndak tau di ilmu. Karena guru tu sumbernya yg membawakan ilmu 59. Kopi tu pahit tpi bnyk ae yg ktju malah bgi org yg ktju kopi tu nymbat kopi tu nikmat kya itu jua kita mnuntut ilmu ni, bagi sbgian org ini ni nglih lah apalah dan mcam2 ae karena inya kda ktju, coba amun org yg sudah terlanjur ktju mnuntut ilmu inya kda peduli lgi ujian kah apakah ttap aja djalani nya.

60. Kastok an tu fungsinya gsan menggantung baju, spya lebih hemat pawa gsan dadayan yg lainnya kya itu jua wktu dalam mnuntut ilmu tu harus bisa2 sorng memanfaatknnya spya jgn ada penyesalan. 61. Kayu ulin tu kuat dan telarang harganya maka wahini mulai nglih dah mncrinya artinya kya itu jua diri ni bila beilmu. Org beilmu tu tinggi pangkatnya drpda yg kda beilmu makanya org2 nya aja am yg hakun mnuntut ilmu tu. 62. Bila dingin pakai selimut spya jgn dingin artinya bila diri merasa kurang ilmu, mkanya tuntut ilmu spya jgn jahil. 63. Listrik yg bepulsa ni bila hbis pulsanya maka bebunyi inya sing nyaringan artinya kya itu jua diri ni, bila bnyk pander tu bisa jdi karena kurang ilmu amun org beilmu tu jrng inya bnyk pnder. 64. tangan kita ni ada lima jarinya artinya kya itu jua ilmu ni, syariat, thariqat, hakikat, marifat dan i'tiqad. 65. Iwak tu biar di lautan ttap ae dagingnya kda asin rasanya artinya tu jgn mudah terpengaruh lwan org. Biar aja org kya apakah asal sorng jgn umpat2 an. 66. Stop kontak tu meulah yg jauh menjdi parak, yg inya nglih menjangkau listrik timbul jdi nyaman kya itu jua guru tu, yg dulunya kita kda tau apa2 jdi timbul tau, yg dlunya kita buta lalu lwan ilmu timbul kita bisa. Itu pang tdi berkat guru melajari. 67. Bila kita tu mengetik apakah di laptop tu langsung ae di save kalo pina kda ingat me save hbis am kena klo tehapus brtaan artinya kya itu jua ilmu tu, bila dapat ilmu langsung dicatat, amun meandalkan otak aja timbul kena kda ingat kya apa lgi 68. Iwak wadi tu masin, smpai kemata2 nya gen masin artinya bila bljar lwan guru tu bujur2 besarah diri jgn mealang2 kena tanggung. 69. Iwak wadi tu bujur ae masin, tpi bnyk aja yg ktju malah meulah nafsu makan lgi tpi org2 nya aja pang yg ktju artinya kya itu jua dalam perjalann mnuntut ilmu ni, kda sbrtaan org ktju org2 nya aja yg memang dsar mau bersungguh2 tu.

70. Ayam tu bila subuh inya berkokok trus mmbanguni org2 nah kdakah kita supan tedahulu ayam bangun pda sorang. Pdahal ayam tu mana inya beakal jua ah 71. Ayam tu bila inya berkokok tu kda peduli ae inya bangun kah kda kah org yg didalam rumah tu yg penting inya sdah berkokok spya org tau pada sdah parak subuh artinya tu kya itu jua guru tu, memadahi mcam2 nasehat gsan si murid terserah si murid ae lgi hndak measi kah kdakah yg pnting guru sdah mdhi padahal pdahan guru tdi gsan kebaikan si murid jua. 72. Bila makan pisang tu dikuyak dlu kulitnya hnyar kawa temakan pisangnya artinya kya mnuntut ilmu tu dipisah dlu antara yg syariat lwan hakikat , amun langsung becampur dua ilmu nya kena kda mau masuk ilmunya. 73. Kalender tu beandak di dinding rumah sekiranya kita tu sadar bahwa waktu tu terus berjalan, hari demi hari terus berjalan tpi adakah peruhahan kebaikan yg kita gawi 74. Dikalender tu bila tanggl liburan tu warnanya merah artinya merah tu ma'rifat jdi bila org sudah kenal tu terserah nya ae lgi hndak beapakah karena inya sudah bebas. Kdd lgi yg ngekangnya. 75. Ambal di lantai tu gsan melindungi lantai yg aslinya artinya kda perlu betampai kya apa diri ni sebujurnya tpi selimuri ja dlu spya org kda tau kya apa dalamnya. 76. Jgn jadi pohon yg kda bedaun, bebuah kda, tinggal kerangkanya haja lgi maka jabuk ha lgi artinya tu jgn jdi org yg kda bermnfaat sama sekali bgi org lain. 77. Kenanga tu halus aja bunganya tpi am harumnya keciuman bnar artinya amun org beilmu tu kda perlu dirinya betampai bahwa dirinya beilmu karena inya pasti ketahuan org aja. 78. Beisi piring banyk tpi gsan pajangan aja dilemari. Artinya percuma beisi ilmu amun kda dipakai jua, sma ae ngarannya kda beisi ilmu ngintu. 79. Bila lemari tu sabak dbersihi jgn dliat kan kena tambah sabak kya itu jua diri ni bila tau ksalahan diri, diperbaiki jgn dbiarkan berlarut2 dalam kesalahan.

80. Kunci tu bila pas kuncinya inya mau rasuk, tpi bila kda pas kuncinya biar kya apa aja ttap ae kda mau masuk. Artinya kya itu jua guru lwan murid, bila kda sejalan dan kda sepaham kda mau jua murid lwan guru tu bisa cocok. 81. negatif lwan positif tu bila ditambah mnjdi positif artinya positif tu guru, negatif tu si murid. Mksudnya kya itu jua dalam mnuntut ilmu ni si murid haru bebungul dihdapan guru. 82. Tong kosong tu bila dikatuk nyaring jua bunyinya artinya tu bila org kda beilmu tu bnyk pander asal sambat aja pdahal inya kda tau jua apa yg disambatnya tu. 83. Kertas tu putih terserah kita ae hndak mnggambarnya kya apa kah gambarannya artinya kya itu jua diri ni, terserah kita hndak kya apakah.. bila hndak diri ni bagus brrti gawi ae gwian yg bagus2 jua. 84. Bila ktju benaikan pohon silahkan naik pohon, tpi bila gugur jgn mnyalahkan siapa2 artinya kya itu jua diri ni, bila hndak beapa2 tu ingat akan perlu hati2 jua spya jgn salah melangkah, bujur kah kda kah ini ni yg dgwi. 85. Bila sdah mepet waktunya hanyar beabutan kya apa caranya spya tuntung amaliyah artinya jgn menyia2 kan waktu yg ada, selagi masih ada wktu tuntut trus ilmunya jgn smpai merasa aman. 86. Iwak bandeng tu banyk tulang nya tpi rasa dagingnya tu manis lwan jua lamah artinya tu kya itu jua menuntut ilmu tu, bujur aja bnyk ujiannya tpi hasil yg didapat kena ssuai ja jua lwan perjuangannya. 87. Org meninggal tu benderanya rjin tu warna hijau artinya hijau tu kematian, dan ada jua orang tu nymbat hijau tu kehidupan artinya setelah kematian tu bakalan ada khidupan bhkan kehidupannya lbih kekal. 88. Headset tu fungsinya spya kita sorang aja yg mndngar nya, spya org lain jgn mndngar artinya tu bila kita beamaliyah tu ckup kita aja yg tau, kda perlu beampai lwan org yg dhiga. 89. Pintu tu mcam2 bentuknya ada yg dari kayu ulin, atau pun dari kayu jati, dll ae tpi intinya satu ae jua kya itu jua diri ni biar beda2 jasad nya pdahal hakikatnya ttap satu.

90. Arab gundul tu amun kda di dhabit akan lwan guru kita kda tau jua bcaan dan artinya apa nah kya itu jua kita ni amun tanpa guru, kda bkalan tau apa2 jua dan kda bklan bisa apa2 jua. Amun kda guru jua yg membimbingnya kena kda tau dimana salah dan bujurnya. 91. Jembatan tu tinggi rncaknya warnanya kuning artinya kuning tu keramat, jdi bila org bakeramat tu berrti pangkat dan derajatnya tinggi di sisi Allah. 92. Angin tu bila sdkit aja jdi sahabat tpi bila kencang anginnya malah merusak artinya jgn meanggap remeh ssuatu yg dliat biasa2 nya. Karena itu bisa jdi petaka suatu saat kena. 93. Bila hujan betaduh jgn malah behujan kena bila garing mengaduh artinya bila sudah tau ngntu kda bgus gsan diri jgn lgi digawi. 94. Bila paku tu teganal kawa jua inya menyatukan kayu yg teganal bila nya pakunya halus brrti gsan kayu yg halus jua kya itu jua mnuntut ilmu tu bila hatinya lapang mnuntut ilmu nya maka yg didapat bnyk jua, begitupun sebaliknya. 95. Bila dalam keadaan kda tenang tu nah dbwa guring gen ttap ae kpikiran trus harusnya kya itu jua kita dalam mnuntut ilmu ni, harus nya selalu beisi perasaan kda tenang, persaan kda selamat sekiranya hndak mnuntut trus lwan ilmu akhirat. 96. Murid tu bagaikan jenazah dihadapan gurunya artinya terserah guru ae hndak meapai muridnya kah terserah guru ae, karena sepenuhnya si murid tdi adalah hak nya guru. 97. Harta warisan tu bila kuitan meninggal maka harta si kuitan tdi jadi hak anaknya artinya bila kita ni ada beisi dzuriyat org yg berilmu pasti ae gugurnya ke anak dan cucunya karena kda mngkin bgiannya mau ilmunya tdi terputus. 98. Hp ni pakai kondom spya bila tehampas hp nya kda pecah artinya kya itu jua diri ni harus ada pelindungnya, pelindungnya diri ni iya ilmu. 99. Banyu tu selalu kebawah artinya biar tinggi kayapapun pangkatnya ttap ae kita tu harus tawadhu' 100. Bila ban kempes lakasi di kumpa sekira kda merusak lwan ban didalamnya artinya kya itu jua diri, bila rigat lakasi dibersihi kena kalo mati hati bila klwasan rigat.

101. Jdilah sperti bunglon bisa merubah warna tubuhnya ssuai dgn tmpatnya artinya kya itu harusnya kalo org beilmu tu, bisa mnyesuaikan bila org membahas ilmu syariat inya bisa mnyesuaikn, bila org hakikat inya bisa jua.. kda menyalahkan siapa2. 102. hbis malam tu ada siang artinya kya itu jua khdupan kita nih, ada susah dan ada ssnangnya. 103. Pelangi tu muncul stelah dtngnya hujan, artinya kya tu jua kbhgiaan tu akan terasa bujur2 adanya stelah kita merasakan yg namanya kesedihan 104. seng tu bila kena hujan nyring bnar suaranya pdahal hujannya kda tpi labat bnar kya itu jua diri tu amun kda tpi beilmu...nyaring pnder nya aja.. 105. Sapu tu andakan nya di buncu2 rumah aja, pdahal sapu lah yg paling pnting gsan mmbersihi rumah nah kya itu buhan waliallah yg majezub tu, org kda tpi mmperdulikan padahal am nyata nya bgian nya tu am yg pling pnting karena bgiannya menyandang akan bala. 106. Jdilah tempat sampah meskipun stiap hari dilempari orang yg kotor2 ttap aja selalu ada artinya kda perduli tntang dhina, cacian atau pun makian ttap aja mmberi manfaat kpda org lain . 107. Sampah itu mskipun kumpulan yg rigat tpi ttap ae gara2 smpah lingkungan ni jdi bersih artinya buhan waliallah tu rela menanggung akan bala sbrtaan org asal org selamat. 108. Jangan jdi nyamuk, yg bila beparak lwan org pasti org tu hndak menapak mematii nya artinya jgn terlalu bnyak pnder yg kda berfaidah, kena sorang jua yg celaka akhirnya. 109. Biar kya apa makann tu wrna apakah masuk nya ttap ae bila BAB kluarnya kuning jua artinya bila org tu sdah mengaramat, apapun gwiannya ttap ae baik di akhirnya. 110. Lampu tu ada warna putih, putih ni am yg terang nya lebih jelas pnglihat tu kya siang ae artinya diri kita ni bila dihadapan guru kdda yg bisa kita ttupi apa2, karena guru tu jgn diragukan lgi tajamnya pandangn sdin. 111. Lampu tu ada jua lampu pijar wrnanya kuning, pdahal wrnanya kda tpi jelas bnar maka banyak watt nya drpda yg lampu putih artinya tu bila sdah tau ada aja yg lbih nyaman jalannya, dtunjuk akan sdah knpa lbih milih jalan yg kda jelas kmana tujuan nya.

112. Jgn jdi lampu hias wara, bungas dipandang tpi kd gsan menerangi artinya kda mmberi manfaat apa2 gsan org. 113. Bubur tu nyaman, lamah dimakan, tinggal langsung tegok aja lgi artinya kya itu jua guru tu mmberikan penjelasan tntang ilmu tu, jelas bnar sdah tinggal dijalankan aja lgi itu gen masih bnyk yg kda dgawi apa jer sdin. 114. bila hndak makan dan sesudah makan hnyr tecari pacawan pas rahatan makan nya kdd teganang lwan pacawan artinya tu bila kepepet atau pun ada masalah hnyr tecari mnta pertolongan lwan waliallah mnta doa lah mnta ini mnta itu. Pdahal pas lgi nyaman nya kda teingat apa2. 115. Pacawan tu bila org mkann biar beberapa org tpi ttap ae pacawannya tu kda satu2, paling ada 2 ataupun 3 buting pacwannya kya itu jua buhan waliallah yg mnjga tiang nya alam smesta ni. 116. Obat tu macam2, jdi macam2 tu lain jua fungsinya artinya ilmu tu kya itu jua mcam2, jdi yg mana sorng yg merasa kkurangan itu yg di tuntut bujur2. 117. Jgn bangga dlu bila hnyar mulai star di jalan tu, sblum smpai ke finish artinya kya itu jua mnuntut ilmu tu jgn pernah merasa puas kcuali sdah smpai manuntung menuntut ilmunya. 118. Mendaday pakai kastok tu spya dadayan nya lbih rapi artinya kya itu jua diri tu bila beisi ilmu, spya kawa di tata. 119. Bendera tu ada merah dan putih artinya diri tu harus suci dan bersih dlu spya bisa mengenal lwan yg Ampun. 120. Bendera tu kda kawa naik amun kdd tali dan tiang nya artinya tiang itu guru dan tali itu ilmunya. 121. Tdi dijalan kendaraan nya mati sorang pdahal kdd masalah apa2 pas tulak tu artinya jgn pernah merasa tenang dan aman2 aja dlam mnjalanj khidupan, karena bisa jdi yg merasa aman itu yg lbih berbahaya.

122. Banyu di ember tu bila bersih biar bnyak banyu nya ttap ae kthuan bila ada rigat nya, artinya kya itu jua biar beilmu tpi masih ada yg rigat nya dihati ni ttap ae bagi org yg khawas mliat dgn nampaknya. 123. Lakban tu sama ae pdahal kya plester jua tpi teganal bnar ae dan ngarannya lbih ganal tu brrti lbih kuat lengketan nya artinya kya itu jua perbedaan org yg beisi pendirian dan keyakinan nya lbih kuat. Kda mudah goyang inya. 124. Jadi lah lilin yg meskipun membakar diri nya sorang tpi itu gsan menerangi org artinya kda ppa diri sorang dimanfaatkan org, asal sorng bisa bermanfaat gsan org lain. 125. Jgn jdi lilin yg hnya bisa menerangi org, tpi memakan kediri sorang artinya bila ada ilmu dipakai gsan org, jgn hnya meurusi org haja trus hbis am diri sorang kda teperhtikan lagi. 126. Mawar itu indah ae tpi beduri artinya yg nikmat2 tu kda selalu mnyelamatkan. 127. Jdilah ucus bujur aja pina karas tpi sebenarnya bila ditarik inya mau bepanjang artinya dliat org model kda mampu tu nah tpi pas dicoba sklinya mampu. Org cuma hnya tepandang di zhohir aja pang. 128. Drumah ni ada tirai yg mendindingi kamar spya biar pintunya bebukaan ttap ae org tu kda kwa langsung melihat kedalam karena tetutup tirainya kya itu jua amun diri ni beilmu, jdi ada jua yg mnghalangi nya bila ada yg hndak kda bujur2 lwan sorang. 129. Tdi ada mliat bendera warnanya hijau, kuning dan hirang artinya hirang tu hina, kuning tu keramat dan hijau tu kematian. Mksudnya bila diri sudah merasa bujur2 hina dihadapan Allah maka inya pun akan mmperoleh kemuliaan di sisi Allah dgn beisi kelebihan2 dan smpai inya mninggal. 130. Bila merasa kutan pasti dah merasa was2 bgwian tu, kpikiran trus kda beampihan artinya harusnya kya itu jua diri ni dalam mnuntut ilmu ni, harus merasa kurang trus, harus merasa kda selamat spya bujur2 mnuntut nya. 131. Jendela tu dibuka supya udaranya masuk artinya hati tu dibuka spya ilmunya masuk.

132. Jgn meanggap remeh hal2 yg kecil tu, karena dri yg kecil tu am ada hal yg besar artinya bila diuji yg halus ja sdah kda sanggup kya apa amun di uji lwn yg lbih ganal. 133. Mawar tu bila di kacak tangkai nya meulah tangan skit karena tetusuk durinya kaya itu ua dunia ni kda usah di kacak behimat karena itu meulah pnyakit hati. 134. Mawar tu dipingkuti tangkai nya biasa aja, sntai2 aja spya jgn melukai ke tangan artinya bila meanu dunia ni bawa santai aja, kda usah terlalu dikejar. 135. Mawar tu bila hndak nyaman memingkutinya tu pakai kaos tangan atau apakah spya ada pelapis sekira jgn tejapai langsung lwan durinya kya itu jua di dunia ni kita harus beisi ilmunya spya kita aman dan nyaman dalam mnjalani dunia ni. 136. Jgn jdi kambing, bila hujan benaung bila panas hanyar keluaran dri kandang artinya tu bila dihina behinip, sedih tpi bila dpuji himung bnar. 137. Jgn jdi walut, sudah lincar awaknya maka nglih ha pulang ditangkap nya artinya kda kwa diurus, kda kwa dibujuri. 138. Bila me rem kendraan atau mobil tu pasti wrna lampunya merah, artinya amun sudah kenal tu ttap ae harus hati2 spya jgan smpai lalai. 139. Tv tu bnyak tpi amun sama2 mliati rcti sbrtaan ttap ae sama siarannya itu2 jua artinya syuhudul kasrah fil wahdah. 140. Bila sdah tagesa2 tu tulaknya biar jalan nya licak gen ttap ae dijalani ttap ae diranjah artinya dalam mnuntut ilmu tu bila sorang merasa pnting ttap ae dituntut kda peduli kya apa kah ujiannya ttap aja hkun mnggwi. 141. Bila baju rabit sedkit ja cepat ae lgi dijahit karena supan bilanya carik dlihat org artinya kya itu jua diri bila diri kda bgus, dibaiki . 142. Sudah tau bau tpi ttap ae masih dicium artinya bila sdah tau ngntu kda bagus jgn lgi digawi, amun digawi lgi iya ngarannya babal. 143. Bila org tu ktju baju lengan handap, inya cuek ae mmkai nya mskpun disambati org mcam2, inya ttap ae kda peduli kya itu jua harusnya dalam menuntut ilmu tu, inya kda perlu

pandangn org terhadap diri nya, inya kya itu kya itu pang sdah yg dgwinya. Kya apa hatinya nyaman itu ae yg dgwinya. 144. Pucuk jawau org bujur aja daunnya kda labat pina layu sekalinya pas di tabuk ganal bungkahnya artinya jgn mandang org dari zhohirnya aja, sekalinya te bnyk ilmunya pada sorang. 145. Bila baju rigat di tapas pakai sabun lwan banyu supaya jgn rigat artinya bila diri kda bagus dibagusi lwan ilmu melalui perantara guru. 146. Proses menapas baju tu bnyak, kena di sikat, di peras, digantung di dadayan, itu pun bila kena hujan basah pulang artinya amun hndak diri bersih tu harus bujur2 mnjalani proses nya, proses nya iya hinaan, ujian ini lah ujian itu lah macam2 ae tpi dari situ am diri kita bebagus. 147. Jgn jdi hayam bila di beri makan hnyar mau datang artinya bila di puji inya himung. 148. Hayam tu bila org hndak mnyembelihnya pasti ddustai org dhulu spya mau beparak, diberi mkani dlu spya kenyang hbis tu hnyr dtngkap org artinya kya itu jua diri, bila kda beilmu ni kwa didustai org karena kda beisi pndrian. Kawa di bunguli org. 149. Hayam tu bila beisi anak halus tu nah dijaganya banar, jgnkan hndak menjapai anaknya mliati anak nya gen bisa dibingkasnya sorang kya itu jua amun beisi ilmu tu harusnya dijaga bujur2 jgn smpai dicuntani org ilmu kita. 150. Tasbih ni bila longgar talinya tu rasa kda nyman jua dketiknya kya itu jua guru lwan murid tu bila nya hubungannya ranggang kya apa ilmunya hndak masuk, sdngkan murid ja kda merasa . 151. Kipas angin tu ada yg bisa digerakan ksana kemari kepalanya ada jua yg picikan nya gsan diri sorng jua memakainya artinya kya itu jua ilmu tu trgantung lwan kbutuhsn kita. 152. Spandai2 tupai melompat kena gugur ae jua artinya biar kya apa haja mnutupi kburukan diri ttap ae kthuan org yg bgi yg khawas.

153. Jadilah tikus inya selalu merasa lapar, apa aja ttap ae dimakannya kya itu harus nya dalam menuntut ilmu ni jgn pernah puas harus selalu merasa kurang. 154. Jgn jdi kancil yg ktju meakali dan mmbunguli org artinya inya hndak diri nya sorng aja yg nyaman nya, kda mikir akan kya apa org yg didustainya. 155. Bila kda hndak didustai jgn ktju mendustai org artinya apapun yg kita gawi tu kembali kediri kita jua akhirnya. 156. Bila rambut panjang hndak di ayam kah atau hndak dikepang kah kawa aja lgi artinya kya itu jua bila org beilmu tu hndak kya apakah inya ttap aja rasuk lwan org. Karena inya sdah paham. 157. Kaca tu bila rigat sdkit aja gen kthuan ttap nmpak rigatnya artinya kya itu diri ni bila ada pnykit hati mka nmpak bnar mskipun zhohirnya kda kliatan. 158. Bulan purnama tu sebiji aja tpi kawa menerangi malam yg gelap gulita artinya kya itu jua diri biar hatinya gelap kya apa pun amun beisi ilmu pasti dirinya becahaya, pasti kethuan aja lainnya lawan yg kda beilmu. 159. Pohon hijau ditanah yg tandus mngkin ae amun Allah yg berkehndak artinya kdd yg mustahil di dunia ni, selama berpkir memakai akal rabbaniyah. 160. Bila bkawan lwan org bjual minyak harum, otomatis sorng dapt jua harumnya artinya kya itu jua bila sorng beparak lwan org sholeh lwan org yg dicntai Allah insyaAllah kita dapat berkat nya jua 161. Mliat org memingkuti botol alkohol blum tntu itu isinya alkohol siapa tau isinya banyu putih wara artinya jgn buruk sangka lwan org, mskipun zhohirnya mksiat blum tentu yg digawinya maksiat. 162. Minyak lwan banyu tu kda mau tegabung, pasti tepisah trus kya itu jua mnuntut ilmu tu, syariat dan hakikat kda mau becampur makanya bila mnuntut ilmu tu harus bujur2 sebuting aja dlu fokusnya

163. Bila suatu tempat tu bebanyu blum tentu ada iwaknya bisa jdi cuma lubakan dipinggir jalan aja artinya bila org beisi ilmu tu belum tntu bermanfaat jua amun kda dipakai nya dalam kshrian sama ae kda manfaat apa2. 164. Jgn jdi lubakan dijalanan, karena siapa da yg hndak singgah, org belalu aja beparak aja kda hakun artinya kya itu jua diri, rigat dbershi jgn dbiarkan, amun kya itu jgn kan waliallah org awam ja kda hakun beparak lwan sorng amun diri rigat. 165. Lubakan dijalanan yg bebanyu tu kda kwa diukur seapa dalam nya kya itu ilmu org tu, kdd yg kwa mngira2 nya. 166. Jgn jdi tumbuhan parasit yg dapat mmbunuh pohon yg dtumpanginya artinya sudah dbri nyaman lawan peguruan masih ja hndak betingkah malah meulah peguruan lapah, mnyakiti hati peguruan. 167. Semakin tinggi pohon maka semakin kencang angin yg menerpanya artinya kya itu jua bila smkin bnyk beisi ilmu maka smkin bnyak jua ujian dan cobaannya. 168. Jdilah pohon ilalang meskipun ditebas ttap ae inya tumbuh lgi artinya dalam mnuntut ilmu tu kda peduli hinaan dan ujian ttap aja inya bangkit trus, ttap aja smangat trus dalam mnuntutnya. 169. Kaktus tu bujur ae beduri tpi bilanya sudah bebunga bungas bnar bunganya artinya kya itu jua perjalann mnuntut ilmu tu, kda selalu mulus tpi amun djalani kena dapat ssuatu yg mmuaskan jua 170. Burung merpati tu bila dliat pina jinak tpi pas di paraki inya bejauh terbang kya itu diri tu, jgn smpai dliat pina patuh, sklinya pas dituntun orgnya kda hiran2 lwan peguruan.