24 May

Visit us at www.dawrpuiveng.com

Gupshup zawm dan - JOIN DAWRPUIYMANews tihhi 567678-ah thawn tur MOTTO 1. Hunawl hman\hat 2. Zofate hmasawnna ngaihtuah 3. Kristian nun dan \ha ngaihsan

“YMA chu \anpui ngaite \anpuitu a ni” Vol : XVIII Issue No 21 Dawrpui News

Pathianni May 24, 2009

THLANMUAL THAR

TUALCHHUNG LAWMAWM : Pu Ro\huamliana, V.C Treasurer chuan a ma sum sengin vantlang chhawr atan Pu VLT Muana in kawt, Vantlang Step-ah Mini Street Light a vuah sak a, hemi hmang \angkaiho veng mipuite bakah Tuikual Veng lamho an lawm hle a ni. Dawrpui School hi Sorkarchuan Model School-ah a hlangkai a nih kha! He Model School a nih hian engkim School naupang mamawh zawng zawng a thlawna pek vek an ni; Chhungkaw tam tak tan malsawmna hlu tak a ni. SSA chuan tunhnai mai khan P.A. Set leh Wheel Duck naupangte tana infiamna an pe leh a, School hotute an lawm tak zet a ni. VC NEWS : Ni 22, May 09 zan khan kan VC te an \hukhawm a, Dawrpui Sanitation, Beautification Committee leh Legal Wing Dawrpui an din a, Member turte la inhriattir a ni ang. Tin, HSLC leh HSSLC pass te VC lawmpuina Certificate la la lo ten VC Secretary Pu KL Zamvela hnenah lam tur a ni e. CBSE Result chhuak a pass thar zawng zawngte mahni awmna Section hruaitute hnenah inhriattir tur a ni e.

Kartin Chhuak

- Rev. H. Zalawma Kohhran \henkhat chuan Kristiante inphumna tur Thlanmual an lei thar hi “Pathian hmun thianghlim” (God’s Holy Acre) an ti a. Pathian hnena hlanna inkhawm puithu takin an nei \hin. Dawrpui Vantlang inkhawm hnuhnung berin lungrual tak maia Thlanmual thar tur lei kan rel thu kha ava lawmawm em! Tunah hian bawhzui zel a ni a, nakin lawkah kan nei fel mai dawn a ni. Khawtlang leh chhungkaw tinin kan mamawh a nih avangin chhungkaw tinah sum leh pai kan thawh ve tur min la rawn dil mai dawn a, ilo inring \heuh ang u. Kum zabi khat a liam pawh a, \henkhat chuan kan tawn ngai loh thlanmual atana sum sen hi a uihawm hauh lo a nia. Tunah hian tu te mah kan thawh ve tura min tukah chuan i hai bik lovang u. Hetia Thlanmual thar kan sual mek hian khawtlang inlungrualna \ha zawm leh inpumkhatna min siam nasa hle tawh a ni. A lawmawm a, a phurawm hle a ni. A hmun lo hauh lawkna tur kan veng chhunga \hanemngai thei tur chhungkaw sawmthum (30) chuang zet sum dil mek kan nei a, anniho hian inphal takin hma an hruai hi a lawmawm em em a ni.

SECTION NEWS TAIT ESENA SECTION TAITESENA Branch Executive Committee -in YMA chhang Section tina din tura a tih angin an Section chuan hetiang hian “YMA Chhang” hruaitu turte an ruat : Leader : Tv. P.C. Lalrinchhana Secretary : Tv. Eric Lalfakawma Treasurer : Nl. Vanlalpeki Fin. Secretary: Nl. Lalhmangaihsangi Taitesena Section Area a\anga CBSE (Class 12) pass tharte :

1. Malsawmsangi d/o Dr. Rosangluaia Ist. Div. 2. Sylvia Lalrinpuii d/o Dr. Lalbiakkima Ist Div. 3. Sarah Lalngaihawmi d/o H. Lalchhandama Ist Div. I.S.C Board (St. John Higher School) Sarah-i hi Socialogy, Home Science leh Psychology ah Topper niin Trophy leh Prize Money a dawng vek a ni.

VANAPA SECTION Danny Lalenkawla S/o John Rotluangliana chuan HSLC 1st Div. ah a pass a, tin, Samuel Vanchhunga S/o Roengliana chuan HSSLC 1st div. ah a pass bawk.

2

Dawrpui News

Kartin chhuak

Editor Jt. Editor News Editors

: Vanlalbika 9856889073 : Lalhruaitluanga Ziakkima Pachuau : Kapchhunga Pachuau R. Lalremruata Isaac Laldinthara Ralte Members : Vanlaldiki Sailo Lalnunkungi Dr. Zothanpuia P.C. Zohmingthanga Columnists : Dr. Thangchungnunga Vanhmingliana Lalhlimpuia (SK-A) Aldrin Lallawmzuala Correspondents: David Remruata Lalnunmawia H. Lalchhanhima 9862451420 9436384248 9862363630

Chawimawina Issue hmasa khan he thu hi kan ziak tawh a, rilruah ala cham a, sawizui chakawm ala awm tlat. Kan sawi tawh ang khan Chawimawi tlaka awm leh Chawimawi theih tura awm hi thil harsa a ni a, a leh lamah awlsam te a ni lawi si. Engpawhnise, vawiin thleng a kan veng tana tha leh zung seng \ang \angtu- Thlanlai \hin te, tlaivar \hin te, mitthi thing khawn \ang \angtute khawhar in kal taima leh mahni pawimawh kalsan a, buai em em \hin te bakah thlan vur \hin tute hi Chawimawi tlak an ni tak meuh mai. I chhunzawm zel ang u. Tunlai hian LPS Pro Fight an ti a, ZONET-in Mizo Idol an ti leh mek a, hengah hian kan veng nula tlangvalte an tel ve nual a, vengdangte tih anga in chawimawi tawn leh in duhsak a, in phurpui atan a \ha ngawt mai. Thlen san kher a ngai lo, kan veng mite an nihna vang hrim hrim pawhin i chawimawi ve thiam ang u. Hengte kan tih theih chuan nakin lawkah chuan veng inlungrual leh phur, vengnuam alo ni mai dawn a ni. Tunah hian a nuam love kan tihna phei chu a ni lova, a aia a nawm zawk nan kan tihna a ni e. Tin, hetia kan ziah avang hian tumah kan vuipui lo bawk. Chawimawi tlakin i awm ang u, kan tihna a ni e.

Ngaihdan @ PHE Tui Connection kan lak thar hian kawngpui laihchhiatna man hi bill-ah telh vek a ni a, PHE ten PWD-ah an thehlut ve leh an ti a, mahse siam tik ni awm chuang \hin silo, mipui leh motor-a kal \hinte tan harsatna lian tak a ni, kan VC te hian a concern dept. lamah bawhzui thei se ka ti e... - Kawng\haduha @ Kan VC -te an thawk \ha ka ti, mahse kan vengchhung Street light thenkhat eng thei lo rei lutuk hi chu ‘han vei ve se ka ti’... - Puipuia Nu @ Dawrpui Veng inti, changang ve viau nia inhria, ruah sur hlek emaw engemaw hlek a Septik Tank sah ching kan la awm fo hi sim hmiah chi a ni. An la ti zel a nih chuan an hming leh awmna area ka la rawn tarlang ang e. - Dawrpui TV @ Kan ran vulh- Ui leh Ar te hian thenawm khawveng tan harsatna leh ninawm an siam \hin tih kan hria em aw?... - Lalninga

COMPUTER COURSE June thla a\angin Computer zirna - School naupangte tan bik Junior Course hawn a ni dawn a, Inrinni apiangin neih tur a ni. School naupangte tana zirlai pui thei tur a ni e. Ngaihven rang teh. Monthly Fee : Rs. 100/-

M.F. Computer Institute Near Hauva Building, Dawrpui. Contact : 9436141752/9436146354/ 9862358477

May 24, 2009

Pathianni

Hriselna Huang

Kuhva -Dr. Thangchungnunga, MS (Ortho)

Kuhva hi kan ei nasa a, kei ngei pawh hian ni khatah Rs.30/- man ka ei \hin. Kumin a\ang hian ka ei ta lova. A \hatna hi a tlem hle- Ka rimchhe lutuk tur a veng deuh tih mai loh chu thawh vak a nei lo. A \hat lohna chu kan han \hial a, kan \hial rual rual hian thluak-in pumpui hnenah chiahral tur a lo tla dawn tih a zu hrilh a, a nin an acid (Hcl) an lo tichhuak tam a. Mahse engmah tla thla ture mumal a awm si lova, pumpuia acid kha a awmsa aia tam a awm ta \euh mai a. Pumpui bang kha a chiah lawng ve leh ta a, pumpui na, pumpui Ulcer kan tih chu an nei der mai a. Tin, Kuhva leh a hnahah hian damdawi ang (Chemical) thisen dawt tite theitu a awm a, ei tam tak tak chuan mit mengte hi a ti fiah loin, lu te paswh a nat phah deuh thei \hin. Tin, Chinai kan ei tel hi a raw (Pawlh dal loh) a ni a, hei hian kan chaw eia Iron (Thisen sen tirtu) hi taksa hip theih lohin (Ferrous Oxide- thir tuiek chhia) ah a siam zel a. Kuhva ei nasa reng reng chuan Iron Deficiency (Iron tlachham) in an awm fo. I thisen Hb a hniam reng a nih a, kuhva i ei reng a nih chuan kuhva kha ei lo la a damdawi chu a ni mai. Tin, Chinai a calcium awm hi mi tam takin taksa tana \ha turah an ngai a, mahse a ni lo. Pumpui acid khan Calcium chhia-ah a lo chantir daih mai a, kan ek a ti khal mai mai a ni. Tin, Kuhva hi acid pawhin a chiah ral zo lo tih ka hriatna chu, kum 1985 khan Biate-ah thingzai ka ruai a, thla hnih an awm chhunga an kuhva eina kha an ekna bikah khan a lo vum thur mai a. Fanghmir bu kova lei mur sep sep ang mai hian (Ek zawng zawng kum khat hnuah chuan a lo tifai a) a awm vum thur mai a, kg hnih dawn vel zuk ni thei a. Kuhva rah sawm an ni tih chu hai rual a ni lo. Tin, a panhnahah hian chemical chikhat thisen dawt tizim thei a awm ve leh a, a thlum chi phei hi chuan Allergy a siam duh em em bik a ni. Ei loh mai hi a him ber a ni e. A sehtu ang mai a kan ang sen huam mai hi chu a mawi lem lo a ni.

GOSPEL CONCERT A hmun A hun

: Dawrpui School : May 29, 09 (Zirtawpni) Zan Dar 7:00 Zai turte : 1} Magdalene 2} Drop Doubt 3} DrLUKE 4} Zoramchhani, Youth Icon 5} Freddy Lalremruata, Mizo Idol Ticket : Rs. 100 Rs. 50 Rs. 20 Organised By: Raphael’s Gospel Ministry (2-2) Dawrpui. Nimin nileng khan Branch Sports neih chhunzawm a ni a, chanchinbu buatsaih lai hian result kan hre hman ta lo.

3

Dawrpui

News

Kartin chhuak

Pathianni

May 24 , 2009

PHAR NATNA I UMBO ANG U 1. PHAR NATNA HI: - Natna inkaichhawn theih te zingah inkaichhawn harsa ber natna a ni. - Vun natna chikhat ve mai, vun rawng dang (val), sen deuh emaw sawrbawl deuh thluah emaw vun chhah deuh leh mawm tle deuh hluau angin a lo lang chhuak \hin Vun natna dang anglo takin heng vun rawng danglam lai te hian na, lum leh vawt a hre lova, a thak bawk heklo. Doctor rawn kher ngai lova mitinin kan indapchhuah theih natna a ni. - Hriatna thazam pawnlang (superficial nerve) a khawih chuan kut leh ke zung\ang ah te zaw/zeng angte in a lo lang chhuak a, chung kut leh ke zung\angte chuan na, lum leh vawt hriatna a hloh \hin. - Tin, Biang hriatna thazam a khawih chuan hmui sawi leh mit maimichhin theih loh in a lang chhuak bawk \hin. 2. PHAR NATNA HI AWLSAM TAKA MDT DAMDAWI HMANGA ENKAWL DAM THEIH A NI. - Vun rawng danglam, na, lum leh vawt hrelo hmun khat chauh a a awm chuan damdawi \um khat eiin a dam \hin. - Vun rawng danglam hmun 5 aia tlem a awm chuan thla 6 chhung mumal taka damdawi (MDT) ei chuan a dam \hin. - Vun rawng danglam hmun 5 aia tam a a awm chuan thla 12 chhung mumal taka damwi eiin a dam \hin. - Kut leh ke zung\ang zawi/zeng emaw, kawm emaw, biang pangkhing zeng emaw anga phar natna hi a lo lanchhuah chuan, a lan chhuah a\anga thla 6 ral hma in in enkawl \an ngei ngei a ngai a, thla 6-12 chhung mumal taka damdawi eiin a dam \hin. Heng inenkawlna damdawi (MDT) hi Health Department chuan a thlawnin damlo te hnenah a thlawnin a pe \hin. 3.

Phar natna vei kan enkawl mekte hi kan \henawm State dang a\anga lokalte an nih deuh vek avangin heng State dang a\anga kan mikhualte hi he natna vei nia kan hriat chuan Health Centre hnai berah hruaiin enkawl dam vat tur an ni. Tichuan, kan veng/khua leh Mizoram hi phar natna awmlohna State a lo ni thuai ang.

Issued By: Mizoram State Leprosy Society Directorate of Health Services Mizoram, Aizawl

4

Dawrpui

News

INFIAMNA

Kartin chhuak

Pathianni

- SKA

EUROPE FOOTBALL OFFICIAL GALLACHER CHELSEA - BARCELONA CHUNGCHANG A TAWNGCHHUAK

European football hotu lawk zinga chhiar tel ziah thin Dermot Gallacher chuan UCL Semi Final 2nd leg Chelsea - Barca hamtu Henning Ovrebo chu Barca chak tir tum hrim hrim a game thunun a nih loh thu a sawi rualin Chelsea khan penalty vawi 2 tal an hmuh tur thu a sawi. He Norwegian official hi Tuesday zana Stamford Bridge ah khan BLues fans te chuan penalty vawi 5 tal paih bo sak ah an ngai nghet hmiah. Football khawvel a club level leh international ah pawh hming chher, thluak tha em em mai Chelsea Boss Guus Hiddink khan kha, game a hmuh tawh ah dan palzutna a nasat thu leh referee khan tum lawk nei a match thunun a nih thu a sawi tlat ! Mahse European League official Gallacher chuan a ni lo a ti ve tlat! Gallacher vek hian “darkar 24 a ral ang a a thil tih sual ala hmuh chhuak em em ang” a ti ve thung tiin Sky Sports News ah a sawi."Thil chhe ber erawh chu a ni lo a ti ve lawi si 4 Ni 27 May a Champions league final ah Rome khawpui a Manchester United hmachhawn turin a lo ring zawk.. Henning's a thiltih sual langsar a tarlang te chu : 1. Alves leh Malouda chungchang : "50-50 a ni. mahse he thil ah hi chuan referee thu kha ka tawmpui mai ang. 2. Albidal leh Drogba chungchang : "Hei hi chu zep rual lovin foul a ni. Drogba Jersey a man beh sak a, a pawt tlu zui a, mahse Drogba te ang tha hrui ngah tan chuan tlu lovin paltlang lui ta se goal a thun ngei ang. 3. Pique Handball : "He thil ah hi chuan zep rual lovin a lang tlang vek! Ball kha lo beng tla lo se Anelka khan goal ah a chan tir ngei ang., Pique kha a hawi kual hu hu mai a “ka tih luih a ni lo ?'." tih hmel pu in a hawi kual nasa hle. 4. Eto’o handball : He thil thleng hi injury time minute 4 pek a minute 2 vel la awma thil thleng niin senior player Ballack an referee a um vak nghe nghe kha. He thil ah hi chuan chiang taka thutlukna siam turin match referee hian a hmu lo a, mahse hun hmasa lama thiltih sual hliahkhuh nan penalty pek hun tak chu a ni. 5. Albidal red card : Red card pekna khawp tih sual a nei hlawl lo. Abidal hi amah leh amah in palsual a tlu za ni. mahse thutlukna siam hautak a nihna chhan chu referee awmna hmun hi a diklo a ni. He player hi a khawngaihthlak hle, final a khel thei dawn ta lo a ni

May 24 , 2009

PRESBYTERIAN PATHIANNI May 24, 2009 Varanasi Mission Inkhawmpui 10:00 AM Chairman : Rev. R. Vanlalnghaka, Dawrpui Thusawitu : Rev. Chawnghranga 1:30 PM Chairman : Rev. C. Satliana Thusawitu : Rev. Chawnghranga 7:00 PM Chairman : Rev. Mangchhuana Sailo Thusawitu : Rev. S. Lalkhuma, Field Director Vawiin Naupang Sunday School a awm ang.

KRISTIAN |HALAI PAWL Varanasi Mission Inkhawmpui a nih avangin KTP Tawngtai Inkhawm a awm lovang. May 25, 2009

THAWHTAN ZAN

Hruaitu : Nl. Zirnunsangi, Com. Member |antu : Nl Ramdinmawii, Gabriela Gr. Thilpek lakhawmtute : Tv. Lalhriatzuala, Mikaela Gr. Tv. Abednago Lalrintluanga, Mikaela Gr Faith Promise hlantu : Nl. Lal\anpuii, Uriela Group Extempore Speech: Speech Group tin a\angin member pakhat zel.

Special Item : 1. Male Voice 2. Female Voice

SALVATION ARMY

THIANGHLIMNA INKHAWM (24.05.09) Hruaitu Thusawitu

: Pi Rodingliani HLWS : Maj. Saitluangi SUNDAY BIBLE SCHOOL

Hruaitu

: Tv. C.Ruala CHHANDAMNA INKHAWM

Hruaitu Thusawitu

: Tv. David Lawmzuala : Pu K. Zohmingthanga SL

SAY THAWHTAN ZAN INKHAWM (25.05.09) Hruaitu Thusawitu

: Tv. Lalthansanga : Nl. H. Lalhriatpuii Treasurer

Bible Chhiar Thawhlawm

: Tv. Larry Lalrinsanga : Nl. Lalruatdiki

Published by Y.M.A., Dawrpui Branch, Printed at G.S. Offset Printers, Treasury Square