Addendum

*,,(rab gnas dge legs rgya mtso'i char 'bebs kyi zung 'debs zhes bya ba bzhugs legs so,, *,,lha dang bcas pa'i skye dgu'i bsod nams sog pa'i zhing dam pa bde bar gshegs pa'i sku gsung thugs kyi rten rab tu gnas par byed pa la nye bar mkho ba'i rdzas dang yo byad kyi tho dgod pa la, rab gnas kyi rgyud, bde mchog sdom 'byung, kyee rngor brtag gnyis, bshad rgyud rdor 'phreng dang, dus kyi 'khor lo sogs rdo rje 'chang gis gsungs pa'i rgyud dang, de dag gi 'grel pa rgya gar gyi pan grub du mas mdzad pa dang, dkyil chog rdo rje'i 'phreng ba, slob dpon sa dhu pu tra, nag po ba, snang byed zla ba, su ma ti ki rti, kun dga' snying po, ,zhi ba snying po sogs 'phags yul gyi pan grub du mas mdzad pa'i rab gnas dang sbyan dbye'i cho ga ,lo chen rin chen bzang po, ,rje btzun grags pa rgyal mtsan, bu ston thams cad mkhyen pa, 'dul 'dzin grags pa rgyal mtsan sogs, gangs can gyi mkhas grub du mas mdzad pa'i rab gnas kyi gzhung cho ga'i go rim dang phyag len cung zad mi 'dra ba mang du yod pa las 'dir pan chen thams cad mkhyen pa blo bzang chos kyi rgyal mtsan gyis mdzad pa'i rab gnas dge legs rgya mtso'i char 'bebs kyi cho ga dang phyag len la mkho ba'i rdzas dang yo byad kyi tho dkod par bya'o, ,de la, khrus stegs grub zhi phyogs rer khru bzhi @125b re dpangs su khru do yod pa, steng gi ngos la khrus dkyil mi 'dra ba gsum bshad pa las 'dir phyi nas rim pa bzhin dkar dmar nag pa'i rtzig pa rim pa gsum gru bzhi sgo bzhi, dbus su sna tsogs padma 'dab brgyad, de'i phyir snam bu gru bzhi, de la phyogs bzhir shar nas g-yas skor du, 'khor lo, rin po che, padma, ral gri, dkar ser dmar ljang, 'tsams bzhir shar lho nas g-yas skor du, 'khor lo,, rdo rje, padma ral gri dkar sngo dmar ljang rnams kyis mtsan pa rdul tson gyis bri ba'am, chu tson gyis bris pa'i ras bris bkab pa, bum pa gas chag sogs kyi skyon med pa'i mtsan ldan lha bum lha grangs dang mnyam pa sogs 'byor na legs kyang ma 'byor na rnam rgyal dang las bum gnyis khrus bum brgyad, de rnams rang bzhin gyis dkar na des chog cing zangs dmar lta bu mdog gzhan yin na tzan dan dkar po'i lnge gu'am thod le kor lta bu'i dkar rtzis byugs te dkar por bsgyur, las sngags brjod cing gu gul gyis bdug yungs dkar gyis bra bas te bgegs bskrad, rta glang pong bu sogs kyis ma bgrod cing srog chags med pa'i chu gtzang ma snod gzhan dang ma reg pa gur gum sogs dri bzang dang bsres pas bum pa'i sum gnyis tzam dgang, mgul chings kha tsar dang phun tsar ma nyabs pa'i ras gtzang ma 'am, ma rnyed na dar gos gang yang

rung ba zung gis thor cog gsum pa'i tsul du byas la srad bu dkar po bdun gyis, aom badzra shi sha ra ru ta ma ta ti sham bha ndha h'um, zhes bzla zhing dkri, rnam rgyal dang las bum la bum rdzas @126a *, ,bla med las bshad pa ltar na stag tser ba 1, kanta k'a ri 2, gzhan gyis mi thub pa dkar po 3 ?, ,dbyug pa'i aud pa la 5, dbang lag te sman lnga 5, mu tig ?, gser 2, padma r'a ga'am de med na dngul zangs dung gang rung ?, 3 byi ru 4, mu mi na 5 te rin po che lnga, ti la 1, nas 2, mon srin ?, 'bras so ba ?, gro 'am , mon sran gre'u ? ste 'bru lnga, ga bur ?, gur gum ?, tzan dan dkar po 3, ,tzan dan dmar po ?, ,gla rtzi ste dri lnga, til ?, lan tsa ?, mar ?, bu ram, sbrang rtzi ste snying po lnga 5, nang gi bdud rtzi lnga rnams dang 5, bya rgyud las bshad pa ltar na, gser 1, dngul 2, mu tig 3, byi ru ?, mu min te rin po che lnga ?, nas ?, 'bras 2, gro ?, sran me, til te 'bru lnga, sbrang 1, kar 2, zho 3, 'o ma 4, mar te phyi'i bdud rtzi lnga, sle tres, kanta k'a ri, dbang lag, rgya mtso'i blu ba ?, shu dag ste sman lnga, tzan dan dkar 1 dmar 2, 'dza ti 3, ga bur 4, gur gum ste dri lnga rnams las 5, 'dir bla med ltar gyi snga ma rnams 'jug ,bum mtsan 'bri pa'am gdags, khrus bum brgyad la rim pa bzhin, kar bu ram sbrang rtzi ste mngar gsum, zho, kham star rgun 'brum lta bu 'bras bu 3, don gsal las aa ru ra sogs 'bras bu gsum bshad kyang phyag len 'di'i lugs la 'di bzhin mdzad, 'bras gro nas lta bu 'bru 4 gong gi dri lnga lta bu dri bzang ?, 'bras yos, gong gi sman lnga lta bu sman ?, gong gi @126b rin po che lnga lta bu rin po che rnams so sor blug ,'bras bu can gyi shing gi yal ga lo 'dab dang bcas pas kha brgyan, 'dag rdzas la phal khrus kyi 'dag rdzas la, gong gi phyi'i bdud rtzi lngam, dri zhim po'i 'bru mar 'byor na, sug smel, shing tsa, spang, spos, ba le ga ,tzan dan dkar po rnams zho do nge ras dkar gtzang mar so sor btum ste til mar bre brgyad kyi nang du bcug nas bskol ba bre drug tzam sgom nas, bre do lus pa lta bu'am, ma 'byor na til mar la dri bzang btab pa dang ?, spos mar ?, shing shun la n+ya gro ta, au dum wa ra, pa la kasha, si spa la, mantal munta ste 'o ma can gyi shing lja'i shun pa'i phye ma dang, ma 'byor na, 'om bu sogs kyi shing shun phye ma skam po, ba'i zho, 'o ma, mar, lci ba, chu ste ba byung lnga'i 'dag chal 4, spos mar 5, sgyu ru ra'i phye ma skam po ma sha ste sran dkar gyi phye ma skam po, ,gong gi dri bzang lnga tsan gang rung gi 'dag tsal, yung ba'i phye ma skam

po ste rdzas brgyad las, bdud rtzi lnga zangs snod dang, gzhan rnams mkhar ba'i snod du blug pa, mchog khrus kyi bdag rdzas la dri bzang lnga'i 'dag chal, dri zhim po'i 'bru mar dri bzang lnga'i phye ma skam po rnams rin po che'i snod du blug pa, dur sngon gyi pir snod bcas, khrus ras 'byor na ras dkar bzang po kha tsar dang phun tsar ma nyams pa'am, ma 'byor na kha btag gam gos dar dkar po sogs gtzang ma gang 'byor la gur gum @127a *, ,gri wang tzandan sogs sbyar bas padma 'dab bzhi, lte bar aom, 'dab mar mdun nas g-yas skor du phyogs bzhir, h'um tram hri: a'a: rnams dbu phyir bstan te bris pa, khrus kyi me long che legs la dbus su h'um, mthar mdun nas g-yas skor du ye dha rma sbrul 'khyil ba ltar rab tsar bdun tha ma tsar gcig gur gum sogs kyis bris pa, bkra shis kyi 'thor 'bru 'bras dkar sogs 'bru gtzang ma dge 'dun tsogs pa mang nyung dang bstun pa'i mi nyung ba snod gtzang mar blug pa'i steng du bzhag ,sbyangs chas bgegs gtor gtor cog gsum, ting lo, ,chang bu 'theb kyu rnams gsum re snod bcas, gu gul gyi bdug pa, yungs dkar dang chu gtzang snod bcas, kham phor dkar po, ,dur ba'i myu gu dang bcas pa'i ba gci'i changs bu, zan changs, seng ras rnams bzhi re thun mong du snod bcas, nye reg gi chu gtzang snod bcas, dri bzang ?, me tog gi , mchod yon ni, mar me ste mchod pa bzhi so sor snod bcas, spos dkar mar dkar dang sbyar ba'i ril bu'i bdug rdzas, de bdug pa'i spos phor 'byor na long thag gam yu ba can, gsol gdab kyi skabs su bdug rgyu'i tzandan dkar dmar dang aa ka ru sogs spos bzang po, ,gos dar bzang po'i na bza' dmar ser zung, gsol gdab tsigs bcad ma'i skabs su tsogs pas 'dzin rgyu'i spos rer bzang po, ,rten la 'geb rgyu'i na bza' ser po, ,ma lus ma'i spyan 'dren skabs tsogs pas 'dzin rgyu'i spos rer bzang po, ,gsol gdab tsigs @127b bcad ma'i skabs tsogs pas 'dzin rgyu'i spos reng bzang po, ,so rtzi'i rdzas rdo ja, go yu, go la'i phye ma gsum mar khu dang sbyar ba rin po che sogs kyi snod bcas, chu bzhi'i rdzas zhi ba'i dbang du byas na, nas, 'o ma me tog dkar po, ,til, ku sha, 'bras yos, ga bur lta bu dri dkar po dang, bdud rtzi lnga rnams sam; rgyas pa'i dbang du byas na, til, gu sha, gur gum, me tog ser po, ,bdud rtzi lnga, zho rnams te, de yang rab gnas kyi las ni gtzo bor rten gyi byin rlabs dang mchod pa, sbyin bdag gi tse dang bsod nams dang 'byor pa sogs rgyas pa'i ched du bya ba yin pas, rgyas pa'i las gtzo che bar byas nas phyi ma skabs

su bab pas rdzas phyi ma rnams chu gtzang dang sbyar ba, 'byor na gser ram ma 'byor na dung dang nya phyi sogs mdog ser por bsgyur ba'i snod gsum gyi nang du blug pa gsum dang, de gsum 'bul ba'i snod bzed zhal gsum manyji dang bcas pa, gser gyi mig thur gser srang gang ngam tha na yang zho gang gi drug cha gcig las mi chung ba, dngul gyi gong bur gnas pa'i gur gum lta bu'i dri bzang mar dang sbrang rtzi sbyar ba'i mig sman, bla ma kha cig dud dreg dang sbyar ba'i nag po bya bar gsung, snyan 'bru, rmang 'tser, tsem shing, zhal thur rnams 'byor na rin po che las bzos pa'am bris pa'i tza ka li, tza ru'i bza' bar grags pa'i lha bshos rgyan sna tsogs kyis brgyan pa'i tsogs 'khor snod bzang por bshams pa, @128a *, ,rin po che'i mantal, bkra shis rtags brgyad sogs mnga' dbul gyi rdzas rin po che sogs la bzos pa'i dngos sam bris pa'i tza ka li, lnga phyi ci rigs par 'bul rgyu'i nyer spyod kyi mchod pa sta gon skabs tsar bcu dgu dang, dngos gzhi'i skabs tsar nyer gnyis las mi nyung ba snod bcas, ma tog sgrub pa'i tse me long gi ye dharma'i yi ge bkru ba dang dri chab la ldug rgyu'i dri bzang gi chu bum pa'i nang du sbyar ba, sngon 'gro'i gtor ma, yi dam la 'bul rgyu'i gtor ma, chos skyong gi gtor ma, phyogs skyong gi gtor ma, gtor ma sogs la bran rgyu'i chu gtzang dang de bran byed, nang mchod thod pa'i snod bcus, khrus kyi skabs bum pa 'dzin pa'i tsogs pa'i zhal grangs dang mnyam pa'i rten khe ba, rdor dril, sbub sil, rnga dung sogs rol mo, ,bkra shis kyi rdzas, me long, ghi wang, zho, dur ba, bil ba, dung dkar, li khri, yungs dkar rnams snod skyon med gtzang ma dang bcas pa sogs yo byad thams cad tsogs par bya, bshams lugs rten gyi mdun du mchod khri'i steng du mchod pa gang 'byor gzab rgyas, de'i mdun du khrus stegs kyi steng du khrus dkyil gyi dbus su stegs ji ltar 'tsams pa'i steng du rnam rgyal g-yas dang las bum g-yon du mdun slob dpon la bstan te ku sha dang me tog dkar po bkram pa'i gdan la bzhag ,rnam rgyal gyi steng du dung chos dri bzang gi chu dang bcas pa dang gzungs rdor bzhag ,de dag gi mthar mdun nas g-yas skor du khrus bum brgyad, de'i phyi rol tu @128b 'dag rdzas rnams legs par dgod, de'i mthar mdun ngos su mchod pa, khrus gzhong, me long, khrus ras, dur ba'i pir rnams dgod, slob dpon gyi gdan rten la phyogs par bshams pa'i mdun du rdor dril nang mchod, g-yas phyogs su yi dam gyi dkyil 'khor leb mor bkram pa'i mthar nyer spyod lnga lha grangs dang ma nyam pa'am tsar bcu la sa mi nyung bas

bskor ba'i mchod bcas, g-yon gral gyi sgrub grogs gcig gi mdun du stegs kyi khar chu bzhi bzed zhal rnams, g-yas gral gyi rten la nye bar mchod g-yog pa'i nye 'khor du sbyang chas dang, bdug pa, spos phor, spos sogs, sa phyogs ji ltar 'os par, mchod pa'i rdzas rnams dang, gtor ma rnams dang, mnga' dbul gyi rdzas rnams dang, bkra shis kyi rdzas rnams so sor snod yod kyang sde tsan so so ba rnams snod che ba reng bshams te skabs su bab pa'i tse rang gis 'bul dgos rnams rang gis 'bul zhing, slob dpon kyis 'bul dgos rnams slob dpon gyi mdun du bshams, de ltar rdzas dang yo byad thams cad sta gon gyi sngar nyin grabs su tsud par byas te spyir bshams dgos rnams gong du bshad pa ltar bshams, mchod g-yog pas dmigs bsal du byed dgos ni, sngon 'gro'i mchod gtor slob dpon gyi mdun phyogs su stegs dma' ba cig gi khar bshams spos mar spar, gtor ma chang chu nang mchod kyis bran, sngon 'gro tsar ba dang gshegs, bum bzlas skabs thog mar gzungs thag slob dpon gyi phyag tu 'bul, las bum gyi bzlas pa'i skabs gzungs rdor las bum gyi khar spo, aud ta ga'i @129a *, ,bzlas pa'i tse slar rnam rgyal gyi khar spo, yig brgya'i tse gzungs thag dril, hr'i: sht'i: ngang las sngags brjod tse dung chos kyi chu rnam rgyal dang las bum gyi nang du ldug ,me tog dkar po gsum gsum gzhug ,lha 'ong ba zhu'i rjes la las bum slob dpon gyi mdun du bzhag ,de nas bum mchod bsdu, dkyil 'khor gyi mchod pa byin rlabs kyi tse spos mar rnams spar, gtor 'bul gyi tse gtor ma chang chu nang mchod kyis bran, chos skyong gi mchod gtor la'ang 'dra, me tog bsgrub pa'i tse ye dharma bzlas tsar ba dang dri bzang gi chus me long gi ye dharma bkrus te de'i chus me tog khyab par bya, me long khrus dkyil gyi steng du bum pa dang 'dag rdzas kyi phyi rol mdun ngos su khrus gzhong gi nang du bzhag ,gsol gdab kyi tse tsogs pa thams cad bzhengs pa na, bsgrub pa'i me tog nas slob dpon la snod kyi nang dang, tsogs pa mang bar phyag tu 'tsams pa re bkye, sngags brjod pa'i tse bdug spos kyis bdug ,rten bskyed tsar pa dang rten na bza' dmar pos g-yog ,stab bden phyag mthil dang de min na mdun du 'bru tsom pa re bzhag ,lha ngo bstan tsar ba dang gos dmar po dang me tog bsdu, gdan la rten bzhag gi tse 'dag rdzas dang bum pa rnams phyir bkyed de rnam rgyal stegs chung gi mdun ngos su bzhag ,stegs kyi steng du 'jog bden rten dang mi bden me long gzhan zhig bzhag ,'bru gsum dang hr'i: sht'i: dang 'khyil ba'i sngags lan bdun nam brgya rtza brgyad bzlas te chu bzhi byin gyis brlab, khro bo'i mchod pa'i spos dang mar me spar, sbyang ba'i bgegs gtor bsngo ba'i sngags

@129b sarba bi ghnan brjod skabs lag pa g-yas pas gtor ma re rten la g-yas su bskor, ,sum bha ni'i skabs ting lo chang bu 'theb kyu dang bcas pa re g-yon du bskor, mjug gi sum bha ni'i skabs gtor ma ting lo sogs snod gcig la bzhag te rten la g-yon du bskor te phyi rol du skye la mkhan la gtang de 'dor du gzhug ,rten la gu gul gyis legs par bdug , de nas sbyang chas rnams rang rten la phyogs pa'i mdun du bzhag la sbyang sngags 'don pa'i tse dang por yungs dkar lag pa gnyis kyi khu tsur gyis bzung nas g-yon du lan gnyis bskor cing bya bas te snod du dor, de nas g-yas su lan gnyis bskor cing bya bas te dor, de bzhin du seng ras kyi bar 'dra, de nas lag pa g-yon par chu gtzang bzung, g-yas pa'i gung srin gyis blangs la rten dngos sam me long la shar ba'i gzugs brnyan gyi kha rna mig sna kha lag lte ba mgo rnams la nye reg bya, de nas mchod pa bzhi ba'i skabs mchod pa bzhi rang gi mdun du bzhag te sngags re dang bstun nas g-yas pa'i sor mos dri bzang blangs te rten gyi thugs khar byugs pa'i tsul, me tog blangs te dbul 'dog tsul, mchod yon blangs te snod gzhan zhig tu ldug cing mdun du 'bul tsul, mar me blangs te bskor nas 'bul tsul bya, de nas spos mar gyi ril bu la h'um bdun bzlas pa dang spos phor du bzhag te rten la bdug ,phal khrus kyi skabs rten kheb bkram slob dpon gyis khrus byed na de'i grogs bya, rang gis byed na grogs gnyis gsum tzam dang bcas pas cho ga'i tsig ris dang bstun nas khrus bya, mchog @130a *, ,khrus kyi dbang lha'i mchod pa'i spos mar spar, ,rten gyi ye shes pa spyan 'dren gyi tse de'i mchod pa'i spos mar spar te tsogs par spos rer bkye, mchod pa gnyis pa'i spos mar spar, gsol gdab tsar ba dang spos bsdu, rten gyi gnas lngar dri bzang byugs pa slob dpon gyis byed na rang gis g-yas pas dri bzang gi snod bzung ste grogs bya zhing rang gis byed na g-yon pas dri bzang gi snod bzung ste g-yas pa'i gung srin gyis rten dngos sam me long la gzugs brnyan shar ba'i thugs ka mgul dbu phyag gnyis spyi gtzug rnams su byugs; rten dam tsig pa'i mchod pa'i spos mar spar, gnas gsum du reg pa slob dpon gyis mi byed na lag pa g-yas pa'i gung srin gyis rten nam gzugs brnyan gyi thugs ka mgrin pa spyi bo rnams su reg ,phyogs skyong gi mchod pa'i spos mar spar, gtor ma chang chu nang mchod kyis zan, phyogs gtor tsar ba dang rten la na bza' ser pos g-yog ,gtang rag gi mchod pa'i spos mar spar, dngos bzhi'i nyin snga ma rnams sta gon gyi nyin dang 'dra, ma lus ma'i don du tsogs par spos bkram, ji ltar

bltams pa'i tse g-yas pa'i rnam rgyal gyi chus g-yon pa'i me long gi gzugs brnyan la khrus gsol, mchod pa byin rlabs kyi gong du spos mar spar, gsol gdab tsar ba dang spos bsdu, dbang lha'i mchod pa'i spos mar spar, de bzhin gshegs pa thams cad kyis sku zhes sogs kyi skabs su rnam rgyal dang me long slob dpon la @130b 'bul; sarba ta th'a ga ta, sogs kyi tse khrus gzhong slob dpon gyi mdun du bzed, rten gyi mchod pa'i spos mar spar, me long bstan pa'i skabs su, ;mig sman dang mig thur slob dpon gyi mdun du bzhag ,snyan 'bru sogs kyang slob dpon gyi mdun du grab byas te bzhag ,tza ru dbul ba'i gong tsogs 'khor la chab kyis bran, 'bul ba'i skabs su theg cing stab bden tza ru lag pa gnyis kas yar btegs, tam bu la'i skabs su so rtzi yar btegs, mnga' dbul gyi mchod pa'i spos mar spar, mnga' dbul gyi rdzas rnams slob dpon gyi mdun du bshams, mnga' dbul gyi mjug bkra shis kyi gong du bsgrub pa'i me tog bkram, chos skyong bsgo ba'i sngon du mchod pa'i spos mar spar, gtor ma rnams chab kyis bran, yon bdag bsgo ba'i sngon du gral gyi gsham du rten la nye bar sbyin bdag la stan gsar pa bting, steng du 'bru dkar gyis g-yung rung ris bkod, mdun du stegs kyi khar chu gnyis nyer spyod rol mo dang bcas pa bshams, spos mar sbyar, yon bdag stan khar 'dug tu bcug ,yon bdag lhar bskyed tsar ba dang phyag gsum dang, stab bden bskor ba gsum byed du gzhug ,yang stan khar 'dug tu bcug la lag tu me tog gtang ?; mchod pa 'bul ba'i tse tsigs bcad kyi skabs su mchod pa re lag tu gtang de rten la 'bul tsul byed du bcug la blangs te, rten gyi mdun du bsgrigs, bkra shis kyi rdzas slob dpon gyi mdun du bshams, tsigs bcad tsar ba dang @131a *, ,slob dpon gyi phyag nas blangs te tsogs pa la brim ste lag pas reg tu gzhug ,de yang tsogs pa chen zla bo gcig gnyis la bcol te 'grim du gzhug , gtang rag mchod pa'i spos mar spar, shis brjod char ba dang btza' ru'i tsogs 'khor bsil dgos yod na gri sogs mtson gyis mi gsheg par shing byang gtzang ma lta bus bsil te, slob dpon tsogs pa sbyin bdag thams cad la khyab par bgos te bkye zhing thams cad kyis dga' ston rgya chen po la rol bar bya'o, ,bde gshegs sku gsung thugs kyi rten, ,rab tu gnas byed cho ga'i gzhung, ,dge legs rgya mtso'i char 'bebs kyi, ,phyag len rgyas pa'i sdom tsig bri, ,rten dang mkho ba'i yo

byad rdzas, ,'dzom nas tsul bzhin legs bshams te, ,bdag bskyed lha bum mdun skyed dang, ,khrus bum bdag rdzas me tog bsgrub, ,thams cad bzhengs te me tog thogs, ,gsol gdab tsigs 'tsams sngags brjod tse, ,me tog dor zhing rol mo bya, ,thams cad 'dug cing thal sbyar te, ,sems bskyed rdzogs 'tsams me tog dor, ,rten la las kyi sngags chus bsang, ,cho ga gsum gyis lhar bskyed de, ,na bza' g-yog cing me tog gtad, ,dkyil 'khor nang gzhug gdong g-yog dgrol, ,lha ngo ston pa dkyil 'khor du, ,'jug tsul shin tu bsdus pa'o, ,khrus dkyil steng du rten dngos sam, ,me long gzugs brnyan 'char @131b ba bzhag ,chu bzhi'i byin brlab sngags rgyas dbul, ,chu gnyis la sogs byin gyis rlab, ,khro bo spyan drangs phyi nang mchod, ,bstod de bgegs gtor aa ka ros, byin gyis rlabs te bgegs rnams dgug ,gtor ma gsum gyis zhi bas sbyang, ,ting lo chang bu 'theb kyu bcas, ,gsum gyis zhi drag phyed mas sbyang, ,bden bdar sngags bdug yungs dkar brab, ,gtor ma phyir dor drag pos sbyang, ,'khyil ba h'um bdun gyis brlab pa'i, ,yungs dkar la sogs rdzas drug po, ,khu tsur gnyis kyis legs bzung ste, ,g-yon dang g-yas su lan gnyis re, ,bskor te dor bas drug gis sbyang, ,chu gtzang kha rna mig sna kha, ,lag lte mgo la nye reg bya, , dri me mchod mar bzhi yis mchod, ,gong bzhin brlab pa'i spos mar bdug ,sbyang ba'i rim pa rgyas pa'o, ,thams cad 'greng ste rten kheb gyon, ,g-yon pas khrus bum lag tu thog ,dbyangs dang rol mos snyan gsan phul, ,rten nam me long gzugs brnyan la, ,bdud rtzi lnga yi 'dag chal byug ,mngar gsum zho gsar bum chus bkru; ;dri zhim 'bru mar mar khrus byug ,shing shun lnga yi phye mas phyi, ,ba byung lnga yi 'dag chal byug ,'bras bu 'bru dang dri bzang gi ,bum chus bkru zhing spos mar byug ,skyu ru ma sha'i phye mas phyi, ,dri bzang lnga yi 'dag chal byug ,'bras yos sman dang rin po che'i, ,bum chus grub zhing 'bru mar byug ,yung ba'i phye ma @132a *, ,skam pos phyi, ,bdud rtzi lnga sogs bdag rdzas rnams, ,dur ba'i bir gyis legs par byug ,phal khrus bya ba'i rim pa'o, ,dbang lha'i mchod pa byin gyis brlab, ,dbang lha spyan drangs sngags rgyas mchod, ,gsol gdab shis brjod glu dbyangs blang, ,khrus khang bskyed de dri bzang lnga'i, ,'dag chal byug cing lha bum chus, ,bkrus te dri yi 'bru mar byug ,dri bzang lnga yi phye mas phyi, ,smon lam brjod cing ras kyis phyi,

,sbyin sogs tsigs bcad re re'i yang, , sngon du bdag chal rang rang skabs, ,bum chu mjug tu 'bru mar dang, ,dri bzang phye ma khrus ras kyis, ,dbyi ba spel ba'i mjug nyid du, ,khrus dang phyis pa'i dge ba bsngo, ,slar yang dris byug gos rgyan dbul, ,mchog khrus rgyas pa'i rim pa'o, ,ye shes spyan drangs zhabs zhal bsil, ,mchod yon nyer spyod rol mo brlab, , tsigs bcad sngags dang bcas pas mchod, ,tsogs pas bus mo g-yas btzugs te, ,spos dang dril bu g-yas g-yon thogs, ,gsol gdab gsum mthar zhabs zhal bsil, mchod yon nyer spyod rol mo brlab, ,phul te phyag dang bstod pa bya, ,ye shes pa gshegs dam tsig pa'i, ,thugs mgul dbu dang phyag gnyis dang, ,spyi gtzug rnams su dri bzang byug ,zhabs bsil zhal bsil mchod yon dang, ,nyer spyod rol mo brlabs te dbul, ,las sngags bzla zhing dam tsig pa'i, ,thugs mgul spyi gtzug @132b rnams su reg ,'khyil ba'i sngags bzlas rten bdag bsrung, ,phyogs gtor phul te rten la ni, ,na bza' ser pos bkab nas bzhag ,gtang rag bya ba sta gon sdom, , dngos gzhi me tog bsgrub pa yan, ,song rjes sngar bzhin rten bskyed de, ,chu bzhi nas bzung rgyan 'bul bar, ,song rjes gsol gdab sems skyed rnams, ,sta gon skabs bzhin tsang bar bya, ,khrus kyi rgyas bsdus skabs dang bstun, ,skye mched gnas gsum byin gyis brlab, ,g-yas g-yon spos dang dril bu bzung, ,ye shes spyan drangs mchod yon dbul, ,khrus gsol gdan phul thal sbyar te, ,gsol gdab chu gnyis nyer spyod sogs, ,brlabs te mchod cing spos dril bzung, ,lan gsum gsol gdab rten la bstim, ,dbang lha spyan drangs gong bzhin mchod, ,dbang gi bya ba mdzad par bsam, ,dbu la mi bskyod pa yis brgyan, ,chu bzhi la sogs brlabs te dbul,, bstod cing gos rgyan me long bstan, ,grub na rgyas pa'i sbyin sreg bya, ,dngul gyi kod bu'i mig sman ni, ,gser gyi thur ma'i rtzer blangs te, ,rten gyi spyan ni dbye bar bya; ;snyan shangs tsem zhal rim bzhin dbye, ,sbyin sreg byas na 'o thug dang, ,ma byas btza' ru'i bza' bca' rnams, ,nang mchod ltar ram aa ka ro, ,'bru gsum gyis brlab phul te smon, ,zhal bsil mchod yon so rtzi dbul, ,rten gyi gnas gsum rdo rjes reg ,dam tsig bsgrags te gzugs bsgyur bya, ,chu bzhi nyer spyod la @133a *, ,sogs brlab, ,de dang 'dod yon nang mchod 'bul, ,bstod pa mantal rtags brgyad khrus, ,gos rgyan 'dod yon rgyal srid bdun, ,lnga phrag

lnga dang gdug sogs 'bru, rin chen bdun dang sman rnams dbul, ,bkra shis rab byung cha byad la, ,dbu skra sen mo'i 'dreg sbyad dang, ,longs sku rnams la so mang dbul, , po tir khri gos glegs shing dang, ,glegs thag bzhi dbul mchod rten la, ,srog shing 'khor lo cod pan 'phan, ,rgyal mtsan gdugs dang 'phreng ba gdan, ,gang yin rten gyi skabs dang sbyar, ,mnga' dbul bya ba'i rim pa'o, ,brtan bzhugs bcad lhugs lan gsum brjod, ,rab tu gnas pa'i gtzo bo yin, ,slar yang brtan bzhugs yig brgya bdun; ;gsol gdab rten gyi stod par smad, ,g-yas pas rdo rjes lan gsum du, ,bskor bas brtan par byas te bstod, ,grub na zhi ba'i sbyin sreg bya, ,ma grub yig brgya bzod par gsol, ,spyi sgos chos skyong phyogs skyod dang, ,'byung po spyi dang gzhi bdag gi ,mchod gtor brlabs te so sor phul, ,'phrin las bcol zhing sbyin bdag gi ,stan dad ? mdun du mchod pa bshams, ,'dug bcug mchod pa byed par bsgo, ,bsang sbyang lhar bskyed rten la ni, ,phyag dang bskor ba byed du gzhug ,me tog 'phreng gtang mchod pa brlab, ,rten la sbyin bdag dbul du gzhug ,bkra shis rdzas brgyad bsang sbyang bskyed, ,rten la dbul zhing tsogs par brim, ,gtang rag @133b mchod pa brlab te dbul, ,bzod gsol brtan bzhugs bsngo smon dang, ,shis brjod mjug chog legs par bya, ,btza' ru'i tsogs 'khor legs bgos te; ;rten dang tsogs pa kun la bkye, ,phun tsogs dga' ston rgyas par bya, ,ces rab gnas dge legs rgya mtso'i char 'bebs zhes bya ba'i zur 'debs 'di ni, 'jam dbyangs mi'i tsul 'dzin 'gong ma chen po nyid kyis thig tsad dang ljags bkod mdzad nas bzhengs pa'i rje btzun 'jam dbyangs, thugs rje chen po, ,kun tu bzang po gsum gyi sku brnyan ye shes pa dngos su byon pa lta bu'i khyad mtsar mthong bas yid 'phrog ,'gong ma chen po khang shi khrir bam zhugs nas dgung lo so dgu ba lcags 'brug zla tses la rab gnas bgyid skabs pho brang shar gyi ja sag bla ma phun tsogs rgya mtso dang rang gi zla bo don gnyer can 'ga' zhig gis, gzhung rang na rdzas dang yo byad phyag len thams cad mchan bu dang sdom tsig gis gsal bar mdzad snang na'ang, 'don cha'i cho ga dang spel mar song shing kha 'thor ba lta bus blo dman rnams kyis go dka' bar 'dug pas thams cad phyogs gcig tu bsgrigs pa 'di lta bu zhig gyis zhes bskul ba ltar gyi na ba ngag dbang blo bzang chos ldan ming gzhan lcang skya hu thog thur 'bod pas 'phags pa 'jam dpal gyi gnas mchog ri bo rtze lnga'i

tha'i lo bri zhes pa'i gtzug lag khang du sbyar ba'i yi ge ba ni smon lam rin chen no, ,'dis kyang rgyal ba'i bstan pa dar zhing sems can la bde skyid 'phel bar gyur cig ,bkra shis dpal 'bar 'dzam gling brgyan du byon,