Lorenzo Varela

Lorenzo Varela (1916 -1978) Xesús Lorenzo Varela Vázquez naceu en 1916 a bordo dun barco á entrada da baía da Habana. Retorna moi cativo a Monterroso (Lugo), e en 1920 emigra novamente coa súa familia a Bos Aires. Regresaría a facer o Bacharelato en Lugo onde trabou amizade con Fole e militaría no galeguismo. En 1935 incorpórase ás Misións Pedagóxicas e ao equipo de redacción de PAN (Poetas, Andantes e Navegantes). No momento do alzamento militar, Varela, integrado na "Alianza de Intelectuais Antifascistas para a Defensa da Cultura", enrolouse como miliciano e afiliouse ao Partido Comunista. Durante a guerra percorreu as diferentes frontes alentando os combatentes. Finalizada a guerra, atravesou os Pirineos e ficou durante uns meses no campo de refuxiados de Saint Cyprien. En maio de 1939 embarcou para México, onde recuperaría o seu labor xornalístico. Dous anos despois, reencontrouse co seu pai en Bos Aires, cidade en que o agardaban intelectuais amigos como Luís Seoane, Rafael Dieste ou Arturo Cuadrado. Alí recuperou a actividade política e exerceu como crítico de arte e tradutor do portugués. O golpe de Estado do xeneral Videla en 1976 forzou a Varela a un segundo exilio. Ameazado polas organizacións paramilitares de ultradereita, saíu precipitadamente do país pola fronteira brasileira e desde alí regresou a Madrid. O apoio de Isaac Díaz Pardo e Ramón de Valenzuela resultoulle fundamental para iniciar esta nova etapa, chea de illamento e dificultades. Refuxiado na Galería Sargadelos, dedicouse ás traducións e frecuentou a tertulia do café "Gijón". Morreu en Madrid o 25 de novembro de 1978. O seu corpo foi soterrado no cemiterio familiar de Monterroso. Ademais da súa produción poética e xornalística en español, a aportación ás nosas letras de Varela concretouse en Catro poemas pra catro gravados (1944), con ilustración de Luís Seoane, e o poemario sobre a guerra civil e o exilio Lonxe (1954).

17 de maio, Día das Letras Galegas

Manuais e obras xerais sobre literatura galega VÁZQUEZ VARELA Galicia. Literatura. Hércules de ediciones Tomos 34 e 35 --- Consulta en Sala---

RODRÍGUEZ FER, CLAUDIO A literatura galega durante a guerra civil. CDU: 82.1 /ROD / lit Rexistro: 802

CARBALLO CALERO Historia da literatura galega contemporánea CDU: 82.1 / CAR / his Rexistro: 3274

RODRÍGUEZ FER, CLAUDIO Poesía galega. Crítica e metodoloxía CDU: 82.1 / ROD / poe Rexistro: 3360

FRANCISCO RODRÍGUEZ Literatura galega contemporánea CDU: 82.1 / ROD / lit Rexistro 3351

MACEIRA FERNÁNDEZ, X.M. Literatura na diáspora bonaerense CDU: 821.1 /AS-PG/ 35 Rexistro: 2845

GUTIÉRREZ IZQUIERDO, RAMÓN Lecturas de Nós. Introducción á literatura galega. CDU: 82.1 / GUT / lec Rexistro: 904

FERNÁNDEZ DEL RIEGO, F. Historia da literatura CDU: 82.1 / FER / his Rexistro: 3345

QUEIXAS ZAS e GÓMEZ SÁNCHEZ Breve historia da literatura galega CDU: 82.1 / QUE / bre Rexistro: 146 MÉNDEZ FERRÍN. X.L. De Pondal a Novoneyra CDU: 82.1 / MÉN / de Rexistro: 6139

Catálogo da biblioteca do IES As Mariñas: http://www.opacmeiga.rbgalicia.org/ Bitácora:

http://biblioteca.acelblog.com

QUEIXAS ZAS e GÓMEZ SÁNCHEZ Historia xeral da literatura galega. CDU: 82.1 / GÓM / his Rexistro: 238 VV.AA Álbum de literatura (con diapositivas) CDU: 82.1 / ROD / álb Rexistro: 3530