B.etnik - Kbsr Bahasa Kadazandusun

KEMENTERIAN PENDIDIKAN MALAYSIA

SUKATAN PELAJARAN KURIKULUM BERSEPADU SEKOLAH RENDAH

BAHASA KADAZANDUSUN

PUSAT PERKEMBANGAN KURIKULUM KEMENTERIAN PENDIDIKAN MALAYSIA

RUKUN NEGARA BAHAWASANYA negara kita Malaysia mendukung citacita hendak mencapai perpaduan yang lebih erat di kalangan seluruh masyarakatnya; memelihara satu cara hidup demokratik; mencipta masyarakat yang adil di mana kemakmuran negara akan dapat dinikmati bersama secara adil dan saksama; menjamin satu cara yang liberal terhadap tradisi-tradisi kebudayaan yang kaya dan berbagai-bagai corak; membina satu masyarakat progresif yang akan menggunakan sains dan teknologi moden; MAKA KAMI, rakyat Malaysia, berikrar akan menumpukan seluruh tenaga dan usaha kami untuk mencapai cita-cita tersebut berdasarkan atas prinsipprinsip berikut:-

KEPERCAYAAN KEPADA TUHAN KESETIAAN KEPADA RAJA DAN NEGARA KELUHURAN PERLEMBAGAAN KEDAULATAN UNDANG-UNDANG KESOPANAN DAN KESUSILAAN

iii

FALSAFAH PENDIDIKAN KEBANGSAAN Pendidikan di Malaysia adalah suatu usaha berterusan ke arah lebih memperkembangkan potensi individu secara menyeluruh dan bersepadu untuk melahirkan insan yang seimbang dan harmonis dari segi intelek, rohani, emosi dan jasmani, berdasarkan kepercayaan dan kepatuhan kepada Tuhan. Usaha ini adalah bertujuan untuk mewujudkan warganegara Malaysia

yang

berilmu

pengetahuan,

berketrampilan,

berakhlak

bertanggungjawab

dan

mulia,

berkeupayaan

mencapai kesejahteraan diri serta memberi sumbangan terhadap keharmonian dan kemakmuran keluarga, masyarakat dan negara.

iv

KATA PENGANTAR Kurikulum persekolahan kebangsaan mendukung hasrat negara bagi menyediakan pendidikan bertaraf dunia kepada generasi masa kini dan akan datang. Penyemakan kurikulum dibuat untuk memantapkan lagi kehendak dan semangat Falsafah Pendidikan Kebangsaan dan menyediakan murid menghadapi cabaran pendidikan pada abad 21. Kurikulum ini memberi penekanan kepada nilai murni, semangat patriotik dan kewarganegaraan untuk menyedarkan murid akan peranan dan tanggungjawab mereka sebagai warga negara maju dan ahli masyarakat berilmu. Kandungan kurikulum merangsang, mencabar dan menyeronokkan supaya murid berminat untuk belajar dan terus belajar seumur hidup. Sukatan Pelajaran Bahasa Kadazandusun sekolah rendah adalah sukatan pelajaran bahasa tambahan dan merupakan salah satu mata pelajaran bahasa etnik Malaysia seperti yang diperuntukan dalam tafsiran Akta Pendidikan Negara. Mata pelajaran ini bertujuan melahirkan murid yang dapat berkomunikasi dengan berkesan untuk menghasilkan budaya dan warisan Kadazandusun di Sabah.

v

Guru diharapkan dapat memahami dan menghayati sukatan pelajaran ini untuk mencapai matlamat dan objektif yang telah ditetapkan selaras dengan Falsafah Pendidikan Kebangsaan. Kementerian Pendidikan merakamkan peghargaan dan ucapan terima kasih kepada setiap individu dan institusi atas sumbangan kepakaran, masa dan tenaga sehingga terhasilnya sukatan pelajaran ini.

vi

Sukatan Pelajaran Bahasa Kadazandusun KBSR

BOROS PONOGULU Winonsoi o Nuludan Pongia’an Boros Kadazandusun Sikul Tosiriba montok kapangajalan do mato balajalan Boros Kadazandusun miagal di pinatantu doid Akta Pendidikan 1996. Pinapanau o program do Boros Kadazandusun montok momogonop do kosukupan tinaru Kadazandusun doid Sabah loolobi no kopio sabaagi do ponokakamot pilumaagan doid komiuniti sokinoyonon. Suai mantad dii, balajalan Boros Kadazandusun nga kapanahak nogi do kounalan montok tangaanak suai bansa. Kurikulum Boros Kadazandusun dailek Bunduliwan nopo nga manahak kopio do kapanatalan moboros om nogi komompuan mikomiunikasi di kiwaya momoguno kooturan puralan boros di kotunud om kotindu. Oonuan nogi tangaanak do kosiwatan popoingkawas kogisaman diolo montok kapamaganapan do fungsi i gunoon doid koposion tikid tadau. Popoimagon nogi kopio o kurikulum Boros Kadazandusun do sunduan mamasok om sunduan guminawo pomogunan sabaagi iso dimpoton do koposion om pogi’i’iyaan kumaa toinsanan tinaru id Malaysia. Suai ko mantad dii, posontolon nogi kopio o bidang toilaan, tradisi om tungkus do tinaru Kadazandusun i aanu doid sastara tinaru id bontuk lisan om ponuatan. Montok kopoimaganan do kurikulum formal, kawasa nogi papaharo do aktiviti ko-kurikulum id Boros

1

Sukatan Pelajaran Bahasa Kadazandusun KBSR

Pinatarang do oringkas o kurikulum Boros Kadazandusun doid dokiumon Nuludan Pongia’an diti. Oporlu do momorujuk kumaa doid dokiumon sampingan i ointutunan sabaagi Buuk Koponoinigan Mongingia’ montok Toun 4,5 om 6 i kapanahak katarangan om hurayan kurikulum di tosoinig. Dokiumon Nuludan Pongia’an nopo diti nga manahak do koponinduayan kokomoi do kurikulum Boros Kadazandusun Sikul Tosiriba. Id suang nopo do Nuludan Pongia’an diti nga Dimpoton, Tudu, Kabaalan, Sistom Boros om toinsanan unsur di kiguno kopio doid pangajalan om pambalajalan i pinasanarai doid siriba do Ponguludan Kurikulum. Dimpoton om tudu nopo do Nuludan Pongia’an Boros Kadazandusun nga papatarang do gontob i mositi oilaan do tangaanak id kolimpupuson balajalan sikul tosiriba.

2

Sukatan Pelajaran Bahasa Kadazandusun KBSR

DIMPOTON Dimpoton nopo do kurikulum Boros Kadazandusun Sikul Tosiriba nga mooi do kaanu di o tangaanak mikomiunikasi doid taatanga di momoguno ngawi Boros Kadazandusun montok no do gunoon sondii id koposion tikid tadau om popotilombus tungkus koubasanan do Kadazandusun.

TUDU Id kolimpupuson do kurikulum tosiriba Boros Kadazandusun, kaanu no daa o tangaanak do: i) ii)

iii)

iv)

v)

mokinongou om mangarati do oonu nopo i norongou doid mogisuusuai situasi tikid tadau, moboros montok popolombus do idia, topurimanan om pomusarahan doid intoraksi sosial, mambasa om mangarati mogikaakawo bahan basaon montok tudu pointantu, papalabus idia om pomusarahan di ifektif doid mogikaakawo o ponuatan, mongintutun om monginonong do koubasanan om tungkus maya do sastara tinaru om koubasan tradisi di pointantu, mingubas om monginonong woyo toluud, sunduan mamasok om koginawaan montok pomogunan.

3

Sukatan Pelajaran Bahasa Kadazandusun KBSR

ORAGANISASI KURIKULUM Nulud o kurikulum Boros Kadazandusun tumanud do kabaalan boros miagal do kabaalan lisan, kabaalan mambasa om kabaalan monuat, poinsuang no o sistom boros i kiwaa do puralan boros, sistom tuni om ija’an, tinimungan boros, ponjudu ginumu om tukadan. Suang nopo do organisasi kurikulum nga montok do kopolombusan om koponginlaaban do kabaalan boros poingampai no o Kowoowoyoon Posorili Tangaanak, Kooturan Koubasanansosio, Woyo toluud om Sunduan Mamasok om Patriotisma.

4

Sukatan Pelajaran Bahasa Kadazandusun KBSR

I.

KABAALAN BOROS

Kabaalan Boros nopo diti nga dinadi do asas Kurikulum Boros Kadazandusun. Momoguno o tangaanak do kabaalan boros doid komiunikasi om kopotilombusan tungkus koubasanan. Tangakabaalan nopo di mositi iloon do tangaanak nga poinsanarai id siriba ; 1.0

Kabaalan Lisan Kabaalan lisan nopo nga kabaalan mokinongou om moboros. Id kabaalan mokinongou, kaanu o tangaanak mokinongou om mangarati miampai osoinig do oonu nopo i norongou doid mogikaakawo situasi pibarasan tikid tadau, miagal do miuhot om misimbar, booboroson, lakunan om pibarasan. Id kabaalan moboros nopo kawagu nga kaanu o tangaanak do moboros montok popolombus idia, topurimanan om pomusarahan intoraksi sosial miampai roiton om kolooloyuko di kotunud. Somoonu nogi do, pisopoduon ii tangakabaalan lisan di toponting kopio tumanud kaandakan pomogunaan boros id masyarakat miagal do manahak ponuhuan, popolombus booboroson om suusuai po.

5

Sukatan Pelajaran Bahasa Kadazandusun KBSR

Mokinongou om mamarait. 1.1 1.2

Mongintutun tuni di norongou. Mongilo pisuayan tuni di pinarangahan.

Manahak ponuhuan om momonsoi pokionuon miampai olinuud. 1.3 1.4 1.5 1.6

1.7

Mokinongou pokionuon di tangasaanang om tonudon totootopot miampai olinuud. Manahak ponuhuan miampai boros tolinuud. Poposunud pokionuon tumanud situasi di pointantu. Mokinongou pason om polombuson miampai momoguno boros sondii kumaa do wokon. Mokinongou, mangarati om popolombus kopoilaan.

Moboros miampai olinuud. 1.8

Momoguno boros pongolohou di kosudong.

1.9

Moboros miampai olinuud tumanud situasi, status, umul om koulunan.

6

Sukatan Pelajaran Bahasa Kadazandusun KBSR

Miuhot om misimbar. 1.10 1.11 1.12 1.13 1.14 1.15

Monguhot montok mokiilo kokomoi ahal di sinorita. Monguhot montok maganu maklumat om tonsi di toponting. Monguhot miampai momoguno mogisuusuai boros pongudiaan om teknik. Sumimbar do tosimpad. Sumimbar miampai manahak katarangan. Sumimbar miampai manahak koputusan om rumusan.

Monorita 1.16 1.17 1.18 1.19 1.20

Papatarang ula isoiso kakamot. Popolombus maklumat kokomoi ahal sondii om ahal ngawi id posorili tangaanak. Monorita kawagu do isoiso ahal miampai momoguno boros sondii. Monorita do obibas. Popolombus sorita tinaru.

Popolombus abal om luputan. 1.21 1.22

Popolombus tonsi isoiso abal di pinaranghan. Manahak luputan isoiso kinaantakan rasmi di notindapou.

7

Sukatan Pelajaran Bahasa Kadazandusun KBSR

Popolombus booboroson om sarahan. 1.23

1.24

Popolombus booboroson di tasaanang miampai momoguno boros, kolooloyuko, gaya om nada ohou di tosonong. Popolombus sarahan di tasaanang miampai boros, kolooloyuko, gaya om nada ohou di tosonong.

Minlakun 1.25

1.26

Popolombus pibarasan i winonsoi do tangaanak toi ko’ mongingia’ id lakunan. Popolombus pibarasan isoiso watak id sorita.

Popolombus hiis 1.27

Popolombus hiis guugulu tumanud do roitan, kolooloyuko, sotuni om irama di kotunud om kosudong.

Pibarasan 1.28

Popolombus idia om pomusarahan di atarang om aatur doid pibarasan.

8

Sukatan Pelajaran Bahasa Kadazandusun KBSR

2.0

Kabaalan Mambasa Id kabaalan mambasa, kaanu o tangaanak mambasa do alantas miampai roiton, loyuk om otus di pointunud. Poingampai nogi o kopongilaan koulaalaho pisuayan rati miagal do vokal tanaru om toniba, konsonan poloputon /b/ om /d/ om konsonan au poloputon /b/ om /d/ om nogi sigot. Kaanu nogi o tangaanak do mangarati om mongilo tonsi om idia toponting.

Mambasa mekanis 2.1

Popouni, mambasa om mongija’ sapad putul boros i kiwaa do vokal tanaru om toniba, konsonan poloputon /b/ om /d/ om konsonan au poloputon /b/ om /d/ om nogi sigot.

Mambasa om mangarati 2.2 2.3

Mambasa om mangarati boros, rangkai boros om ayat. Momorujuk komoiboros montok mogihum do rati poimbida, boros sokomoyon om misulak komoyon.

9

Sukatan Pelajaran Bahasa Kadazandusun KBSR

2.4 2.5 2.6 2.7 2.8

2.9

2.10

2.11 2.12 2.13

Mangarati komoyon boros tumanud konteks. Monindu kotutukon do isoiso sorita di nabasa. Mongintutun watak mantad bahan dailog om skrip lakunan. Mogihum om monimung tonsi i oponting mantad bahan basaon. Mambasa om mangarati simbol matematik om palan naanu mantad bahan basaon. Manahak pomusarahan kokomoi isoiso kopoilaan toi ko’ sorita di nabasa. Poposunud nunu ponontudukan i naanu mantad mogisuusuai bahan basaon. Momorumus mantad bahan di nabasa. Momorujuk montok maganu kopoilaan. Mambasa om monginonong mogikaakawo bahan basaon sastara tinaru.

10

Sukatan Pelajaran Bahasa Kadazandusun KBSR

3.0

Kabaalan Monuat Id kabaalan monuat, kaanu tangaanak papalabus do idia maya do ponuatan miampai momoguno ayat, tanda basa, ija’an, puralan boros di kotunud om ponunuat di atarang. Monuat Mekanis 3.1

3.2

Monuat boros miampai momoguno pananda konsonan di kotunud o konsonan poloputon /b/ om /d/ om konsonan au poloputon /b/ om /d/ om nogi sigot. Momonsoi om monuat boros mantad putul boros.

Monuat 3.3

3.4 3.5 3.6 3.7

Monuat isoiso boros kokomoi di nokito, norongou, noroso om nopurimanan. Monuat kawagu simbol matematik dumadi boros. Momonsoi om monuat boros tangasaanang. Monuat ayat momoguno struktur di kotunud. Popisuai om monuat boros i kiwaa boros nosugku.

11

Sukatan Pelajaran Bahasa Kadazandusun KBSR

3.8 3.9 3.10 3.11 3.12 3.13 3.14 3.15 3.16

3.17 3.18 3.19 3.20 3.21

3.22

3.23

Monuat boros misaup. Momonsoi om monuat mogikaakwao ponguhatan. Mongoput sorita. Monuat kolimpupuson isoiso sorita. Monuat borosuat. Monuat pason. Poposuat nuut kopoingatan. Monuat katarangan montok isoiso kopoilaan. Monuat uhu toi ko’ katarangan di kosudong kokomoi isoiso gambal, sorita om karangan. Poposuat tonsi sorita montok tontokon pointantu. Poposuat kawagu ayat miampai momoguno mogisuusuai gaya. Monuat kawagu sorita toniba di pinarangahan. Monuat karangan. Monuat mogikaakawo hiis miampai kiwaa ponontudukan (sundait, sudawil, tudodoi, sisindiron om hius). Mangarang pason montok kapamansayan kaad tadau kinolodion om suusuai po. Monuat surat kiriman tumanud karaalano di kotunud.

12

Sukatan Pelajaran Bahasa Kadazandusun KBSR

3.24 3.25

II.

Monuat luputan di tasaanang om oringkas. Monuat teks booboroson om sarahan di tasaanang.

SISTOM BOROS Id sistom boros, dailek Bunduliwan no o notorimo sabaagi roitan baku montok pangajalan om pambalajalan Boros Kadazandusun. Nabaagi o sistom boros doid puralan boros, sistom tuni om ija’an, tinimungan boros, ponjudu ginumu om tukadan. 1.0

Puralan Boros Ia’on o tangaanak do kabaalan boros i pinosodia miampai momoguno do puralan boros di kotunud. Ii nodii poogi do kiguno kopio do poia’on o puralan boros miampai do oulud id konteks di koontok. Kopongia’an nopo do puralan boros nga mooi do kaanu daa o tanganak do : i.

ii. iii.

mongilo pisuayan rati do boros i mogikaakawo o boros nosugku id kabaalan lisan om ponuatan; momoguno mogikaakawo boros doid mogikaakawo pamakayan; momoguno mogikaakawo ayat di kotunud;

13

Sukatan Pelajaran Bahasa Kadazandusun KBSR

iv. v.

momonsoi mogikaakawo ayat di kotunud, kotindu miampai puralan boros di aatur. momonsoi om momoguno mogikaakawo ayat.

Puralan boros nopo nga nabaagi do duo boogian : 1. 2.

Morfologi Sintaksis

Morfologi Morfologi nopo nga pongilaan kokomoi do boros om kapamansayan do boros. 1.1

Sompuruan Boros a.

Boros Ngaran i. Boros ngaran koizaai ii. Boros ngaran poimbida iii. Boros ponowoli ngaran

b.

Boros Maan i. Aktif

ii.

Pasif

14

Sukatan Pelajaran Bahasa Kadazandusun KBSR

c.

Boros Ula i. Boros ula woyo ii. Boros ula warana iii. Boros ula ponuku iv. Boros ula upa v. Boros ula pancaindera roso okito orongou wongi akama vi. vii. viii. ix.

d.

Boros ula timpu Boros ula poingkuro Boros ula topurimanan Boros ula sinodu

Boros Toguangon i. Boros popionit ii. Boros kotigog iii. Boros pogudio

15

Sukatan Pelajaran Bahasa Kadazandusun KBSR

iv. v. vi. vii. viii. ix. x. xi. xii. 1.2

Boros ponuhuan Boros ponokodung Boros pomogirot Boros popoimagon Boros pogolim Boros popiromut ngaran Boros popotopot Boros pongintaban Boros ponuduk

Pamansayan Boros a. Boros mintootoiso b.

Boros nosugku

i.

Posugkuon gulu doung -go -ki -ko -noko -no -o --

ii.

Posugkuon dohuri -- ai -- an -- on -- o 16

Sukatan Pelajaran Bahasa Kadazandusun KBSR

iii.

Posugkuon pangansip ko ------ai ko ------an no ------an o -------an po -----ai po -----an po -----on po -----o

iv.

Posugkuon tanga ------- in ----------- um ----

c.

Boros misaup

Sintaksis Sintaksis nopo nga iso pongilaan kokomoi do pamansayan frasa om ayat. Ayat nopo nga unit pibarasan di takawas no kopio doid nuludan puralan boros om kirati poinggonop. Owonsoi o ayat mantad iso boros toi ko’ nuludan piipiro boros i poboroson miampai loyuk di pointunud.

17

Sukatan Pelajaran Bahasa Kadazandusun KBSR

Kawo Ayat a.

Ayat Toomod Ayat toomod nopo nga ayat i poboroson miampai kitontokon m ontok m anahak katarangan. Kitudu

o ayat toomod do popolombus toi ko’ manahak kointarangan kokomoi isoiso ahal. b.

Ayat Pongudio Ayat pongudio nopo nga ayat i gunoon ontok mongudio kokomoi isoiso ahal. Ontok poposuat ayat pongudiaan, onuan do tanda pongudio ( ? ) tumanud do kolooloyuko om pomogunaan piipiro boros pointantu. Ayat pongudio nopo nga abaagi do duo kawo :

i.

Ayat Pongudio Miampai Boros Pongudiaan. Ayat Pongudio miampai boros pongudiaan nopo nga ayat pongudio i momoguno do boros pogudiaan miagal do nunu , isai, piro, nokuro, ingkuro, om suusuai po.

18

Sukatan Pelajaran Bahasa Kadazandusun KBSR

ii.

Ayat Pongudio Miampai Aiso Boros Pongudiaan. Ayat Pongudio nopo i aiso boros pongudiaan nga poboroson miampai minsawat o loyuk id dohuri do ayat.

c.

Ayat Ponuhuan Ayat ponuhuan nopo nga ayat poboroson i kitudu popoimbulai do isoiso koimaan. Ayat ponuhuan nopo nga poboroson kumaa tulun koduo.

d.

Ayat Kotigagan Ayat kotigagan nopo nga ayat i poboroson miampai loyuk toi ko’ kolooloyuko kotigagan i popolombus topurimanan, miagal do orosian, kotigog, otogod, osuayan, ponigiran, orualan om suusuai po. Loyuk kotigagan nopo diti nga posuaton miampai do tanda kotigagan ( ! ) id kolimpupuson ayat kotigagan. Boros kotigagan i asaru gunoon nopo nga : Odoi, Tuukoi, Adada, Cis, Eh, Oo, Mm om suusuai po.

19

Sukatan Pelajaran Bahasa Kadazandusun KBSR

Bontuk Ayat a.

Ayat Mintootoiso

Ayat mintootoiso nopo nga i winonsoi mantad duo boogian i roitan do subjek om predikat. b.

Ayat Misompuru

Ayat misompuru nopo nga i winonsoi mantad duo toi ko’ lobi ayat mintootoiso. 2.0

Sistom Tuni Om Ija’an Poia’on o sistom tuni om ija’an mooi do kaanu di o tangaanak popolombus do tuni ngawi om mongija’ putul boros ngawi i aanu do Boros Kadazandusun montok kopolombusan isoiso rati di koontok. Kabaalan nopo di poimogonon nga kobulihan do mongintutun om popisuai tuni di miimiagal nga misuai ii, id tona om otus miagal do vokal tanaru om toniba, konsonan poloputon /b/ om /d/ om konsonan au poloputon /b/ om /d/ om nogi sigot. Oponting kopio o aspek tuni do iloon tu kopolombusan nopo do tona om otus nga kapamarahung do rati isoiso boros.

20

Sukatan Pelajaran Bahasa Kadazandusun KBSR

3.0

Tinimungan Boros Pangajalan Boros Kadazandusun nopo nga manahak kapanatalan do toilaan tinimungan boros di nogonop montok komiunikasi do kiwaya id taatanga ngawi momoomoboros, i gunoon id lisan toi ko’ ponuatan. Ogumu o tinimungan boros do Boros Kadazandusun. Sundung potuu do ingkaa, montok do ponimpuunan kawasa o mongingia’ momoguno do 400 boros om poinggumuon di ii gisom do iso gontob di kosudong montok tangaanak.

4.0

Ponjudu Ginumu Ponjudu ginumu nopo nga boros i gunoon mihuyud do boros ngaran soira popoilo do ginumu miagal do purut, sopo, gantang om tinan.

21

Sukatan Pelajaran Bahasa Kadazandusun KBSR

5.0

Tukadan Tukadan nopo nga ayat toi ko’ kolompok boros i kinuludan di pointatap om kirati di pointantu. Montok do poringkat diti boros mikagos om poiradan no o onuan do kapanatalan. Boros Mikagos Boros Mikagos nopo nga ungkapan i owonsoi mantad duo boros toi ko’ lobi om kirati do suai mantad do rati di boros ngawi di noguno miagal do aiso tompodu om mitodok wulu. Poiradan Poiradan nopo nga ungkapan di popiagal kumaa do isoiso miagal tasu om tingau om miagal do putik om manuk.

22

Sukatan Pelajaran Bahasa Kadazandusun KBSR

III.

PONGULUDAN KURIKULUM Ponguludan Kurikulum nopo nga poinfokus doid kopogonuan bahan mantad mogisuusuai bidang om disiplin ilmu. Kitontokon o ponguludan kurikulum montok popoimagon kopio do pangajalan om pambalajalan Boros Kadazandusun i kosudong do status om kowoowoyoo posorili do baabaino. 1.0

Woyo Posorili Tangaanak Ii nopo ngawi uhu doid woyo posorili tangaanak kawasa do gunoon montok kopoginlaaban isoiso kabaalan. Poinsuang nogi o uhu do ahal kaantakan baabaino.

2.0

Kooturan Koubasanansosio Id Kooturan Koubasanansosio nopo nga apatut do momoguno kopio do kooturan miagal do kolinuudan boros om laras boros montok kapamakayan boros di kiwaya. Montok diti, intangan nogi o status, umul om koulunan di momoomoboros.

23

Sukatan Pelajaran Bahasa Kadazandusun KBSR

3.0

Woyo Toluud Woyo toluud do tinaru id Malaysia i poinsuang doid ugama, tradisi om adat mogikaakawo bansa nga kawasa dodion do ponokotutuduk koposion i mongulud do tangaanak dumadi songulun di kiakhlak om kitonggungan montok sondii, paganakan, komiuniti om suai tulun.

4.0

Sunduan Mamasok Om Patriotisma Sunduan mamasok om patriotisma nga mositi do pasandadon mooi do koimagon di doid tangaanak o kopontingan pibabasan om piunungan koposion. Pasandadon nogi kopio doid tangaanak o kopurimanan guminawo pomogunan, imatu sondii om sunduan sopitokou montok kopokitanan do kopiatan om kodoulatan pomogunan. UId koubasan

24