Bhs. Batak.docx

Thema : Unang Mabiar hamu : ai barita halalas ni roha godang do huboan tu hamu, parsaulian ni sandok bangso i (Lukas 2 : 10) Sub Thema : Marhite perayaan Natal; marpangunsandean tu Tuhan Jesus ma hita, jala unang hita holsoan dingolunta

Susunan Acara 16.00 16.30 18.30 18.45

– – – –

16.30 18.30 18.45 19.00

19.00 – 19.30 19.30 – 20.30

: Tamu / Undangan memasuki Gedung : Kebaktian Natal : Kidung Natal oleh : ............. (vocalis) : Laporan Panitia Natal : Sekapursirih dari ............ : ................................. : Makan Malam : Hiburan Oleh :

21.00 – 21.25

: Door Prize

SALAM NATAL !!! Panitia Natal Bersama Kami dari Panitia Natal mengucapkan selamat datang kepada Bapak/Ibu serta saudara saudari semua dan selamat merayakan Natal, ditengahtengah situasi ekonomi yang sulit dan krisis global serta bencana alam di berbagai wilayah di Indonesia yang akan kita Rasakan, namun demikian berkat perlindungan Allah Bapa dan BerkatNya yang kita peroleh, hari ini kita dapat merayakan hari kelahiran juru selamat kita Tuhan Yesus Kristus, Amin !!

Merry Christmas ........ & Happy New Year ........

Acara Perayaan natal ..............(kelompok yang mengadakan Natal) ............ hari / tgl : .............. Di Gedung Pertemuan Pulo Mas Jakarta Thema : Unang Mabiar hamu : ai barita halalas ni roha godang do huboan tu hamu, parsaulian ni sandok bangso i (Lukas 2 : 10) Sub Thema : Marhite perayaan Natal; marpangunsandean tu Tuhan Jesus ma hita, jala unang hita holsoan dingolunta I.

II.

Parhobasan Ontangan/ Jemaat martangiang nahohom diiringi organ na mangendehon Ende Natal Ende Huria Nomor 57 : 1-2 Kebaktian 1. Marende huria No. 57 : 1-2

(1)

Nungga jumping muse ari pesta i, hatutubu ni Tuhanta Jesus i, tuat do Ibana sian surgo i mebat tu hita on. Hasangapon ni Debata Dame,dame ma di jolma. Las ni roha ni Debata hajolmaon muse. ………………………………….jongjong ruas…. (2) Somba nami ma di Ho natubu on, Ho siboan dame tu portibi on. Sai pasaorhon ma tu roha nami on, dame Mi o Jesus. Hasangapon ni Debata Dame,dame ma di jolma. Las ni roha ni Debata hajolmaon muse. 2. Votum – Introitus – Tangiang Uluan (U) : Marhitehite goar ni Debata Ama dohot goar ni AnanNa Tuhan Jesus Kristus dohot goar ni Tondi Parbadia, natumompa langit dohot tano on. Ruas (R) : Amen U : Marsuraksurak ma ho, ale sandok tano on mangolophon Jahowa, pangiar ma soaram Marolop-olop jala marendeende hamu R : Puji ma Jahowa mardongan uning-uningan, hasapi dohot sarune. Marolop-olop ma hamu dijolo ni Jahowa U : Mardorom Laut i ro di isina, portibi on ro di pangisina. Martopaptopap ma angka batangaek, rap marolop-olop ma angka laut di jolo ni Jahowa. Ai nungga ro Ibana laho manguhum tano on. Puji ma goarNa i.

R

U

R

: (mangendehon) BE. No. 48 : 7 Ringgas ma hita sasude mamuji Debata, gogo ma taendehon be Amen haleluya, amen haleluya : Martamiang ma hita Ale Debata, Ama ni saluhut natargoar ama, marroha ama do Ho tu hami Pomparan ni Ompu Gumba dohot Boru/Bere. Nungga dilehon Ho tu hami AnakMu Tuhan Jesus Laho manobus dosa nami gabe dapotan hangoluan hami, sai sondangi ma rohanami jala-pasupasu ma punguan nami on asa mardame sonang hami dipardalanan ni ngolu nami di portibi on : Lehon ma gogo tuhami mangulahon lomo ni rohaM, jala dongani ma hami dipardalanan ni ngolu nami di portibi on dohot di panggulmiton ni daging nami

U

: Suru ma TondiM na badia tu roha nami, asa Manahan hami ro di ujung no ngolu nami, tongtong marsihohot tu Ho. Hupatuduhon hami haporseaon na sintong jala dapotan tua hami marhite-hite Jesus naung manghamonanghon hami. Tubu ma ho Tuhan dibagasan rohanami asa unang marisuang hami nasai tongtong manjou goarMu nabadia i. Tangihon hami dibagasan goar ni AnakMu na tubu dibara ni pinahan di huta Betlehem i. Amen …………………………ruas hundul……. 3. Marende BE No. 53 : 1 + 4 (1)

Di Betlehem do tubu di hita Anak i, Ido sian na burju, hupillit Rajangki Ido, ido hupillit Rajangki (4). Burju naeng lehononku di Ho rohangkinon Asi rohaM, Tuhanku, urupi au tongtong Olo, olo, urupi au tongtong 4. Renungan Situasi ( I ) U : Mamestahon Natal lapatanna paandarhor tu jolo ni Tuhan Jesus i, sude panghilalaan, sungkun-sungkun no rohata ro di sede sandok ngolunta. Ndang tarpajojor hita saluhutna i, alai deba sian angka ima nanaeng patubegeonta di perayaan pesta Natal ni Pomparan Ompu Gumba dohot

Boru/Bere ditingki on; didok par Pesalmen i do: Pasahat ma dalanmu tu Jahowa jala haposi Ibana asa Ibana na paturehon. Pasombu ma jahowa jala Ibana paimaima. Laos didok Tuhan Jesus do “UNANG HOLSOAN HAMU” Liturgi I Ama -1

: I do sintong ! molo pinahusorhusor dibagasan roha nanidok ni ayat on, “unang holsoan hamu” tung ingkon mangkorhon di I nian tu ate-ate. Songon pidong si daodao na pature asar-na mansai gomos di ranting ni hau nabolon, jala boi ibana sinok modom so pola patagam-tagam biar; ro pea logo mangombus ndang ganggu rohana mabiar madabu, hira diboto mandok; hau marpangunsandean tu Pargogo jala Parhuaso na bolon i do hita ima Tuhan Jesus i, Nda ingkon umpos do rohanta sian pidong sidaodao i ? Ina : Alai tahe ndada songon mura ni na mandok mangulahon. Dakdanak torop, ganup manogot nasida mangido ongkos, ganup ari sai adong halaoan ni hepeng, ganup Natal sai dipadalan tekken les/sumbangan marsorinsorin, so sundat dape ulaon adat, ro muse angka sisolhot mangido pangurupion. Sai unang ma ro parsahiton, alai molo ro do parsahiton, aha ma na so tolbak tung sura pea dong pinapungupungu nasa dolokdolok Ama- 2 : Ala ni i sai gamang ma roha dohot panghilalaan. Laho ma roha mambahen paretongan. Niuji marusaha alai dang marhasil, jala ndang sai dapot naniluluan tarida najinalahan. Ndang sonang be iba modom. Laos paretongan ni iba i do hape dohot pingkiranniba manegai roha, gabe terjadi ma di diriniba holso na mangongkik jumpa arian jala nipi na sambor jumpa borngin. Ruas

: Ale Tuhanku, urupi ma ahu, gale do haposreaonku, patogu ma ahu asa unang be ahu marpogos ni roha tu gogongku dohot pingkiranku; unang masa di ahu pangapianon 5. Marende BE No. 48: 5 + 6

(5) Dibahen i las situtu do rohangku nuaeng Hujangkon Jesus i tutu; ai sonang ai dibahen, ai sonang au dibahen (6) Antong hamuna sasude pardosa na tungki Sai ungkap rohamuna be : manjangkon Jesus i, manjangkon Jesus i 6. Renungan Situasi ( II ) U : Barita na tabege napinaboa ni surusuruan I mandok tu hita “Unang mabiar hamu” Ngolu na taadopi siganup ari parohon biar ima: ekonomi na so stabil, jaminan hahipason dohot hari tuan na so memadai jala so pasti; masalah parianakkonon/kenakalan remaja mambahen jolma gamang gabe mandao sian Debata. Alai umbalga do holong ni roha ni Debata sian Rimasna. Liturgi II. 1. Pesalmen 103 : 8 – 13 2. Mateus 11 ; 28 – 30 3. Johannes 3 : 16 7. Marende BE No. 61 : 9 + 11 (9) Sai ditatap Jesus sian surgo i Jolma manisia tinombusna i, Jolma manisia tinombusna i (11) TangantanganonNa na porsea i Laos pasahatonNa tu nasonang I, laos pasahatonNa tu nasonang i 8.

Hatutubu ni Tuhan Jesus U : Ianggo hatutubu ni Tuhan Jesus songon on do, uju oroan ni si Josep dope inana si Maria, gabe gabean di ibana sian Tondi Parbadia. Masa pe sudena i, asa jumping do nahinatahon ni Tuhani marhite-hite panurirang namandok : Liturgi III. 1. Mateus 1 : 23 4. Lukas 2 : 5 – 6 2. Lukas 2 : 1 – 2 5. Lukas 2 : 7 – 8 3. Lukas 2 : 3 – 4 6. Lukas 2 : 10 – 13 Sude liturgis (ayat 14): “Hasangapon ma di Debata na di ginjang dame ma di tanoon diangka jolma halomoan i” 9. Pagalak Lilin ( Ro ma tujolo utusan sian Ama, Ina, Ianakkon) Utusan Ama Mandok : Hupagalak lilin on tanda ni Jesus panondang di ngolu nami 10. Marende BE No. 54 : 1 + 3

(1) Sonang ni borngin na i uju ro Jesus i, sonang modom do halak sude holan dua na dungo dope, mangingani anakNa Jesus Tuhanta i (3) Godag ni tua disi, dinaro Jesis i, tung malua pardosa muse Sian hamagoanna sude, ala ro Sipangolu, Jesus Tuhanta i. 11. Renungan : 12. Marende No. 62 : 1 + 4 (Papungu Pelean) (1) Halalas ni roha godang, nahubaritahon on Nungga tubu Sipalua dihita jolma on Hasangapon ni Debata, laos dame dame ma dijolma Lomo ni roha ni Debata do hita jolma on (3)Sai sondangi ma rohangku, ale Tuhan Jesus i Asa dohot au maruli dihatutubuMi Hasangapon ni Debata, laos dame dame ma dijolma Lomo ni roha ni Debata do hita jolma on 13. PENDETA Rap mandok ma hita di tangiang na ni ajarhon Tuhan Jesus Ale amanami na dibanua ginjang,! Sai pinarbadia ma goarMu,! Sai ro ma harajaonMu,! Sai saut ma lomo ni rohaM dibanua tonga on songon na dibanua ginjang! Lehon ma tuhami sadari on hangoluan siapari, sesa ma dosa nami songon panesa nami didosa ni dongan namardosa tu hami, unang hami tagohon tu pangunjunan, palua ma hami sian pamago, ai Ho do nampuna Harajain dohot hagogoon ro di hasangapon saleleng ni lelengna. AMEN Doa Berkat Dipasupasu jala di Ramoti Tuhan Debata ma Hamu, Disondangkon Tuhan Debata ma bohina tu hamu jala asi rohaNa mida hamu. Didompakhon Tuhan debata ma bohina tu hamu jala dipasaorhon ma dameNa tu tondimuna – Amen Ruas : (mangendehon) Amen….Amen…Amen….

Sumber : http://pirdot.blogspot.com/2013/11/contoh-susunan-acara-natal-versibahasa_5881.html#ixzz4KqeTnU2D